طريقة عمل كفتة اللحم بالخضار

كيفية عمل كفتة اللحم بالخضار



20161009 1887 طريقة عمل كفتة اللحم بالخضار Rooby

* ½ كيلو لحمة مفرومه
* بيضة مخفوقة بالملح و الفلفل الاسود
* ¼ كاس برغل ناعم مغسول و مصفى
* ½ كاس بقسماط مطحون
* بصلة متوسطة الحجم
* ثمرة فلفل اخضر حار
* ¼ حزمة بقدونس
* معلقة كبار توابل
* ملح و فلفل اسود
مقادير الخضار:
* ¼ كيلو بسلة مسلوقة و مصفاه
* ¼ كيلو فاصوليا مسلوقة و مصفاه
* 2 ثمرة بطاطس مقطعة قطع صغيره
* 2 ثمرة جزر مقطعة قطع صغيره
* ¼ ملعقة صغار ريحان مجفف
* بصلة مقطعة قطع صغيره
* 3 فصوص ثوم مفرومين
* 2 معلقة كبار سمنه
* 2 كاس عصير طماطم
* 2 كاس شوربة لحمه
* ملح و فلفل اسود
الكيفية :
1- لتجهيز الكفتة ؛ افرمى جميع المقادير ما عدا اللحمة المفرومة فالكبة او فالخلاط، و ضيفيها على اللحمة المفرومة و قلبيهم كلهم مع بعض كويس.
2- بعد كدة شكلى اللحمة على شكل كرات و رصيها فصينية بايركس مدهونة بملعقة زيت، و دخليها الثلاجة مدة 10 دقيقة علشان الكفتة تتماسك، و بعد كدة دخليها الفرن على درجة حرارة متوسطة مدة نصف ساعة او لغاية ما تلاقى ان الكفتة استوت.
3- لتجهيز الخضار؛ شوحى البصلة فالسمنة على النار مدة 5 دقيقة او لغاية ما تلاقى لونها بقي ذهبي، و بعد كدة ضيفى عليها جميع الخضار الموجود عندك و الثوم، و قلبيهم كلهم مع بعض على النار مدة ربع ساعة .
4- ضيفى عصير الطماطم و الملح و الفلفل الاسود و الريحان، و سيبيهم على النار مدة 10 دقيقة علشان الطماطم تتسبك.
5- بعد كدة ضيفى الكفتة و الشوربة و سيبيهم على النار مدة 10 دقائق؛ علشان الكفتة تتشرب من الطماطم، بعد كدة اغرفيها فاطباق التقديم، و قدمي معاها طبق ارز ابيض، و بالف هنا و شفا.