ايوه يااخى تقدر ولكن الموضوع هيبقه رخم وهتشوف دلوتى ازاى…
هتعمل الخطوات دى:
1-هتدى للجهاز الى انتا عاوز تدخل عليه Static IP على كات الشبكه بتاعه وليكن مثلا 192.168.1.50
2-هتفعل خدمه ال Remote Desktop عليه وتخلى اليوزر الى هيدخل على الجهاز من حقه انه يدخل Remote Desktop وال Administrator يقدر يدخل Remotly By Default ولكن لازم يبقه له Password. وابقه اقفل ال Firewall على الجهاز ده 0
3- هتفتح Port فى ال ADSL Modem بتاعك انا مش عارف نوع ال ADSL Modem بتاعك ايه ولكن مثلا لو نوعه Conexant هتفتح ال Port من خلال حاجه اسمها Virtual Server ورقم الPort هيبقه 3389 وهتفتحه مره TCP ومره UDP ولما تيجى تفتح الPort بيسالك عن IP بتكتب فى الخانه دى ال IP بتاع الجهاز الى انتا عايز تدخل عليه وفى مثالنا هنا رقمه 192.168.1.50 …
معنى الخطوه رقم 3 دى بتقوله يا Modem لما اعمل عليك Connect من بره دخلنى على ال IP الفلانى وانا فاتح عليك Remote Desktop Port.
4-تتاكد ان الModem اصلا مسموح انك تعمل على Connect over WAN.
5-كده احنا ظبطنا الجهاز والModem ..كل الى حضرتك محتاجه علشان تدخل على الجهاز انك تعرف ال IP الى ال Modem واخده دلوتى من خلال مثلا موقع www.Showmyip.com .. وهوه ده ال IP الى انتا هتكتبه فى ال Remote Desktop Connection لما تعوز تعمل Connect مع الجهاز بتاعك.
طبعا الرخم فى الموضوع ان حضرتك كل مره هتحتاج تعمل فيها Connect لازم تكون عارف ال IP الى الModem واخده وقتها لان كل لما ال Modem بيعمل Restart بياخد IP جديد لان حضرتك مش حاجز Real IP من ISP بتاعك.
وممكن كمان تدخل على الجهاز بتاعك VPN ولكن هتحتاج Real IP برده
اما لو انتا مش عاوز حكايه ال Real IP دى ممكن تستخدم برنامج زى مثلا Team Viewer
انا عارف انى طولت عليك بس اتمنى انى اكون وصلتلك المعلومه واى استفسار انا حاضر ..
