كلمات اغنية دبدوب

عبارات اغنية دبدوب

 

صورة كلمات اغنية دبدوب

صور

 

شت كتير هداياي الراجعة و ما لقيتهوش
..دورت في كل هدية كتير بالطول و العرض
..وقلبت الشنطة كمان على الارض
ولقيت دبلة و جوابات و كروت
..وجنية مقسوم و صور و قلوب
..لكن برضه
! ناقص دبدوب

..كل اللي في قلب الشنطة معاي بيستنظر
وبجد الشنطة بدون دبدوب
..مالهاش منظر
كل الجوابات يمكن يكتبها حبيب غيرى
والدبلة خلاص موضوعها اتشال من تفكيرى
والباقي اشياء بتكون دايما بين اي اتنين
..وبتتكرر
..وف شنطة كل حبيب و حبيبة هتلقي اشياء منهم و اكتر
وهتلقي شموع و دموع و فرح و امل ساكن
ممكن
..لكن
! مش كل حبيب بيجيب دبدوب

وازاي انساه؟
وانا كل ايامي الروعة معاكي .. معاه؟
..ايام ما عشقتك قبل ما اقول
..وايام ما حلمتك قبل ما اطول
وايام و ايام بتفوت على طول
وانا و انتي في كل دقائق بنبني جنينة حب و شوق و امل
وانا قلبي الديب
..على ايدك و الله لقيتة حمل
..كنت اما ازعل
الاقيكي بتجري على الدبدوب
..لجل يصالحك
وف احزانك بيمد ايديه
..علشان يمسح دمعة جرحك
وف فرحك
..كان من فرحة يطير
..دا اني كنت بغير
لما اعرف انه امبارح كان بين دراعينك
وباحس ساعات و كانة حرس بيني و بينك
..واتخيل انه ساعتها خلاص قرب منك
..واديكي عليه
..وعنيكي عليه
:اجري و اطلع صورتك و انده
! و الله يا روحي اني اللي شاريه
وسنين بتفوت و قلوب بتدوب
وف لحظة خلاص يخدعنا كلام
..وتموت احلام
..ويضيع دبدوب

فاكراة و اللي انتي خلاص ناسياة مع كل زماني اللي عشقته؟
طب فاكرة اني امتى زمان جبته؟
كات اول مرة انطقها بحبك قدامك
وابص في عينك قدامك
كات اول مرة ادخل في عنيكي بدون ما اخجل
سلمت كتير على كل رموشك على المدخل
وف لحظة لقيتني في قلب عنيكي بدون صاحب
وجناين ما لية ربوع عينك ما لهاش صاحب
وساعات بامشيها و حاسس انا خلاص مجنون
من كتر المشي نسيت ان اني اصلا في عيون
ولقيتني في نن عنيكي خلاص بعد المشوار
..ولقيت لي في نن عنيك جناين فل و دار
..ومشاعر حب و شوق و حنين و حنان جارفه
..عارفه؟
مع ان عنيكي مهيش خضره
! الدنيا تملي في نن عنيكي تبان خضره
..مليانة امل بتحاوطة الاحلام و الخضره
وانا كل ما انام
..قلبي الحيران بيلوم رمشى
..واما اتحرك و اعمل ما شى
بيقول لي حرام .. لسة هتمشى؟
وسنين بتمر على في نن عنيكي السود
وف لحظة لقيتني خلاص مطرود
..على ناصية اول رمش بعيد
..من غير دبدوب

قلبي الطيب
..مش قادر ينسى سنين فاتت
..مش قادر يرمي حكاية حبة عشان غلطة و يقول ماتت
جايلك من تاني بحلم جديد
جايلك و في ايدة امل و حنان و لقي و مواعيد
ومعاة دبله

وجوابات

وكروت
وجنية مقسوم
وصور
..وقلوب
:جاي يقول لك
…علشااان خطرى
!!…خللي الدبدوب

  • اغنية دبدوب وامل
371 views