12:40 مساءً الإثنين 19 أغسطس، 2019

كيفية تحضير قلب اللوز

كيفية تحضير قلب اللوز

صور كيفية تحضير قلب اللوز

المقادير
500غ سميد خشن
400غ سكر
قرصة ملح
1فنجان زيت نتاع قهوة الصغير مش الى حجمهم كبير بزاف
ماء الزهر ماء
الشيربات
200غ سكر و نصف لتر ماء و عصرة ليمون اي قد مغرف اكل
فوق نار …كى يغلى طفى عليه ما لازمش جى عاقدة و اذا حبيتي تعطرية بماء الزهر تانى نورمال قد 4 ملاعق

نضع السميد

نضيف السكر

ثم الملح

ثم فنجان نتاع الزيت

نخلط الكل جيدا

ثم نولى نشمخو فيه بماء الزهر اذا كنتى من محبية ريحتو في قلب اللوز شمخى غير بية اذا ما كنتيش من محبين ريحتو بزاف خلطى ماء الزهر مع الماء و هون منقدرش نحددلك كمية لانو على حسب نوعية السميد نتاعك كاين الى يشرب و كاين الى ما يشربش المهم انت شمخى و خلطى مليح حتى تقدرى ديرى كويرة

ليكى حتى تقدرى تشكلين كويرة فما حبسي
غطية بكيس بلاستيكى و غطاء من القماش و خلية يبات غدوة من ذاك

-اشعلى على الفرن نتاعك
– ذوبى القليل من الزبده
ادهنى السينية نتاعك بالزيت

جيبى الخليط نتاعك خلطية مليح اذا لقيتية شرب و لقيتية ناشف زيديلو شويت ماء الزهر او ماء حتى تانى يتكور في يدك

حطية في سينية نتاعك بلا ما تضغطى عليه او تخبزيه

ديرى كيس بلاستيكى في يدك و اغطسيها في الزبدة و ادهنى بيها سطحها و سقمية مليح بلا ما تضغطي

قطعية و زينية من فوق بحبات اللوز او كوكاو و اذا ما عندكش الله غالب ما ديريش هههههه
ادخلية الفرن على نار هادئة باش يطيبلك غاية كى يحمار من تحت و هذا راة يبانلك على حواف السينية نتاعك
نزلية التحت و حمرية من فوق تانى على نار هادئه
كى يحمار فرغى عليه الشيربات بارده
شوى شوى و هو يولى يشرب كى شرب زيديلو شوى خلية عايم من فوق و اطفئى على الفرن نتاعك و رجعية لية لمدة 5 ذ و اخرجية يبرد

قطعية و خلية يبرد و يشرب في غرضو من الاحسن حتى للعشيا او غدوة من ذاك يتقطع

  • كيفية تحضير قلب اللوز
  • قلب لوز
  • طريقة تحضير قلب اللوز
  • طريقة عمل قلب اللوز
  • كيفية عمل قلب اللوز
  • انواع قلب اللوز
  • كيفية صنع قلب اللوز الجزائري
  • بسبوسه شيف لطيفه
  • بسبوسة بسميدة زرع و لقمح بلا حليب
  • البسبوسة السورية بالقشطة

5٬508 views

كيفية تحضير قلب اللوز