اسماء المراتب الجاهزه النظيفه
انا هكلمكوا عن انواع المراتب الجاهزه فى مصر
فى المصرى والمستورد
ا:الشركات المصريه
مصر فيها خمس شركات معروفه للجميع وعلى العموم كل منتجاتها من المراتب بسوست وبعض الشركات دى بدات بالفعل فى انتاج مراتب اسفنج مضغوط بدون سوست
1-تاكى:دى اقدم شركه فى مصروشغلها كله بسوست وبدات فى انتاج مراتب بدون سوست من السفنج المضغوط واسعارها متفاوته وعنوان المركز الرئيسى نهايه ش:احمد سعيد بالعباسيه وليهم بعض الفروع
2-يانسن:دى اكثر الشركات انتشارا فى مصر وتعتمد فى مواصفات المراتب على المواصفات الالمانيه ومصنعهم بالعبور وموزعينهم منتشرين فى مصر اللى اعرفهم ان ليها فرع فى ش: احمد سعيد وفرع فى ش:جسر السويس والحدايق والمعادى
3-هابيتات:مصنعها بالعبور ولها معرض كبير ايضا بالعبور
4-ماستربد:تعتمد فى مواصفاتها على المواصفات الفرنسيه ولكن اسعارها مرتفعه ومعرضها بمساكن شيرتون بجوار النساجون الشرقيون ولها فروع اخرى
5-فوربد:هى اقل الشركات ولكن تتميز بالمخدات المتميزه عن باقى الشركات
بالنسبه للاسعار على حسب سوست واسفنج ولا سوست واسفنج وقطن ولا اسفنج مضغوط بس وهى ما بين 900الى 4000لمرتبه العرايس مقاس 160 وعلى فكره هاتلاقى تاكى ويانسن عندهم مراتب اسعارها متوسطه
ب-اما المستورد
فى توكيل تركى جديد للمراتب الطبى اسفنج مضغوط وكل المراتب بدون سوست
ودى مراتب lilaflexالتركى وعلى فكره دى مصنعه بالكامل فى تركيا ومطابقه للمواصفات الاوروبيه
ودى المراتب الوحيده المستورده من الخارج فى مصر
هى شركه واحده فى مصر معاها التوكيل شركه diamond
وبصراحه انا زورت المعرض بتاعهم لانى اعرفتهم بالصدفه لان منتجهم لسه فى السوق من سنه ونص لان المراتب السفنج المضغوط بدون سوست هى مستقبل المراتب فى مصر
وعندهم انواع بكثافات مختلفه الناشفه واللينه والمتوسطه
وعندهم اكتر من مرتبه والميزه ان عندهم مراتب نفس اسعارالمصرى ومراتب اعلى بكتير
والمفاجاه انى لاقيت عندهم مراتب الميمورى فوم الى شوفتها على النت وما توقعتش انى الاقيها فى مصر بس مرتبه جنان واووووو بس سعرها زيها
انا بجد اتبهرت بيها وده مش تحيز بس تفضيل من عندى وبجد لو عايزين تشوفها ده الويب سايت بتاع المراتب التركيه lilaflex.com
يا رب اكون وافرتلكم معلومات تستفيدو منها
