اعشاش الشعيريه بالتونه

اول شيء كرتون شعيريه نسلقه بمويه وشوي زيت وملح وكمون ومكعب ماجي وبهارات حسب رغبت
ونخليها لمده 10 الى 15 دقيقه وبعدها نطلعها ونصفيها من المويه ونرشها بمويه بارده ونحطها على جنب
ونجي ونكشن التونه
نشوح البصله مع ثوم مع زيت طبعا حتى تتحمر وبعدها نحط طماطم مفرومه مع شوي صلصه طماطم وبهارات وكمون وماحطيت ملح لان الخلطه الاخيره مالحه فاستغنيت عن الملح هنا المهم نخلي الطماطم تتسبك شوي ونحط التونه 5 دقائق كفايه والصوره مارضت
في هالاثناء نجهز الخلطه وهي عباره عن
3 ملاعق جبن سايل <<استخدمت كرافت عشان كذا مالحه
3 ملاعق مايونيز
علبه قشطه
مكعب ماجي
وشوي فلفل اسود وكمون وبهارات
ونخلطها بالخلاط ونتركها على جنب

الحين نرجع للشعيريه ونحط نصف المقدار بالصينيه مع شوي من الخلطه
ونحركها مع بعض وبعدها نحط التونه كلها
وبالاخير نحط الشعيريه كلها والخلطه كااامله ونرش على الوجه بالاخير جبنه مبشوره
ندخلها الفرن من تحت لمده 15 دقيقه وبعدها نولع عليها من فوق لين تتحمر ونطلعها ونخليها تبرد وبعدها قطعيها وقدميها