المقادير.
دجاجه + لاموطارد + عصير الحامض + الابزار + الملح + الثوم
الطريقه .
بصراحه انا ما تنستعملشي الدجاج المدبوح في نهارو و انما ضروري ما يكون مغسول مزيان بالطحين و الملح في
الاول ثم نعاود بالخل و الحامض مزيان و نوضعو في الكونجيلاتور و حتى الغد عاد نستعملو المهم
تناخد الداجه و تنفتح ليها الضهر ديالها على زوج و تنفرش ليها الملحه في الكوكوت و تنحطها فيها و تنحك عليها
الثومه بالحكاكه الرقيقه و تنسد الكوكوت بلا ما تنظيف الماء و نحسب من بعد ما تصفر الكوكوت ربع ساعه و تنطفي
البوطه و تنتركها لمده ربع ساعه مسدوده و تنوجدو لاصوص تناخد 4 ملاعق كبار لاموطارد +نصف ملعقه صغيره
ابزار + 3 ملاعق كبار عصير الحامض و نخلو الكل جيدا من بعد تنخرج الدجاجه من الكوكوت و نحطها في الاطه و
ندهنها مزيان باللاصوص كامله و ندخلها الفرن حتى تشرب لاصوص و تتحمر و نقدموها بالصحه و الراحه
