اشكال تورت فواكه وشوكولاته

اشكال تورت فواكه وشوكولاته

 

المعيار مج الشاى العادى
2 دقيق نشيل منهم معلقتين ونستبدلهم بنشا منخولين مع معلقه كبيره بكنج بودر
1 ونص سكر ناعم
نص ميه
8 بيض
معلقه كبيره محسن كيك جل
معلقه صغيره فانيليا
ربع م صغيره ملح
معلقه كبيره خل
**المكونات بدرجه حراره الغرفه **ضرورى

الطريقه
اول حاجه نسخن الفرن على اعلى درجه
نبطن الصينيه

نفصل الصفار عن البياض

*لازم طبق البياض يكون ناشف تماما ونضيف *
المضرب كذلك
نبتدى بالبياض نضيف عليه الملح والخل ونضرب كده

اول ما يكون زى الرغاوى كده نضيف نص كميه السكر معلقه معلقه مع الخفق بالمضرب

هيعلى ويتماسك خالص يبقى كده

نبعده على جنب ونروح للصفار
نحط عليه السكر والمحسن ونضرب فورا بالمضرب عادى مكان البياض مفيش مشكله لكن العكس لا
نضرب الصفار لحد اما يبقى فاتح ومنفوش كده

نبتدى نضيف الدقيق على الصفار على مرتين بالتبادل مع الميه نبتدى بالدقيق وننتهى بيه
كده

خلصنا كل الدقيق على الصفار نبتدى نضيف البياض بالمعلقه شويه شويه ونقلب من فوق لتحت براحه خالص
هنضيف البياض على 3 مرات كده

بعد ما نخلص كل الكميه ونتاكد انها امتزجت كويس جدا
نحطها فى الصينيه وندخلها الفرن على 180 اخدت معايا يالضبط 45 دقيقه
^^تورته فاكهه وشوكولاته بالتفصيل من الالف للياء ^^
نطلعها ونسيبها ربع ساعه بعد كده نقلبها على منخل ونقسمها 3 اقسام

• صورتورت فاكهه