4:25 مساءً الأحد 16 ديسمبر، 2018

طريقة تحضير الكبة السورية


طريقه تحضير الكبه السوريه
صورة طريقة تحضير الكبة السورية
مقادير عجينه الكبه
– كيلو برغل ناعم
– نصف كيلو لحمه مفرومه ناعمه
– بصله صغيره
– بهارات كمون ملح خفيف
والملح الخفيف لانو احيانا بيبقي البرغل اصلو مملح

الان مقادير الحشوه
– كيلو لحمه اما ناعمه مفرومه او ناعمه فقط على السيخ
– صنوبر
– لوز
– جوز
– سمنه
– بصله

=======================
نبدا الان بتحضير العجينه تبع الكبه
شوفوا
كل كيلو برغل ناعم بدو نصف كيلو لحمه ناعمه مفرومه على الماكينه
اوكي
هلا بتجيبى البرغل فقط
وبتنقعيه بماء بحدود الثلاث ساعات ( و الزمن بيرجع لنوعيه البرغل ))
يعنى مو تكتريلو مي
انتبهى يعنى تتبيل
حتي فقط البرغله تصير طريه و مو تبقي خشنه و صلبه

———————-
هلا بعد مو مضو الثلاث ساعات تبع البرغل
انتى لح بتلاقى انو البرغل صار طري
بتجيبى البصله و بتفرميها ناعم جدا او بتبرشيها
وبعدين بتجيبى البرغل و بتخلطى البصله معاه
وبتحطيه بالماكينه الخاصه للكبه
واللى هى مو موجوده عندى للاسف
وبتفرميه
بيطلع عندك متل العجينه طريه
هلا
بتاخدى العجينه و بتضيفى عليهم التوابل المذكوره بالمقادير
وبتظبطى ملحهم كويس
لانو سبق و قلت لك انو احيانا بيجى البرغل من اصلو مملح
وبتعجنى كويس بايدك
بتعجنى بتعجنى بتعجني
حتي لو تعبتى اتحملي
وبعدين غطى العجينه حتى مو تنشف
هيك خلصنا من العجينه و ارتحنا

======================
هلا بنعمل الحشوه
واكيد الحشوه لازم تكونى عاملتيها بالوقت يلى بيكون البرغل فيه منقوع
الحشوه
بتفرمى البصله ناعم كتير
وبتهوسيها على الغاز حتى تحمر بسمنه
وبتضيفى عليها اللحمه و بتبقى عم تهوسى حتى تستوى اللحمه
هلا صارت اللحمه جاهزه اوكي
بتجيبى الصنوبر و بتقليه و بتهوسيه حتى يشقر
واللوز نفس الشئ
اما الجوز بتخليه ناشف بدون تهويس
او اذا بتحبى هوسيه
بس نحنا بنخليه ناشف
هلا ضيفى كل اللحمه فقط فقط فقط
وبتحطيها بداخل مصفاه
حتي فقط تصفى كل السمنه يلى فيها
لسبب

؟
واللى هو انو اذا بقت السمنه بقلب اللحمه لح تخلى الكبه تفلش و تخرب
)
هلا بعد مو صفت اللحمه كل سمنتها
واكيد اكيد بتكون اللحمه سخنه مو بارده لما صفيتيها
صارت اللحمه جاهزه بدون سمنه بتضيفى عليها اللوز و الصنوبر و الجوز
وبتحطى البهارات يلى بدك ياها و بتظبطى ملحها كويس
وبتحطى الها ملعقتان كبيرتان دبس رمان
(( هذا بيعطيها طعمه حامضه ))
وعلي حسب مو بتحبى الحمض حطي
يعنى 2 ملعقه او اكتر حسب االى بتحبيه
هلا صارت الحشوه و لله الحمد جاهزه و تمام التمام
=====================

صار و قت الكبكبه
بتكورى القرص و بتحشه بالحشوه
ولازم كل فتره و فتره تغسلى ايديكي
وادهنى باطن كفك بماء مضاف اليه نشاء
حتي يتماسك قرص الكبه
ومن بعدها اقلى الكبات
بزيت يكون حار جدا جدافى البدايه
بعد مو تحطى القرص بالزيت بعد بشويه نوصى الغاز
حتي مو تستوى الكبه من برا و تبقي من جوه نيه
ولا تكترى بالمقلاه عدد كبير
يعنى خليهم من اثنين الى ثلاث كبات
=========================
ملاحظه
1 لازم العجينه تكون كل فتره عمل الكبه مغطايه حتى مو تنشف
2 و الكبات يلى كورتيهم حطيهم بصينيه و غطيها بكيس نايلون من بدايه الصينيه
يعنى مو تعرضيهم للهواء ابدا
حتي مو ينشف القرص و يفلش بالقلى لاسمح الله
3-اذا حسيتى انو القرص قبل مو تحطيه بالزيت مفلش شوي
ظبطيه بايدك و تكون مبلوله بماء نشاء عادي
وبيركز و حطيه بالزيت
==================================
اما الكبه المشويه
فقط الحشوه تبعها هى ليه
وبتشويها على المنقل
واكيد طريقه تكويرها بتختلف
========================

تعبتوا مو هيكي
هى الكبه بدها شغل كتير
ومشهورين نحنا السوريين بمساواتها
علي كل الف صحه و هنا
ويا رب تكونوا فهمتوا كويس عليي
————–
واى سؤال جاهزه بالرد
لانو الطريقه هى طريقتنا و مو منقوله
وهيكى كلنا بنعملها
ويا رب الكل يستفيد
وادعولي
بالتيسير و تحقيق يلى في بالى بما يرضى الله
وهلا فيكم

 

Terms :
  • الكبة السورية
  • طريقة الكبة
  • كبة البرغل
1٬258 views

طريقة تحضير الكبة السورية