11:30 مساءً الثلاثاء 19 نوفمبر، 2019

طريقه عمل قهوة فرنساوى


 

 

صورة طريقه عمل قهوة فرنساوى

صور

التحضير: لو على الريحة تبقي نصف معلقه
لو مظبوطة تبقي معلقة واحدة مليانه
لو ما نو ” بين المظبوط و الزيادة ” تبقي معلقة و نصف بس النصف مش مليان ”
لو زيادة تبقي معلقتين و ساعات ناس تبقي عاوزها معلقتين و نصف
الطبخ: هتجيبي الكنكة بتاعتك فاضية من غير مية و تحطي فيها معلقتين البن و السكر حسب الرغبه
وبعدين تفتحي الحنفية على حاجة بسيطة مية و اثناء ما المية بتنزل في الكنكة انتي بتقلبي فيها
لحد ما تتملي لمقدار الفنجان بتاعك او عايري بالفنجان المهم تنزليها بالراحة و انتي بتقلبي على البارد طبعا
وتحطيها على نار هادية جدا
– و تستني اقل من نصف دقيقة و بعدين تقلبي تاني و هي على النار
وكل شوية تقلبي فيها عادي ما تخافيش الوش مش هيروح بالعكس هي دي بقي التكة السحريه
في ان القهوة تطلع بوش و كمان تبقي مستوية جدا
لانك كل ما بتقلبيها بتخليها تطول اكتر على النار فتستوي اكتر
اول ما تبدا تطلع من الجناب كدة تسكتي بقي و تبطلي تقليب
لانك لو قلبتي تاني الوش راح ياقلبي و القهوة هتغلي و ياخسارة تعبك فيها
– انتي بقي تبقي مجهزة فنجانك و يكون نضيف و ما فيهوش نقطة مية عشان مش تبوظ الدنيا
تسبيها لما تطلع من كل الجناب عادي و تبداي في الصب بالشكل دة مرة واحده
بالهنا

 

  • طريقة عمل القهوه المظبوط


382 views