7:17 صباحًا الإثنين 18 نوفمبر، 2019


ورد كشري المصري

 

صورة ورد كشري المصري

صور

المقادير
على حسب عدد افراد الاسره
عدس ابو جبة يعني اللى فيه قشرة غامقه
رز مصري
مكرونة حجم صغير
بصل مقطع شرايح رفيعة و مقلي
صوص طماطم مكونة من
بصل مفروم ناعم ثوم مفروم طماطم مفرومة في الخلاط
ملح فلفل اسود كمون شطة حاره
صوص الثوم و الخل
مكون من
خل ماء ثوم مفروم شطه ملح كمون

طريقتى بالتفصيل يمكن تكون مختلف شوية و لكن الطعم مركز و احلى من المطاعم بكتيييييير
اولا
بحمر البصل الاول في زيت غزير عشان يكون مقر مش
وافردة على ورق مطبخ ليمتص الزيت الزائد
ثم ارش عليه قليل من الملح و الكمون بيعطى طعم رائع للبصل
ودى صورة البصل المقرمش
وخلى بالك اوعى تغمقى لونة عشان مش يكون طعمة مر
صورة ورد كشري المصري
بعد كدة طبعا انا بقول الخطوات بالترتيب عشان نستفيد بالزيت اللى حمرت فيه البصل
وكمان لان الزيت بيكون اخد طعم البصل
باخد الزيت و اطبخ بية العدس و الرز و المكرونه
وبكدة استفدت منه بدل ما ارميه
وف نفس الوقت بيعطى طعم حلو
المهم نضع قليل من الزيت في حلة على النار
ثم الماء و شوية بصل من اللى قليناه
ولما يغلى الماء نضع العدس المغسول و المصفي
واحط كمون اهم شئ
وكترى كمية الماء لان هاناخد منه للرز
ولما يقرب على الاستواء نضع الملح


اة و نسيت بحط مع العدس نصف مكعب ما جي
وبعد ما يستوى بصفية من الماء و اسيب العدس شوية على نار هادئه
لغاية ما يتبخر من الماية و ينشف تماما
ثم في اناء اخر نضع شوية من زيت اللى قليت بية البصل
واضيف ماء العدس و اظبط الملح و لما يغلى اضيف الرز
واخلية يستوى عادي ذى طريقة الرز العاديه


ودا شكل الرز بياخد لون حلو و كمان طعم


بعد كده
المكرونه
ودى طريقتى فيها مختلفة شويه
بدل ما اسلقها و يكون مش لها طعم
بطبخها مثل الرز تمام
فى اناء نضع شوية زيت
ثم الماء و مكعب ما جى و شوية فلفل اسود و ملح
واخليهم يغلوا ثم اضيف المكرونه
مع مراعاة ان تكون كمية الماء يادوب تغطى و جة المكرونه
واهدى النار جدا
واخليها تستوى مثل الرز
ودى بتكون طعمها احلى بكتيير من المسلوقه

اخدتوا بالكوا من كمية المايه
وكمان بعد ما استوت مفلفلة و لذيذه
بعد كدة نجهز الصوص
نضع بصلة صغيرة مفرومة ناعم مع فصين ثوم مفرومين و نشوحهم شوية على النار


ثم نضيف الطماطم المعصوره
ومعلقة كبيرة خل
وملح و فلفل اسود و شطة للى بيحب الحراق
بس اكيد الكشرى لازم يكون حار جدا
ونسيب الصوص يتسبك تماما على النار
ودا شكله

بعد كدة نجهز صوص
الثوم بالخل
وكمان طريقتى فيه مختلفة شويه
فى اناء صغير نضع
3 فصوص ثوم مهروسه
وربع كوب خل
وماء
وملح و فلفل اسود و كمون و شطة مجروشه
واخليهم يغلوا غلوة واحدة على النار
عشان كل حاجة تاخذ من بعضها في الطعم
او تجهزية على البارد و تسبية منقوع مع بعضة و تسبية في التلاجة بضع ساعات

 

 

270 views