ازاي تعمل احدث كبده اسكندراني
اولا الكبده لها مليون طريقه لكن دى طريقه محترفين الكبده (ملوك عربيات الكبده )
1 نصف كيلو كبده شرائح تكون مجمده داخل الفريزر بعد كده قومى بتقطيعها صوابع صغيره جدا
2 خمس فصوص ثوم مع ملعقه صغيره ملح و يفرم وبعد كده حطى عليهم ثلاث ملاعق كبار خل ابيض
3 ربع كيلو فلفل رومى او حار حسب الرغبه مقطع قطع صغيره
4 ملعقه كبيره كمون مطحون
خلى بالك بقى معايا من الخطوات علشان هو ده الاهم فى الموضوع
اول حاجه طاسه فيها ربع كوب زيت عادى ذره او عباد شمس غير كده لا
اول الزيت ما يسخن انزلى بالكبده و قومى بالتقليب المستمر
اول ما الكبده تغير لونها انزلى عليها بالكمون مع التقليب السريع
بعد كده انزلى بالثوم مع التقليب و السرعه هنا مطلوبه
بعد كده انزلى بالفلفل مع التقليب حتى الفلفل يغير لونه
بعد كده ارفعيها من على النار و يفضل عملها سندوتشات مع العيش الفرنساوى
والف هنا و شفا لكل اخواتى فى الله.
