10:33 مساءً الأربعاء 23 يناير، 2019






تجارب رجيم ناجحة بالصور

بالصور تجارب رجيم ناجحة بالصور 20161006 2010

لحد امتي ناجل و ندمر في نفسيتنا و في جسمنا؟؟
الخسسان و الرشاقه مش مستحيل..ممكن تحققي حلمك اللي دايما بتاجليه
انا قدرت الحمد لله

خسيت ما شاء الله لاقوه الا بالله 57 كيلو
وبثبت وزني دلوقت
كنت 127 كيلو..ودلوقت وزني 70 كيلو
تعالى معانا و حققي الحلم باذن الله.

.قولي .

توكلت على الله..ربي اني احول بحولي و قوتي الى حولك و قوتك فانه لاحول و لاقوه الا بك
ادعوا لي اقدر اثبت وزنى
ازاي خسيت؟؟؟؟؟؟
باختصار

واهم نقطه الصبر و طوله البال..وما نستعجلش النتيجه .

وايانا و الياس..لاتقنطوا من رحمه الله .

1-ابتديت برجيمات متوازنه و اكلها مليان شويه..علشان ما اضعفش في البدايه
يعني نبتدي مثلا ب 1400-1600 سعر حرارى((زي الرجيم الكلاسيك لراضا بهنوس..او الرجيم المثالي للدكتور اسامه حجازى..او اول اسابيع رجيم دكتور بهاء الدين ناجى))
بعد كده بنتدرج كل شهر في تخفيض السعرات الحراريه .

.لان اكيد الجسم بيتاقلم على الرجيم

2_وكنت باخد اعشاب لسد النفس و تعليه الحرق(زنجبيل.قرفه .

شاي اخضر.نعناع.كمون.مراميه بنطحن الكل مع بعض..وناخد معلقه منهم على كوب ماء مغلي و اشربها لما تبرد قبل الاكل بثلث ساعه

3 عملت وصفه ميمو لنسف الدهون..حتلاقيها في المرجع..بتنزل في مقاسات الجسم مش في الميزان((في شهر و نصف..خسست بطني 22 سم))
وكمان بتشد الجلد و تمنع الترهلات

4 الرياضه ما كنتش بعمل في الاول لان وزني كان كبير و ده خطر على المفاصل
بالكتير كنت بمشي ربع ساعه او نصف ساعه في اليوم..لحد ما نزلت شويه .

ومفاصلي ابتدت تلين..وكمان الرياضه لازم بالتدريج
5 دقائق..بعد يومين او ثلاثه نزود 5 و هكذا
.وابتديت اعمل على العجله .

او امشي ساعه .

متوزعه على اليوم..نصف ساعه الصبح و نصف ساعه باليل
الرقص بيخسس و يرسم الجسم بطريقه خيال.وفيه في مرجع الرياضه فيديوهات تمارين للمشي في المكان..تحفه بجد بتعملي الرياضه معاهم و في البيت من غير خروج و لا بهدله..ومش حتحسي بالوقت
ابتدي بالفيديو الاول..وبعد اسبوع خليهم الفيديو الاول و الثانى..بعد اسبوع كمان اعملي ال3
وهكذا لحد ما تعملي ال5 فيديوهات.

5-المهم اوعي و الرجيمات الكيميائيه .

.بتبوظ الحرق..وبتثبت الوزن بعد فتره .

.لفتره كبيره
واوعي يغريكي الارقام الكبيره اللي بيقولها..ممكن تنزليها..لكن اقل اكل حترجعي اضعاف اللي نزلتيه

6-شرب الماء بكثره .

.قبل الاكل .

.او بعد الاكل بساعه و ليس اثناء الاكل(مش اقل من ليترين في اليوم)

7 خلي عندك دايما خضارعلشان لو جعتي بين الوجبات و حتى لو اكلتي فاكهه .

.ارحم من الجوع اللي ممكن يخليكي تهوري و تاكلي بفجع اكل يضر الرجيم

8-اوعي تكنسلي وجبه
بالعكس ياريت تتعودي يبقي اكلك 5 او 6 وجبات..3 .

.

فطار و غداء و عشاء
وال2 او ال3 يبقي تفاحه او.برتقاله .

اوخيار.اوجزر .

او كوب شاي بربع كوب لبن خالي الدسم محلي بمعلقه عسل ابيض
علشان معدل حرق الدهون يفضل عالى..واوعي تفتكري ان تقليل الاكل و اختصاره من الرجيم كده حتخسي اكتر..بالعكس الجسم حيعرف انك بتجوعيه و يبتدي ما يحرقش علشان يحافظ على نفسه

9 عند ثبات الوزن….

ناخد رجيم دكتوره مها راداميس لثبات الوزن..فعلا و عن تجربه بينهي ثبات الوزن
ولازم نتعود بعد الشهر الاول اننا نغير الرجيم كل اسبوع..

10 الابتعاد عن ادويه التخسيس.كلها مخاطر

11 لو امكانياتك الماديه و الاجتماعيه تسمح لك تروحي لدكتور .

.اوعي تترددى.حيساعدك كتير.وحيوفر عليكي التفكيرفي الرجيم و اختياره.وكمان حيعرف ما يخليش وزنك يثبت لفترات طويله

12 زي حالاتي و ما تقدريش تروحي لدكتور لاي سبب من الاسباب..اوعي تياسي و تقولي ما فيش فايده..انا خسيت 50 كيلو من غير دكتور..صحيح اخدت وقت اطول شويه..لكن قدرت و وصلت الحمد لله

13-تقدري تروحي لجيم فاهم و عارف تمارين التخسيس..ما تتردديش .

روحى
مش حتقدرى؟

يبقي المشي احسن رياضه .

.والرقص..مافيش اي حجه .

.امشي في البيت..ربع ساعه الصبح و ربع ساعه باليل

14 في العزومات اوعي تجاملي حد على حساب نفسك او صحتك..مش عايزه حد يعرف انك عامله رجيم.؟؟.ركزي على اللحوم و السلطه .


.خلاص بقي اتدبستي و لازم حتاكلي اكل خطر على الرجيم..خلي فطارك فاكهه صنف واحد فقط…وكلي اقل شىء تقدري تاكليه في العزومه .

.وعشاكي يكون فاكهه نفس صنف الافطار..واعملي حسابك ما فيش فري الاسبوع ده..وزودي الرياضه شويه

15 طبعا احنا بشر..حتيجي فتره و نضعف..ماما عامله اكله تجنن..مش عارفه مين منكد عليا و غصب عني اكلت..والندم حيموتنى
نوووووووو..كده غلط..

خلاص اكلتى..مش نهايه العالم..كملي الرجيم عادى..ولا كان حاجه حصلت((طب و اللي اكلته) ارقص نصف ساعه .

.امشي ساعه .

.حتحرقي اللي عكيتيه
المهم مهما عكيتي اوعي توقفي الرجيم..لان حتلاقي نفسك بتبعدي جامد جدا عن الرجيم و ترجعي اضعاف اللي نزلتيه
العك ده شىء بديهي في الاول و حتى في النصف.وحتي في اخر الرجيم..احنا بشر..واي خطء ممكن علاجه..المهم اعملي حسابك ان الرجيم ما شي مهما كانت الظروف..واي غلطه تتعالج..ارقصى..اتمشى..احرقي الاكل الزياده يعني لو اكلتي مثلا 600 سعر زياده عن المقرر ليكى))احرقيهم على يومين((يعني اعملي رياضه اليومين الضعف))واوعي احساس الندم يتملكك..حتاكلي اكتر و اكتر
حبي نفسك و سامحيها..وعاقبيها عقاب يمشي مع مصلحتك و صحتك..

بالرياضه

Terms :
  • تجارب رجيم
  • تجارب ريجيم ناجحة
  • تجارب رجيم ناجحة
  • تجارب الرجيم الناجحة
  • تجارب ريجيم ناجحة جدا
  • تجارب رجيم ناجحه
2٬364 views

تجارب رجيم ناجحة بالصور