9:48 مساءً الإثنين 15 أكتوبر، 2018

كيفية عمل شوربة المشروم


كيفية عمل شوربه المشروم

صورة كيفية عمل شوربة المشروم
المقادير:بصله مقطعة قطعا صغيرة .


3 ملاعق دقيق.
3 ملاعق زبدة .


ربع كيلو مشروم.
كوب كريمه .


ملح وفلفل.
5 اكواب شوربه فراخ.
اوراق بقدونس للتزيين.

الطريقة


دي مفيش اسهل منها اول حاجة هاعملها هاقطع المشروم..

هاجيب حله واحط فيها شويه زبدة واشوح فيها المشروم لمدة عشره دقائق وطبعا هاضيف عليه الملح والفلفل.

بعد كده هاخد حوالي كوب واحد من الشوربه واحطها على المشروم واخليه على النار لمدة عشره دقائق علشان يستوي وبعد كده هاطفي البوتجاز واسيب المشروم لغايه ما يبرد..

وبعد ما يبرد هاضربه في الخلاط.

هاحط شويه زبدة في طاسه وهاضيف ليها البصل واشوح البصل على النار لمدة ربع ساعة .

بعد كده هاضيف ليها الدقيق مع التقليب المستمر لغايه لون الدقيق يبقى ذهبي وبعد كده هاحط كوب شوربه بالتدريج مع التقليب المستمر علشان الدقيق ما يكلكعش وبعد كده هاضيف ملح وفلفل.

هاجيب المشروم اللي ضربته في الخلاط واحطه في حله على النار وهاضيف اليه كوب الكريمه واسيبهم يغلوا كلهم مع بعض… وبعد كده هاحط باقي الشوربه .

هاجيب طبق الشوربه واحط فيه الشوربه .

ده الشكل النهائي لطبق الشوربه وعلى فكرة ممكن انك تزيني الطبق ببعض اوراق البقدونس…
وبالهنا والشفا

 

185 views

كيفية عمل شوربة المشروم