اجمل شوربه كريمه
بصله متوسطه متقطعه و مش مبشوره
فص توم مهروس واحد بس
علبه مشروم صغيره او نص علبه كبيره
2 مكعب مرقه دجاج او شوربه اللى عندها
ملح و فلفل اسود
معلقه و نصف دقيق ابيض
كريمه لبانى او كريمه طبخ انا عن نفسى بستخدم الكريمه اللبانى و لانى مش بلاقيها فى القاهره فبجيبها من اسكندريه لكن اللى مش عنده ممكن يستخدم كريمه طبخ او يجيبها من فتح الله
معلقتين سمنه التحضير:هتحطى معلقتين سمنه فى حله تيفال ع النار و يا ريت حله مش طاسه
و هتحطى البصل المقطع و التوم و تشوحيه بسيط اوى لغايه ما يدبل بس
بعدين هتضيفى المشروم المقطع و تقلبى لمده دقيقتين
ضيفى الدقيق و طبعا هتلاقيه ابتدى يعمل كتله
فتضيفى بقى الشوربه او مرقه الدجاج و الميه السخنه على طووول
و تقلبى كويس جدا جدا
و بعدين توطى النار و تسيبى المزيج يغلى لغايه ما المكونات تستوى
اطفى بقى النار و سيبى المزيج يبرد خالص
بعدين فضى الخليط ده بقى فى الخلاط و اضربيه
رجعى الخليط تانى للحله و ولعى النار عليه و قلبى و ممكن يحتاج شويه شوربه كمان لانه ممكن يطلع تقيل منك
ضيفى الملح و الفلفل و لما يبتدى يغلى ضيفى الكريمه تاخد غلوتين و اطفى و بالهنا و الشفا
