6:44 مساءً الخميس 5 ديسمبر، 2019

عايزه رجيم للبطن


صورة عايزه رجيم للبطن

صور

انا كنت بعد الولادة بكرش فظيع طبعا زي ما حضراتكم شايفين
بالعكس دة انا صورة الصورة دي بعد ما كنت خسيت شويه

كنت 89 كيلوا و انا طويلة اصلا يعني 173 سم
والوقتي 78 كيلو و ما زلت طويلة برده

نبتدي بقي بسم الله في الخطوات بس انا هعملها على هيئة اسئله
1.

 

اخس لية انا مش طخينة قوي

 

 

انا بلبس XL يعني مش طخينة و لا حاجة

 

؟

ايوة حبيبتي مقاسك كدة مش تخين قوي بس انتي عارفه
ان المقاس تقريبا 10 كيلوا زيادة عن الوزن الطبيعى
يعني تخيلي ان انتي دايما ما شية و شايلة طفل على ايدك عمرة سنة و نصف وزنة تقريبا 10 كيلوا
تفتكري اية اللي هيحصلك
طبعا ظهرك هيوجعك و رجلك هتوجعك و كل حتة في جسمك هتشتكي من التقل ده
ودة اللي بيحصل و نرجع نقول ظهرنا بيوجعنا لية بعد الولاده

ثانيا فرق شنيع جدا في اللبس
انتي عارفة انا محستهاش الا الوقتى
تعرفي تلبسي كل حاجة براحتك بناطيل جينز براحتك في البيت طبعا و قمصان نوم كب و كل اللي نفسك فيه
بتحسي اصلا ان معاملة جوزك نفسها اتغيرت

ثالثا خليكي ام زي العسل
نشيطة و جميلة تبقي قدورة لاولادك

طيب اخس كيف

 

 

اوعي تقولي لي بيضة الصبح و بيضتين الظهر

 

الناس اللي بتعمل رجيم قاسي دول حرام عليهم نفسهم
لان مستحييييييييل تعيشي طول عمرك كده
يعني اية بيضة الصبح و ربع رغيف … دة انتم بتهزروا

نبتدي بالفطار
افطري كل اللي نفسك فيه
كلي جبنة مثلا بس كلي القريش لو ما بتحبيهاش كلي الجبنة البيضاء بس بلاش المالحة و بلاش الرومى
كلي فول انتي اللي تعملية او هاتية جاهز ما شي ….

 

بس ما تعميلهوش بقي بحتة سمنة و الجو دة … حطي عليه شزية زيت زيتون على الوش هيبقي جنان
كلي بيض بلاش اومليت خلية مسلوق احسن ….

 

او اومليت بزيت زيتون
كلي بطاطس ما تقليهاش اسلقيها و قطعي عليها عود بقدونس و قرن فلفل هتبقي تحفة , او قطعيها صوابع و اقليها في نقطة زيت ذرة او حتى من بتاع التموين و هدي عليها و غطيها على ما تستوي و هيبقي فيها طعم القلي و كمان من غير زيت
كلي طعمية بس اقليها في بيتك نقطة زيت صغيرة و هدي عليها
كلي برنجان بردة بلاش مقلي حطية في طاسة و هو مقفول و نقطة زيت و هدي عليها هتلاقية اتفتح لوحدة و طعمة و ريحتة جنان
خيارة كدة جميلة على الفطار و شوية جرجير و طماطماية و فلفل يبقي فطار زي الفل

بالنسبة بقي للعيش
هاتي اكبر رغيف عيش في الكيس كله
وكلي كل الاكل اللي على الصينية يعني لو طعمية كليها و جبنة و بيض كلي كل اللي على الصينية كدة حاف و بعد ما تخلصية كلي العيش
لو خلصتي كل اللي على الصينية هتلاقيكي بتسيبي حبة صغيرين تغمسي بيهم بس الرغيف
هتخلصي الرغيف و هتكوني شبعتى
واقسمي الرغيف بالطول قبل ما تاكلية هتحسي كانة اتنين

طبعا الرغيف دة للناس اللي متعودة تاكل اكتر من كدة و اللي متعودة على الرغيف يبقي تقلل عنه شويه
ولما تقسمي نصف الرغيف اقسمية بالطول يعني كانك بتفتحية كدة مش بالعرض هتحسي انها حتة صغيرة قوى

ملحوظه
اي حاجة نفسك تفطري بيها افطري بيها
المهم
مايكونش فيها زيت و لا مكرونة و لا معجنات طبعا

طب اية اللي ما ينفعش اكلة في الفطار

 

؟؟

ما ينفعش مثلا تروحي تجيبي حتة كيك و كوباية شاي و تفطرى
لان دة مفيهوش اي غذاء خاااااااااالص
بالعكس الكيك عبارة عن نشويات كلها و الشاي ما فيهوش اي نوع من انواع الغذاء

ما ينفعش بردة حتة جلاش او كنافة او اي حاجة من هذا القبيل
اسالي نفسك الاول دة فيه غذاء

 

 

لو لاء يبقي مش هيجيب اي نتيجة بالعكس هيزودك على الفاضى

بصوا هو الموضوع كبير جداااااااااااا
لو شجعتوني هكمل و كفاية النهاردة الفطار و نكمل بعدين

رجعنا لكم تانى

شوية اسئلة على الماشي اولا عشان نجاوب على الاستفسارات

زيت الزيتون مشبع بالدهون

 

؟
صح … زيت الزيتون مشبع بالدهون مش بس زيت الزيتون كل انواع المكسرات و الاسماك
بس دي دهون مفيدة للجسم
حد سمع قبل كدة عن كوليسترول ضار و اخر نافع

 


هو دة اللي الجسم بيحتاجة يعني حتى لو كانت سعرات حرارية زيادة فمفيش منه اي خوف لانة صحي جدا
لكن منختلفش طبعا ان زيت الزيتون يفضل على البارد و يفضل في الطبخ زيت دوار الشمس

انتي بتتكلمي عن التخسيس عامة

 

 

فين تخسيس البطن

 

؟

انا اقولك الجسم شغال كيف
انتي بتاكلي ….

 

الجسم بياخد طاقة … لو عملتي مجهود يبقي الجسم بيحرق طاقه
لو مجهودك دة استنفز كل الاكل يبقي مش هتتخنى

لو المجهود اقل من الاكل يبقي هتتخني … و كل جسم و له نظام
يعني في ناس بتتخن كلها على بعضها و دي ربنا مبارك لهم
وفي ناس بتتخن من الجناب بس

 

 

او البطن بس

 

 

او حتى الوراك و دي ما ساه

لو المجهود اكتر من الاكل

 

 

يبقي زي الفل هتخسي تماااااااام
لان الجسم هيضطر يدور على مخزون الدهون و يقوله معلش يا عم الحج احنا محتاجين نحرق
شوية دهون عشان الراجل دة عاوز طاقه
فيشوف بقى
اول حاجة يا عيني تخس … هي و شك
لان دي اسهل دهون ممكن تتحرق
بعد كدة للاسف بردة … سدرك

بعد كدة بطنك و جنابك ثم اوراكك و في الاخر خاااااالص الارداف

بالنسبة بقي لسؤالنا
فمفيش حاجة اسمها تخسيس البطن لوحدها
انتي لازم تعملي رجيم و بالتالي الجسم هيحرق من البطن

اللهم الا لو عاوزة يبقي تعملي لك كدة كل يوم نصف ساعة تمارين بطن تشد لك العضلة و منها بقى
تحرق لك السعرات الحرارية اللي حولين عضلات البطن

ونسيت اقولك ان انتي ممكن تعملي تمارين نصف ساعة تحرقي بيهم طبق محشي مسبك
يعني انتي بكرامتك لا كنتي تاكلي المحشي و لا تهدي في نفسك

فالرجيم اسرع و افضل

  • خسيت من الجريب فروت


270 views