يوم 18 فبراير 2020 الثلاثاء 8:31 مساءً

انواع خبز الدار

صورة انواع خبز الدار

صور

السلام عليكن اليوم حبيت نقدملكم خبز الدار بطريقتى الخاصه
صدقونى هاد الخبز خفيف جدا جدا جدا و ما يتشبعش يبان مسكوتة و زيد يحمر الوجة و يتناسب مع العرضات و العزومات نتمني تطبقوة و تردولى و انشاء الله نشوف تطبيقاتكم في القريب العاجل

المقادير
فى صحن كبير ديرى ثلاث بيضات مع نص كوب اينوكس زيت و ملعقة كبار خميرة خميرة الخبز و مغرف ملح و مغرف كبار و نصف سكر زيدى فوقهم كوب و ثلاث ارباع حليب سائل دافى و ربع الكاس ماء زهر يعني زوج كيسان اينوكس بين الحليب و ماء الزهر و اللى ما تحبش ماء الزهر تعوضو بالحليب يعني زوج كيسان حليب
خلطى الكل مليح مليح بالباتور
وزيدى 1كلغ بالضبط فرينة من دون زيادة و لا نقصان و زيدى 1خميرة نتاع القاطو و مغرف ثانية= من خميرة الخبز

خلطى من غير ما تعجنى بملعقة خشبية رح تتحصلى على عجينة تلصق خليها في نفس الصحن
وغطية بكيس ثم منشقه
وخلى العجينة تتخمر نصف ساعة في مكان دافيء
ادهنى زوج سنيوات نتاع الفرن بالزبدة و ادهنى يدك مليح بالزيت و اقسمى العجينة على السنيوات الزوج

زيدى ادهنى يدك و حلى العجينة في السنيوة حتى تولى قيسها سقميها مليح راهى تاخد شوية وقت لان العجينة طرية بزاف و ايلاستيك

ادهنى الوجة بصفار البيض و ر شي الجلجلان و السينوج

زيدى خليها تتخمر مرة تانية ربع ساعة في مكان دافء و هدا امر مهم و يعمل فرق ثم انقبى القرصة بفرشيطة و دخليها تطيب
ماتاخدش وقت كثير
ومبعد قدميه
وبالصحة و العافيه
ادعوليييييييييييييييييييييي

  • أنواع خبز الدار