8:19 صباحًا الثلاثاء 16 أكتوبر، 2018

تطويل الشعر وتكثيفه و تنعيمه في 6 ايام


تطويل الشعر وتكثيفه و تنعيمه في 6 ايام
صورة تطويل الشعر وتكثيفه و تنعيمه في 6 ايام
عندي لكم وصفة عجييييييبه لاطاله وتكثيف الشعر بشكل ملحوظ في مدة قصيرة .

.

انا شخصيا جربتها وافادتني كثيير،مع ان شعري ماكان قصير كان طوله حلو،بس استفدت كثير،واختي كان شعرها قصيير وقليل مرره واستخدمت نفس الوصفة وشعرها صار كثييف وطويل،طبعا مش طويل مرره ،

بس بالنسبة لاول صار اطول والفرق وااااضح في الطول والكثرة .

.
واختي بعد استخدمتها لولدها كان اصلع ومن اول مره حطت له بدى شعر خفيف يطلع له بس واضح الفرق من اول استخدام .

.
و زوجه اخوي استخدمتها وتقول انها لاحظت ان شعرها طول،وبعد استخدمتها لبنتها الصغيرة .

.كان شعرها خفيف و لاحظت الفرق بسرعه .

.صار اكثف..
وصديقه اختي واختها..هي شعرها طويل بس استخدمت نفس الوصفة وتقول ان شعرها صار اكثر..
وللمعلوميه ان شعرها كثر وهي ماصار لها من استخدمتها الا سته ايام .

.بس لاحظت الفرق بسرعه .

.والمفاجاه لكل وحده تعاني من القشره ان هذي الوصفة تزيل القشره نهائيا في فتره بسيطة مهما كانت كثرتها..لان صديقه كانت تعاني من القشره ،

وبعد مااستخدمتها في سته ايام لاحظت ان شعرها صار اكثر وان القشره اختفت تماما من شعرها..
وانا بعد كانت القشره واااضحه في فروه الراس بس بعد ما استخدمتها،مافي اي اثر للقشره نهائيا…
عموما هذي الوصفة ماكتبتها لكم الا بعد ماجربتها اكثر من وحده انا،وثلاث من خواتي،وصديقه اختي واختها،و زوجه اخوي،وبنت اخوي الصغيرة ،

ولد اختي الصغير وكلهم امدحوها كثيير…
وتنفع للصغار الى مافيهم شعر..ماتاثر عليهم بس اهم شي مايطول الزيت في شعورهم لان الصغير مش مثل الكبير يستحمل حراره الشعر اذا جا يطلع،لان الفرق بيصير اوضح والشعر ينبت اول ماتبدئين تدلكين فروه الراس ،

في نفس الوقت تلاحظين،حتى قبل ماتغسلينه له،بس اكيد راح يبكي طول ماهو في شعره..
وهذا اكبر دليل على ان الشعر راح ينبت و تبدئين تحكين مكان الشعر الى توه بيطلع..

وان شاء الله كلكم راح تلااااحظون الفرق..وكل مابغيتي يصير اطول واكثف .

.استمري عليه فتره اطول..اقصد اذا لاحظتي الفرق خلال اسبوع..لاتتركينه،استمري لمدة شهر…و راح تدعين لي .

.لان النتيجة الى بتشوفينها خياااال…نتيجة رهييييبه …وكل مازادت المدة اكثر من شهر صارت النتيجة …((رااااااائعه )
والله العظيم اني ما ابالغ …وانتو بنفسكم تحكمون بعد ماتجربونها..(والتجربه خير برهان)
على فكرة



.بس قولوا……..

ماشااااااء الله……..( اخاف على شعري طبعا )
انا واختي استخدمناها ثلاث ايام ولاحظوا اهلي ان شعري وشعر اختي صار اطوول واكثثف…
واذا مش مقتنعه جربي خلي احد يقيس لك طول شعرك من(البداية الى الاطراف)بالمتر،واستخدمي هذي الوصفة يوميا،وبعد اسبوع رجعي وقيسي طول شعرك مره ثانية …واكيييد راح تتشجعين اكثر ،

وتستمرين عليها فتره اطول،وبتدعين لي،
وحكمي بنفسك بعد هالتجربه ،

و رجعي كتبي للبنات في هذا المنتدى ملاحظاتك..

ادري اني طولت عليكم بالكلام … بس انا ماكتبت لكم هذا الموضوع الامن فرحتي واني حابه افيدكم مثل ماافدتوني..وبغيت اشجعكم لان هالوصفة بصرراحه ماتتفوت..

بس عيبها شي واحد..((ريحتها قوويه ،

بس الى يبغي الورد….يصبر على شوكه))
وانا ماانصح المتزوجات يستخدمونها..لانها اذا شمها زوجها…بدل ماتدعي لي …راح تدعي علي…
الا في حالة استثنائيه .

.اذا كان زوجك مسافر او دوامه shift او كل اسبوع يجي لك يومين..يعني اهم شي مايكون موجود فتره استخدام هالوصفة .

.وقبل مايجي عطري البيت وبخريه…ولاتنسين تعطرين شعرك بعطورات الخاصة مثل)عطر مايا من زهور الريف،او تستخدمين كريستال سيروم،بعدين بخريه)عشان مايشم منك الا الروايح الزينه .

.

المهم مابنطلع برى الموضوع…..
الوصفة عبارة عن:
اولا:مكوناتها هي:
نواه التمر عين الجمل نوع من انواع المكسرات تسمى بهذا الاسم بمقدارين متساويين
والمقدار تقريبا



2 كاس بلاستيك لكل منهما
بياله حلبه
بصله مقطعة قطع كبيره
2فص ثوم مقطع قطع كبيره
بصله مفرومه فرم ناعم نعصر مائها باليد
2فص ثوم مفروم نعصر مائه باليد
كميه كافيه من الجرجير(نعصره مقدار كاس واحد بلاستيك معصور
علبه كاملة كبيرة زيت جوزالهند
علبه كاملة كبيرة زيت دابر املا الاصلي الاخضر مش الاصفر
علبه كاملة زيت الاس(من العطار)
كميه قليلة جدا من دهن الورد(من العطار)
ثانيا:طريقة عمل الوصفة هي


1 ناخذ نواه التمر عين الجمل ويحرق على النار ثم يطحن جيدا ثم يعجن بدهن الورد
الى ان يصبح مثل المرهم (وتستخدم هذه الوصفة ايضا لتغزير شعر الحواجب))
2 نطحن الحلبه
3 نخلط الزيوت زيت جوزالهند زيت دابر املا زيت الاس في علبه كبيره
4 نضيف ماء البصل والثوم المعصور بواسطه اليد ماء الجرجير المعصور)
5 نضيف على الزيوت في نفس العلبه الكبيرة الى خلطنا فيها الزيوت نضيف(نواه التمر+عين الجمل)المطحون+الحلبه المطحونه
6 نضيف على الزيوت قطع البصل والثوم في نفس العلبه الكبيرة ويمكن اضافه الفلفل الاخضر الحار بعد تقطيعه )
7 نرج العلبه حتى تختلط الزيوت والحلبه و..و..و..مع بعض.
8-تترك ليلة كاملة قبل الاستخدام حتى ياخذ البصل والثوم مفعوله على الزيوت
ثالثا



طريقة الاستخدام هي


1 تدلك فروه الراس جييييدا مع الاطراف
2 يغطى الشعر بالغلاف البلاستيك الخاص بالاطعمه حتى تاخذ الوصفة مفعولها جيدا)
3 يترك على الشعر مدة تترواح بين ساعتين الى ثمان ساعات
اقل مدة

ساعتين لتاخذ الوصفة مفعولها
واكثر مدة



ثمان ساعات
(انا عن نفسي اتركه بشعري ثمان ساعات والحمد الله مافي اي اثر للتساقط او اجهاد الشعر او فروه الراس)
4 يستخدم يوميا لكن يجب اعطاء الشعر فتره راحه كافيه .

يعني بعد ماتغسلينه بالشامبو تخليه بدون وضع اي كريم او زيت علشان ماتجهدين فروه شعرك لانك راح تحطين زيت يوميا)
(اما اذا كان شعرك يحتاج للكريم او الزيت بعد ماتغسلينه بشامبو يفضل انك تستخدمين شامبو مرطب مثل شامبو دوف 2في1 لجميع انواع الشعر،عشان مايخليه جااف،او اي شامبو ثاني مرطب،واذا كنتي ماتقدرين تستغنين عن الكريم بعد ماتغسلينه يفضل انك ماتكثرين من الكريم بس مسحات خفيفه على الشعر،عشان مايتطاير هذا اذا كان شعرك جاف)
وعلى فكرة

ترى هذي الوصفة زياده على انها تطول وتكثف الشعر بعد تنعمه،ومع المداومه تشوفين شعرك صار مايحتاج اي كريم،بس غسليه بشامبو ومشطيه وخليه يجف على الراحه وبتلاحظين نعومته صارت طبيعية وماتحتاجين لشي..(خصوصا اذا كنتي تغطين شعرك بالغلاف البلاستيك الخاص للاطعمه ،

لان الشعر يتشبع من الزيت)
اخيرا…
راح اختصر لكم مميزات هذه الوصفة


1 تطول الشعر
2 تزيد من كثافه الشعر
3 تنعم الشعر
4 تزيل القشره تماما…
5 تنفع للاطفال

147 views

تطويل الشعر وتكثيفه و تنعيمه في 6 ايام