ازاى احط البودرة المائية كويس
تحضير البشرة قبل الميك اب
اهم حاجة لازم تعملها اي فتاة قبل ما تحط المكياج انها تجيب قطنة بها تونيك او ماء و رد علشان تشيل اي شوائب او تراب او اثار مكياج يمكن انها تكون موجودة علي البشرة علشان ننظف البشرة و نحضرها للميك اب، دة غير ان ماء الورد بيمنع ظهور التجاعيد المبكرة فالبشرة و بيقفل المسام.
وبعد تنظيف البشرة يفضل و ضع كريم مرطب سريع الامتصاص؛ لانة بيرطب البشرة و فنفس الوقت بيغذى البشرة و بينور الوش و يفتحه، و بالتاكيد بالنسبة لخروجات الصبح اللى بيروحوا الجامعة لازم يحطوا صن بلوك (واق من الشمس)، و يفضل انها ما تكترش الصبح المكياج خالص يعنى تحاول تحط اقل حاجة ممكنة علشان يصبح شكلها طبيعى و هادي.
مشاكل البنات مع الكونسيلر (مصحح العيوب)
فية فتيات كتير بتسال و بتقول ان الكونسيلر بيشقق او بيقطع تحت العين، و علشان تعالجوا المشكلة دى لازم نوزع اللوس باودر “بودرة سايبة ” تحت العين بعد الكونسيلر، و اللوس باودر دى دورها انها بتثبت المكياج سواء كان كونسيلر او كريم الاساس، و لازم نفرق كويس اوى بين البودرة السايبة و المضغوطة ؛ لان البودرة المضغوطة بتستخدم لازالة الدهون الزايدة و فتصليح الميك اب.
كمان فية فتيات كتير بتستخدم درجة كونسيلر فاتحة جدا جدا عن لون بشرتها و دة غلط؛ لانة بيظهر منطقة تحت العين فاتحة جدا جدا و بيصبح شكلة مش مناسب خالص، و خصوصا فضوء النهار لان الضوء دة بيكشف تفاصيل الوجة بالظبط.
- ازاي احط البودره المائيه
