11:09 مساءً الأربعاء 23 يناير، 2019






خطوات استقدام زوجة للسعودية بشكل صحيح

خطوات استقدام زوجه للسعوديه

بالصور خطوات استقدام زوجة للسعودية بشكل صحيح 20160826 13

خطوات استقدام الزوج المصرى لزوجته المصريه الى السعوديه

الخطوه الاولي
(تتم في مصر و يقوم بها الزوج

التصديق على قسيمه الزواج قسيمه واحده بس

نبدا اليوم بسم الله و نتوكل على الله و نروح اقرب محطه مترو و نقطع 6 تذاكر مترو

9.00 صباحا ننزل محطه التحرير السادات و نروح مجمع التحرير ندخل المجمع الدور الارضى هنلاقى البنك الاهلي في و شنا
وفى ممر يمين و ممر شمال ندخل الممر الشمال و ندخل اي مكتب و نقوله عاوز اصدق على القسيمه هيدلك على المكتب عشان كل مكتب خاص بعدد من المحاكم
الموظف هياخد منك القسيمه و هيديك طلب تملاه و هاتدفع 260 قرش و هيقولك تروح المحكمه الدور كذا
ومننساش الراجل اللي هيقابلك في اول الممر و يقولك كل سنه و انت طيب ياباشا قل له و حضرتك طيب
الموضوع مش هياخد اكتر من ربع ساعه باذن الله بعد كده نروح عالمترو تانى …

9.30 صباحا نركب المترو و ننزل رمسيس الشهداء و نروح محكمه الزنانيرى عند موقف احمد حلمى او ممكن ننزل سراى القبه و نركب حاجه لمحكمه مصر الجديده او حسب المحكمه اللي الموظف يقول لك عليها
المهم هتروح مكتب الامين العام يمضيلك عليها و بعد كده رئيس النيابه يختملك عليها و مش هتدفع حاجه خالص, و طيران عالمترو …

10.00 صباحا نركب المترو و ننزل سعد زغلول و طيران على و زاره العدل الدور 14 و تسال على مكتب التصديقات
هتدفع 250 قرش و تنتظر شويه ,

و بعد كده نروح فين

؟؟
طيران عالمترو برضو

11.00 صباحا ننزل محطه احمد عرابى و نروح موقف الترجمان و نسال على مكتب تصديقات الخارجيه و تقف في الطابور و تدى قسيمه الزواج للموظف و هتدفع 11 جنيه كده الحمد لله ناقص مشوار واحد يعتبر اهم واحد … بسرعه على المترو …

12.00 ظهرا ننزل محطه التحرير السادات و نخرج من المخرج بتاع المجمع و نروح نصلى الظهر في عمر مكرم و بعد كده ناخد تاكسى و نروح القنصليه السعوديه بجاردن سيتى و هناك تشوف اي مكتب خدمات سياحيه و تقوله عاوز اصدق على القسيمه هتدفع 110 جنيه
الاسعار بتختلف من مكتب لمكتب اسال في كذا مكتب عشان الاستغلال و تستلم بعد اسبوع باذن الله

وبعد كدا طيران على المترو عشان تروح البيت بسلامه الله

ممكن تعمل المشاوير دى كلها و را بعض في يوم واحد او يومين تلاته انت و راحتك

الخطوه الثانيه
(تتم في السعوديه و يقوم بها الزوج برضو

عمل اجراءات الاستقدام للزوجه

1 تعبئه النموذج الخاص بالطلب سواء للاقامه او الزياره مع ملاحظه استيفاء كافه الشروط و البيانات بكل دقه و من ثم ختمها من صاحب العمل و التصديق على توقيعه من الغرفه التجاريه قبل الحضور.

2 – توضح اسماء الاشخاص المطلوب استقدامهم من و اقع و ثيقه السفر مع ايضاح صله القرابه بصاحب الطلب على ان يقصر ذلك على الزوجه و الابناء.

3 – في حاله كون الزوجه و الابناء يحملون جنسيه خلاف جنسيه صاحب الطلب او كانت لهم جنسيات سابقه فينوه عن ذلك في الحقل المخصص.

4 – يجب احضار اصل المستندات التاليه مع نسخ منها:

1 – جواز السفر.

2 – قسيمه الزواج التى تم التصديق عليها في مصر.

3 – المؤهلات العلميه .

4 – الاقامه مع ترجمتها باللغه العربيه من مكتب ترجمه معتمد بالمملكه العربيه السعوديه اذا كانت بغير اللغه العربيه .

5 – يلزم ان تكون الوثائق التاليه

(ا المؤهلات العلميه .

(ب عقد الزواج الذى تم التصديق عليه في مصر.

(ج شهاده الميلاد للابناء و البنات
مصدقه من الجهات المختصه في بلد المصدر او من يمثل المملكه فيها.

6 – سداد مبلغ الفين ريال عن طريق البنك و تقديم ايصال السداد مرفق مع الاوراق .

7 – تقدم الطلبات لمكتب الاستقدام التابع لوزاره الداخليه .

ودى صفحه ملء الطلب على الانترنت

وبعد كده تحصل على الورقه الصفراء و تنسخها اسكانر و تبعتها بالايميل لزوجتك

الخطوه الثالثه
(تتم في مصر و تقوم بها الزوجه

استكمال اجراءات الاستقدام

الاوراق المطلوبه
1 جواز سفر سارى و مضاف اليه اسم الزوج
(الزوجه بتروح مصلحه الجوازات و معاها الباسبور و صوره منه من ص2 الى ص 9 و قسيمه الزواج و صوره منها لو بطاقتها مفيهاش اسم الزوج و بتدفع 16.25 جنيه دمغات و بتنتظر ساعه و بتاخد الباسبور بس ده في حاله لو معاها الباسبور العادى مش المميكن لو معاها المميكن سيتم تغييره و تدفع 110 جنيه رسوم اصدار جواز سفر جديد لانه للاسف مينفعش يتضاف اليه بيانات)
2 الورقه الصفراء اللي الزوج هيبعتهالك و صورتين منها.
3 3صوره شخصيه للزوجه .


4 قسيمه الزواج و 4 صور منها.

اي ورق يتم تصويره عشان متعطليش نفسك

نبدا يومنا بسم و الله و نروح على المترو …
9.00 صباحا ننزل محطه التحرير السادات و نركب تاكسى و نروح المكتب اللي و ثقنا من خلاله قسيمه الزواج
لو كانت اسعاره معقوله و مش استغلاليين.
هنديله جواز السفر و صوره شخصيه و الورقه الصفراء و هندفع 220 جنيه و ناخد وصل و ننتظر ساعتين لحين الانتهاء من تسجيل الانترنت.

و لو في اولاد مش مضافين على جواز سفر الزوجه و لهم جواز سفر خاص بندفع لكل باسبور حوالى 100 جنيه

خلال ساعتين الانتظار اتصلى بوزاره الصحه و احجزى موعد على رقم 16082

11.00 صباحا نروح مكتب جامكا القاهره عشان تعرفى المستشفي اللي هتعملى فيها الكشف الطبى و معانا جواز السفر و ورقه النت و صوره البطاقه الشخصيه و تدخلى تديهم الحاجه دى و تقعدى في استراحه السيدات و بعد ما يتم تحديد المستشفى في واحد بينادى على الاسامى تاخدى جواز السفر و تتاكدى من انه بتاعك و بداخله الورقه اللي هتروحى بيها المستشفي و غالبا بتكون مستشفي قريبه من مكان سكنك
قبل دخولك هتلاقي ناس و اقفه بتقول صوري جواز السفر و البطاقه و ورقه النت متسمعيش كلامهم ده مجرد لم فلوس
هتخرجى من مكتب جامكا هتلاقي تاكسيات بتنادى على المستشفيات اللي فيها الكشف متركبيش معاهم اولا لانهم غاليين و ثانيا عشان لازم تروحى تعملى التحاليل الطبيه في و زاره الصحه و متهتميش بالموعد اللي اتحجز لك المهم انك حجزتى و اسمك عندهم

12.00 ظهرا بعد ما خرجتى من مكتب جامكا تتطلعى على و زاره الصحه تعملى التحاليل و معاكى جواز السفر و ورقه النت و البطاقه الشخصيه و صورتين شخصيتين و 120 جنيه التحاليل باذن الله مش هتاخد اكتر من 10 دقائق هى شكه دبوس ‏‎

12.30 ظهرا تطلعى على المستشفي اللي هنعمل فيها الكشف الطبى و معاكى جواز السفر و الورقه اللي خدتيها من جامكا و ورقه النت و 275 جنيه و صوره شخصيه او هما هيصوروكى .

كده الحمد لله ميبقاش ناقص غير تروحى تودى جواز السفر للمكتب و تاخدى معاكى ورقه النت و صوره قسيمه الزواج و الورقه الصفراء و مبلغ 350 جنيه رسوم التاشيره
وهتاخدى وصل بالاستلام بعد 10 ايام او اقل ان شاء الله

وبردو ممكن تعملى المشاوير دى كلها و را بعض في يوم واحد او في يومين

Terms :
  • الاوراق المطلوبة للاستقدام 2015
  • خطوات استقدام الزوجة للسعودية 2015
  • اجراءات استقدام الزوجة للسعودية 2015
  • اوراق الاستقدام المطلوبة 2015
  • شروط استقدام الزوجة للسعودية 2015
  • الاوراق المطلوبة لاستقدام الزوجة 2015
  • اجراءات الاستقدام للسعودية 2015
  • الاوراق المطلوبة للاستقدام
  • خطوات الاستقدام للسعودية 2015
  • الاوراق المطلوبة للاستقدام في السعودية 2015
138 views

خطوات استقدام زوجة للسعودية بشكل صحيح