3:53 مساءً الأربعاء 17 أكتوبر، 2018

مكرونة بشاميل بالخضار بدون لحم


مكرونه بشاميل بالخضار بدون لحم

صورة مكرونة بشاميل بالخضار بدون لحم

نص كيس مكرونه فرن مسلوقه طبعا ممكن تزودي الكميه براحتك)

طماطم قطع صغير

فلفل اخضر قطع صغير

زيتون مخلي مقطع

البشاميل

5 معالق دقيق

حته زبدة كبيرة

مكعب مرق ممكن اللي مش بيحبوه يستبدلوها بكوبايه شوربه

3 كوبايات لبن وكوبايه ميه

ملح

فلفل

رشه جنزبيل بودر

رشه قرفه بودر

نص معلقه صلصه

انا دايما بجيب البشاميل الجاهز بس المره دي حبيت اجرب البيتي وطلع رائع جدااا وطعمه حلو اوي

الطريقة

نخلط المكرونه مع الخضار

نبتدي نجهز البشاميل

نجيب حله ونحط فيها حته الزبدة والدقيق ونقلب كويس ويدوب الدقيق يصفر

تحطي اللبن والميه وتقلبي كويس جدا لحد ما الدقيق يمتزج فيهم

بعد كده نضيف مكعب المرق والملح والفلفل والجنزبيل والقرفه

ونقلب كويس جدا علي نار هاديه لحد ما البشاميل يتقل

انا مش بحب البشاميل يبقي تقيل اوي بحبه معقول عشان بيبقي كريمي وحلو اوي لما المكرونه تستوي

بعد ما يتقل البشاميل بضيف له نص معلقه صلصه بتدي لون ونكهه جميلة

كده يكون البشاميل جاهز

بجيب الصنيه واحط فيها شويه بشاميل واضيف عليهم المكرونه والخضار وافردها كويس في الصنيه

بعدين بصب البشاميل علي المكرونه واساويه بحيث يغطي السطح كله

وممكن تضيفي جبنة موتزاريلا او تركي وممكن لا

انا المره دي ما ضفتش حاجة

وتدخليها الفرن لحد ما تتمساك والخضار تستوي يعني ربع ساعة او تلت ساعة حسب الفرن بتاعك

وبعدين بولع الشوايه عشان تاخد الوش الجراتان الجميل

ده الشكل النهائي


 

Terms :
  • معكرونة بالبشاميل بدون لحمة
1٬868 views

مكرونة بشاميل بالخضار بدون لحم