اجمل قصائد حكم وعبر
لاضاق صدرك عالي الصوت جره
لو كان قلبك ما يطاوعك مسرور
دنياك لو تسوى من الحزن ذره
ما كان تاليها توابيت وقبور
وما كان للكافر بعمره مسره
وما شفت في ملكه ملايين وقصور
العمر يمضي بين حلوه ومره
والموت حق وقابض الروح مامور
دام الحياه الفانيه مستقره
ورزقك يجيك وبين الاجواد مستور
لا تنشغل بالوقت برده وحره
واحذر تصير بقسمه الناس مقهور
وحكم القدر لاجاك خيره وشره
اشكر عظيم الشان والذنب مغفور
والمجلس اللي يزعجك لا تمره
خله تراك بشوفته منت مجبور
والرجل سقها في صحاصيح بره
ومد النظر ما بين ريضان وزهور
لا صار وجه القاع ما فيه جره
والمشي حافي والثرى تو ممطور
ساعات صمت ما وراها مضره
تسوى الكلام اللي به اذنوب واشرور
اطلق خيالك واترك النفس حره
وخل الطبيعه في حياتك لها دور
وبالليل لا بانت نجوم المجره
اذكر بديع الخلق ب احساس وشعور
واسجد لرب الكون مره ومره
واحفظ لسانك واترك الكذب والزور
وفروض ربك خلها مستمره
وطاعتك لا يدخل بها نقص وقصور
وطاعتك لا يدخل بها نقص وقصور،
