7:54 مساءً الثلاثاء 23 أكتوبر، 2018

حل مشكلة الاؤداف


صورة حل مشكلة الاؤداف
مفيش شك ان حلم كل البنات هو الحصول على قوام مثالي ومتناسق بس للاسف ساعات كتير بيبقى تحقيق الحلم ده صعب شويه ،



وتلاقي البنت قوامها مش متناسق،

وفيه اماكن حجمها كبير شويه او شويتين..

يعني انا عارفه ان الموضوع ده ممكن يسبب لك مشاكل كتير قوي.صورة حل مشكلة الاؤداف

بس ولا يهمك احنا في غالى دايما حيكون شعارنا “مفيش مشكلة الا وليها حل مدام احنا مع بعض”..
علشان كده فكرنا ودورنا وعملنا الملف الجامد ده علشان نحقق حلم كل بنت ونحل المشكلة دي..

صورة حل مشكلة الاؤداف

هاه عايزه تعرفي ايه حل المشكلة دي..
يبقى مفيش قدامك غير انك …..

تكملى معايا للاخر ويكون عندك شويه صبر هههه يلا بينا
ملف النهارده حيتكلم على اكثر المشاكل اللى بتواجه البنات وهى مشكلة الاردااااف وعلشان نعرف الحل لازم نتعرف على اسباب المشكلة يلا بينا ………

اولا:

الخمول وقله الحركة

يعتبر الخمول وقله الحركة والجلوس لفترات طويله بنفس الوضع سببا اساسيا من اسباب كبر حجم الارداف وكمان الكسل وعدم ممارسه الرياضه ،



ده بالاضافه الى النوم بعد تناول الوجبات الدسمه زي العشاء والغداء.

ثانيا:

الاكل

والنقطه دي بيندرج تحتها العديد من النقاط الفرعيه زي اتباع نظام غذائي سيئ والاكثار من تناول المواد التي تحتوي على مواد دهنيه او نشويه او سكريات عاليه

ثالثا:

الحمل والولاده

وده لان الحامل اثناء فتره الحمل والولاده بيحصل لها تغييرات في هرمونات الجسم،

ده بالاضافه الى ان الحامل ممكن انها تتبع نظاما غذائيا سيئا وكمان عدم ممارسه التمرينات الرياضيه الخاصة بالحامل،

دي كلها عوامل ممكن تؤدي الى كبر حجم الارداف.

وكمان الحمل المتكرر سبب من اسباب ظهور المشكلة وده لان العضلات بيحصل فيها نوع من الخمول والضمور بشكل عام،

وبالتالي حدوث ترهلات للجلد ولعضلات الارداف بشكل خاص،

الامر الذي قد يسبب ضمورا لهذه العضلات وعدم وجود فاعليه لها وهو ما قد يتسبب في تراكم المواد الدهنيه في هذه المنطقة

رابعا:

الوراثه
بتلعب الوراثه دور كبير في عملية تجمع الدهون في منطقة الارداف.

خامسا:

الهرمونات
حيث يتركز تاثير بعض الهرمونات عند البنات في منطقة الارداف والفخذين وعند الشباب في منطقة الصدر.

بس كده..

دي كانت الاسباب…
بس ولا يهمك تعالي نعرف في الكلام اللي جاي الحل ايه؟

علشان نحل المشكلة دي ونحقق حلمنا بالحصول على قوام مثالي يبقى لازم تاخدي بالك من شويه الحاجات دي وهي:

اولا:

قائمة الممنوعات

لابد من انك تعملي قائمة بشويه حاجات ممنوع الاقتراب منها نهائيا لغايه ما تتخلصي من مشكلتك،

وبعد ما تتخلصي منها ممكن تاكلي منها بس بحساب.
وقائمة الممنوعات هي:

1.

المواد النشويه زي الرز والمكرونه والبطاطس المحمره .




2.

المواد التي تحتوي على الكافيين.
3.

الابتعاد عن المواد الدهنيه زي اللحم الضاني واللحوم المحمره .


4.

الابتعاد نهائي عن المواد التي تحتوي على سعرات حرارية عاليه زي الوجبات التيك اواي.
5.

منتجات الالبان زي الزبد والقشده واللبن كامل الدسم.
6.

المكسرات بكافه انواعها.
7.

الحلويات..

انا عارفه ان فيه ناس مش بتقدر تمسك نفسها قدام الحلويات وخاصة الشيكولاته بس معلش تعالي على نفسك شويه ،



وابعدي نهائيا عن الحلويات
ثانيا:

كلي خضار على قد ما تقدري

ده دايما حيكون شعارنا في غالى للصحة وهو “اهلا بالخضروات” وده لان المواد الخضراء فيها قيمه غذائية عاليه مفيدة للبشره ،



ده بالاضافه الى ان معظم الدراسات العلميه اثبتت ان الخضروات لها اهمية كبيرة جدا في انقاص الوزن،

ده بالاضافه الى انها بتمد الجسم بقيمه غذائية عاليه جدا ويبقى بكده انت ضربت اكتر من عصفور بحجر واحد..

حافظت على رشاقتك وعلى جمال بشرتك.

وياريت زي ما احنا حنتفق دايما ان طبق السلطة الخضراء يكون هو الطبق الاساسي على السفره ويكون مكون من الفجل والجرجير والبصل والثوم..

وعلى فكرة الفجل الابيض بيحتوي على مواد بتساعد في اذابه الدهون من منطقة الارداف وده لانه غني بالالياف اللي بتسهل عمليات حرق السعرات والدهون الزائده بمنطقة الارداف
ثالثا:

الرياضه

الرياضه ثم الرياضه ثم الرياضه حتى لو كانت الرياضه دي هي المشي لمدة نصف ساعة يوميا وهتشوفي النتيجة بنفسك.

بس كده..

ده كان الحل
ولو عايزه تعرفي وصفات طبيعية تساعدك لتخسيس الارداف خليك معايا وبلاش تزوغى من الصفحة ههه.

وصفات لتخسيس الارداف
وعلشان انا عارفه ان كل حبايب غالى بيحبوا الوصفات الطبيعية جبتلكم مخصوص شويه الوصفات دي اللي هتساعد على تخسيس منطقة الارداف وانت اختاري اللي يناسبك منها..

نشوف مع بعض..

الوصفة الاولى

المكونات
• كوسه
• فاصوليا خضراء
الطريقه
اسلقي الكوسه مع الفاصوليا الخضراء وبعد كده اضربي الكوسه مع الفاصوليا الخضراء في الخلاط لغايه ما يكون شكلها على شكل عصير،

اشربي منه كوبايه بعد كل وجبه .


الوصفة الثانية

المكونات
• كوب من الماء
• معلقه من الزنجبيل المطحون ومعلقه من القرفه المطحونه
الطريقه
اغلي الماء وضيفي الزنجبيل والقرفه وبعد كده سيبيهم يغلوا واشربي فنجان منها قبل كل وجبه .


الوصفة الثالثه

المكونات
• بذره الكتان هتلاقيها عند العطار بتكون على شكل حبه السمسم بس لونها بني غامق.
الطريقه
كل اللي انت هتعملية انك تاخدي منها معلقه او معلقتين صغيرين يوميا قبل النوم.

وعلى فكرة الوصفة دي غير انها بتساعد على تخسيس الارداف والكرش فهي كمان بتفيد في الوقايه من سرطان الصدر والعياذ بالله ويبقى كده انت ضربت اكتر من عصفور بحجر واحد.
الوصفة الرابعه

المكونات
• خل التفاح
الطريقه
ادهني منطقة الارداف بخل التفاح واتركيها لمدة عشرين دقيقة ثم خدي دش ميه فاتره وهتشوفي النتيجة .

.

كرري الموضوع ده مرتين في الاسبوع وبعد مرور شهر هتشوفي النتيجة بنفسك.
الطريقة الخامسه

المكونات
• معلقتين بن مطحون
• كوب ماء دافئ
الطريقه
يتم خلط البن بالماء لغايه ما يبقى على شكل عجينه وبعد كده تقومي بفرك العجينه دي على منطقة الارداف بحركة دائريه على اتجاه عقارب الساعة لمدة عشر دقائق وعكس الاتجاه لمدة عشر دقائق.
بعد كده هتلاقي ان المنطقة دي اصبحت عليها طبقه من الزيت..

قومي باخذ حمام دافئ،

وكرري العملية دي مرتين في الاسبوع لمدة شهر وهتشوفي النتيجة بنفسك،

ده غير ان الوصفة دي بتساعد على نعومه الجسم.

بس كده..
دي كانت مجموعة من الوصفات الطبيعية اللي ممكن تعمليها للتخلص من كبر حجم الارداف..

وعلى فكرة الوصفات دي مفيدة جدا للناس اللي وزنهم مناسب بس عندهم مشكلة في الارداف.

يلا تعالى نشوف التماارين الرياضيه

تمارين رياضيه
وعلشان اكون عملت اللي عليا وقدمت ملف شامل فعلا،

دي مجموعة من التمرينات الرياضيه اللى بحث عنها وجبتهالك اللي هتساعدك على تخسيس منطقة الارداف بس لازم تاخدي بالك الاول من شويه الحاجات دي وهي:
1 وانت هتبدئي ممارسه التمرينات دي حاولي انك تسخني عضلاتك علشان ماتبدئيش مره واحده وعضلاتك تشد..

يعني حاولي انك تسخني ببعض الحركات البسيطة كمرجحه الذراعين والرجلين،

يعني ياريت تبدئي بالتدريج واحده واحده علشان لو بدات مره واحده هتحسي انك دايخه وتعبانه ومش قادره انك تعملي حاجة ،



وهتكرهي التمرينات ومش هتجربي انك تعمليها تاني.
2 ياريت انك ماتعمليش التمرينات دي وانت لسه اكله ومعدتك ممتلئه بالطعام علشان ماتشعريش بدوخه .


3 وقفي التمرينات بسرعه اول ما تشعري بدوخه او صعوبه في التنفس.

4 لازم تاخدي بالك كويس من استقامه ظهرك في كل تمرين علشان ده مهم جدا علشان بطنك ترجع الى طبيعتها.
5 بلاش تيجي على نفسك قوي،

يعني ماتبالغيش في ممارسه التمرينات دي على الفاضي والمليان بحجه انك كل ما تعملي اكتر تلاقي نتيجة احسن،

علشان ممكن تلاقي نتيجة عكسيه .

.

يعني من الاخر كفايه نص ساعة في اليوم تعملي فيها تمرينات رياضيه .

يلا نشوف مع بعض

التمرين الاول

نامي على بطنك وايدك للخلف وبعد كده ارفعي ايدك ورجلك لفوق..

عدي خمس مرات ونزليهم تاني وبعد كده ارفعيهم تاني..

كرري التمرين ده 15 مره .

التمرين الثاني

والتمرين ده بيسمى تمرين السباحه وكل اللي هتعملية هو انك هتنامي على بطنك وايدك مفروده للامام على الارض وبعد كده ترفعي ايدك ورجلك لفوق مع بعض في نفس الوقت،

وتسيبيهم فوق وتعدي خمس مرات وتنزلي،

وهكذا..

كرري هذا التمرين 15 مره .

التمرين الثالث

نامي على الارض مع مراعاه ان ظهرك يكون مفرود وحطي ايدك جنبك على الارض وبعد كده حاولي على قد ما تقدري انك تتني رجلك لغايه منطقة الصدر مع الاحتفاظ بايدك زي ما هي على الارض..

كرري التمرين ده 15 مره .

التمرين الرابع

نامي على ظهرك وايدك على الارض وبعد كده ارفعي رجلك الى اعلى ونزلي وهكذا..

كرري التمرين 20 مره .

التمرين الخامس

اقفي وخدي بالك ان ظهرك يكون مفرود،

وارفعي ايدك لفوق على راسك،

وبعد كده ميلي ناحيه اليمين مره والشمال مره .

.

كرري التمرين ده 10 مرات.

التمرين السادس

نامي على ظهرك وحطي ايدك خلف راسك على الارض،

وبعد كده ارفعي راسك مع رجلك اليمين مره ،



وراسك مع رجلك الشمال مره تانيه .

.

كرري التمرين ده 10 مرات.

التمرين السابع

اقفي مع مراعاه ان ظهرك يكون في وضع مستقيم وايدك في وسطك،

وبعد كده انزلي برجلك للاسفل مع تني الركبتين للاسفل..

كرري التمرين ده 6 مرات.

التمرين الثامن

نامي عى جنبك مع وضع ايدك في وسطك وارفعي رجل ونزليها لمدة 10مرات،

وبعد كده كرري نفس الوضع بس مع جنبك التاني.

التمرين التاسع
وده هيحتاج منك ان يكون عندك الدراجه الثابته في البيت علشان تمارسي التمرين ده عليها لمدة ربع ساعة يوميا.


101 views

حل مشكلة الاؤداف