1:40 صباحًا الجمعة 22 مارس، 2019






اغاني شعبيه قديمه مكتوبه مصرية للافراح

اغانى شعبيه قديمه مكتوبه مصريه للافراح

 

و رحمه الله و بركاته ازيكو ياحلوين ياقمامير عاملين ايه
جابتلكو شويه اغانى ميه ميه علشان تبقى تخلى و حدها قربتك تغنيلك الاغانى دي
ماشى اي خدعه
بس امانه اللى تخش
تدعيلى ان ربنا يعجل جوازى على خير انا و محمد و يعجل فرحى قريب عاجلا و ليس اجلا
انشاء الله باذن الله
امين يارب العالمين
اسبكو مع الاغانى باقه

الفرح الشعبى و الفرح الريفى و جهان لعمله واحده .. هذه العمله هى الفرحه الحقيقيه سواء للعروسين او الاهل، و الفرحه هنا لا تقتصر على يوم او ليله واحده او فتره زمنيه محدده كما هو الحال في افراح المدينه في القاعات و النوادى و الفنادق.
فمراسم الاحتفال في الافراح الشعبيه و الريفيه تمتد لاربعه ايام او اكثر من ذلك، و لكل يوم من هذه الايام طقوسه و اغنياته الخاصه النابعه من تراثنا الشعبى المصري.
التنجيد و الاثاث
يبدا الفرح ب ليله التنجيد حيث يجتمع اهل العروسين للاعلان عن بدايه الافراح و اقتراب موعد الزفاف و هنا نسمع اغانى خاصه بهذه المناسبه فنسمع مثلا ما تعلى باب الاوضه يا و اد يا بنا… و على باب المندره يا و اد يا بنا… و على باب القاعه يا و اد يا بنا…
ثم تاتى ليله نقل الاثاث من منزل العروسه الى عش الزوجيه ، فتنطلق الزغاريد و الاغانى من فوق السيارات التى تحمل الاثاث و يبدا الكل في الغناء من حول السيارات فنسمع
افرحى يادى الاوضه .. جياكى عروسه موضه …
افرحى يادى المندره .. جياكى عروسه سكره …
افرحى يادى القاعه .. جياكى عروسه الساعه …
وما ان يقتربوا من المنزل الذى سيجمع العروسين حتى نسمع
رشوا الشارع ميه.. عروسه الغالى جايه .
رشوا الشارع كاكولا.. عروسه الغالى منقوله .
ايوه يا حاره ضالمه .. اجنا اللي نورنا
ايوه يا حاره هس هس .. احنا اللي عمالنلكم حس
ليله الحنه
ثم ياتى بعد ذلك مظاهر الاحتفال بالحنه او(ليله الحنه و التى تكون غالبا في بيت العروسه فنجد العروسه تجلس و سط صديقاتها و تتولي احدي السيدات رسم الحناء على يديها، و يبدا اهلها و اقاربها في الغناء على دق الطبله فنسمع
مدى ايدك يا عروسه.. مدى ايدك للحنه …
مدى ايدك يا عروسه.. مدى ايدك و تحني…
وكذلك تتغني السيدات طلبا للعريس
بس الوله يجي.. بس الوله يجي…
يجى عالمحطه.. و ادبحلوا بطه …
يجي عند دارنا .. و ادبحله حمامنا ، و اشاورله يجى
يجى عالتسريحه .. و احطلوا ريحه…
واسكاتا للاب تغنى السيدات
يحيا ابوها يحيا.. يحيا ابوها يا جدعان…
يحيا ابوها و شنبه.. اللى ما حدش غلبه…
وطبعا ما لناش الحق نسال اللى ابوها حالق شنبه يعمل ايه.
اما في منزل العريس فالامر لا يختلف كثيرا فنجد فيه حفله وداع العزوبيه و هنا نجد اصدقاء العريس يغنون له فيقول احدهم
حلال عليك ست الحلوين.. عرفت يا عريسنا تنقي…
رشوا الملح يا ناس م العين.. ورقصونى ده انا من حقي…
الليله ليله هنا و سرور.. و كوبيات في صوانى بدور…
ومالناش دعوه باه الكوبيات دى فيها ايه
ادحرج و اجرى يا رمان
ونصل الى ليله الفرح الكبري .. ليله الزفاف او ليله الدخله .. فالانوار معلقه في بيت العروسين .. اصدقاء العروسه يحيطون بها في احدي غرف المنزل حيث تجلس بين يدى ” الكوافيره ” فتنطلق اغنيه
ما تزوقينى يا ما ما.. قوام يا ما ما…
ده عريسى هايخدني.. بالسلامه يا ما ما…
ومتعرفش بصراحه هى مستعجله على ايه، اكنها مخطوبه للسيد نجل…. و لا بلاش
اما بيت العريس فتري نفس المشهد , فاصدقاؤه يحيطون به و هو يرتدى ملابس الفرح و هنا نسمع
يا اولاد بلدنا يوم الخميس..
ها كتب كتابى و ابقى عريس..
الدعوه عامه و ها تبقى لمه ..
وها يبقى ليه في البيت و نيس… يا اولاد بلدنا.
اما في الليل تنطلق الزفه و تبدا بزغاريد متتاليه ثم يبدا الغناء من الجميع، فقد وصلت الفرحه ذروتها، فعلى نغمات الفرق الموسيقيه نسمع
وهنبدا الليله .. اه.. اه ..
ده عريسنا الزين كحيل العين و عروسته حلوه و جميله حنقول يا ليل، و نقول ياعين.. حصوه في عينك ياللي ياللي ما تصلي ، ما تصلي على النبي ثم يبدءون في
صلي.. صلي.. على النبى صلي
واللى ما يصلى ابوه ارملي.. صلي
وكذلك
ادحرج و اجرى يا رمان.. و تعالى على حجرى يا رمان..
دانا حجرى حنين يارمان.. يخدك و يميل يا رمان..
ونسمع ايضا اشهر الاغانى الشعبيه
دقوا المزاهر يلا.. ياهل البيت تعالوا
جمع و وفق و الله.. و صدقوا اللى قالوا
عين الحسود فيها عود يا حلاوه ..
عريس قمر و عروسته نقاوه ..
واحنا الليله دي كدنا الاعادي.
وعند توصيل العروسين تزف العروسه ب
طالعه السلالم يا مشا الله عليها..
ست العرايس و العريس في ايديها.
المنافسه مشتعله
اما الطريف اننا نسمع اغانى كثيره تعبر عن المنافسه بين اهل العريس اهل العروسه فلكل جانب اغنياته.
فاهل العريس ينشدون
خدناها ..خدناها ..
طلبناها م الصيف الماضي.. و ابوها ما كنش راضي..
وعلشنها بعنا الاراضي.. الحلوه اللى كسبناها..
خدناها بالملايين.. و هما ما كنوش راضيين..
علشنها بعنا الفدادين.. الحلوه اللى كسبناها.
اما اهل العروسه يغنون
اوعيلوا يابت اوعيلوا.. الضابط يبقى زميله…
اوعالها يا و اد اوعالها.. ده العمده يبقى خالها…
وتستمر هذه الاغانى و سط فرحه الاهل و الاحباب حتى تنتهى الزفه و معها تنتهى الاغنيات في هذه الليله لتبدا في مكان اخر اعلانا عن ميلاد فرحه جديده في منزل جديد .
ودلوقتي علشان تبقو مستعدين للفرح اتفضلو شويه الاغاني دول
امسك يالا حرامي حلق يالا حرامي ما لك يا بت انتي و هيه على الشباب رايحه و جايه ما فيش جواز النوبه ديه و امسك يالا حرامي حرامي ما لكم كده يا بنات هايمين على الشباب رايحين جايين ما فيش جواز و اغسلو مواعين و امسك يالا حرامي حرامي شوف الشباب التعبانه بتحب البت المليانه و راحت عليكي يا نشفانه و امسك يالا حرامي حرامي شوف الشباب الفقريه بتحب البت الغجريه و راحت عليكي يا بلطيه و امسك يالا حرامي حرامي شوف البنات التعبانه بتحب الواد ابو لبانه و راحت علينا يا رجاله و امسك يالا حرامي حرامي يا سلام يا سلام على المحبه و الغرام في بنات تسعد تريح و بنات تودي اللومان هجبهالكو على بلاطه البنات خلوها بطاطه اللي امها رايحه الخياطه و هي مواعده عشر جدعان هجبهالكو على طبليه البنات خلوها ملوخيه اللي امها رايحه الكليه و هي مواعده ابن الجيران اول يوم انا رايحه النادي تاني يوم انا رايحه النادي البنات ذي الزبادي تاكلها و تصبح جعان يا ليالي ياليالي يا ليالي ياليالي الفرح تعالى و قفنا النمل طابور يا ليالي ركبنا الفيل حانطور يا ليالي اكلنا الفرخه جاتوه يا ليالي لابسنا المعزه ما يوه ما ما نجوي صباح الخير يا ليالي ما ما نجوي مساء الخير يا ليالي ما ما نجوي فكر ثواني ما ما نجوي تكسب صواني انا شايف طبله و زار يا ليالي و شباب بتولع نار يا ليالي ده الحزن في سطرين و الباقي كله هزاركتاب حياتي يا عين يا ليالي ما شفت زيه كتاب يا ليالي الحزن في سطرين و الباقي كله حنان انا شايف زينه و نور يا ليالي و عريس و شباب حلو و امور يا ليالي ده الحزن في سطرين و الباقي كله زهور ادلع يا عريس يا ابو لاسه نايلون ادلع يا عريس و عروستك نايلون الواد احمد ده حماته حباه لاي لاي من صغره راحه جايه و راه و بتديلي على قفاه ابو لاسه لاسه نايلون الواد احمد ده حلو و زين لاي لاي احترت اجبله انا اكل منين تده داهيه في طقه ياكل حمارين ابو لاسه لاسه نايلون الواد احمد ركب الحنطور لاي لاي و زمايله و اقفين له طابور بيقولوله يا ابو بربور ابو لاسه لاسه نايلون الواد احمد ده كله شباب لاي لاي و مراته و اقفاله على الباب و اقفه و مسكاله القبقاب ابو لاسه لاسه نايلون ليلا ليل لايل لا يلا – لا لايل لايلا ليلي ليلا و دخلت زراعه برجليا و دخلت و لا سمو عليا و خرجت منها بعد سنين لابس سديري و جلابيه و دخلت بطري برجليا و دخلت و لا سمو عليا و خرجت منها بعد سنين باربع رجول و ليا و دخلت طب برجليا دخلت و لا سمو عليا و خرجت منها بعد سنين فشلت في اول عمليه و دخلت حقوق برجليا و دخلت ه لا سمو عليا و خرجت منها بعد سنين خسران اول قضيه و دخلت جيولوجيا برجليا و دخلت و لا سمو عليا و خرجت منها بعد سنين ما سك حجاره بايديا
الموضوع ده و الله يا جماعه انا اللي كتابته لما فيه من الاهميه علشان اوقات كتييير ممكن الدي جي يقطع تقوم انت تشتغل بس اوعي يكون صوتك وحش و تودينا في داهيه الف مبروك لكل اللي هايتجوز و عقبالي يا رب و سمعونا بقي احلي ردود
Terms :
  • اغاني شعبيه قديمه مكتوبه
  • اغانى افراح بلدى مكتوبه
  • اغانى افراح قديمة مكتوبة
  • اغانى افراح شعبيه قديمه مكتوبه
  • كلمات اغانى افراح بلدى
  • اغانى افراح مصرية قديمة مكتوبه
  • اغاني شعبي للافراح
  • اغاني افراح قديمة مكتوبة
  • اغانى افراح قديمه مكتوبه
  • اغانى افراح مكتوبه
3٬499 views

اغاني شعبيه قديمه مكتوبه مصرية للافراح