اغنيه احنا فين
شارع زمان كان امان وكل ناسه طيبين
دلوقتى ليه شارع الزمان كله اللى ماشى فى حزين
قولوا على الدنيا خلاص يلا السلامه
انزلوا شارع الحياه بعنيكوا شوفوا علامات يوم القيامه
ام ماشيه بتصرخ ابنى فين ياناس رودوا عليا
اتخطف بين ايديا كل ده فى لمح البصر
واما على صوتها وصل للى فوق بقت قضيه
قالوها ابنك راح ضحيه لناس ديابا مش بشر
سرقوا لحمه ودمه منه تاجروا فى ولا راعوا سنه
عقلها سمع الكلام الذهول والرعب جالها
احنا فين احنا فين يابنى ادمين
احنا فقدنا ادميتنا ولا بقينا فى غابه عايشين
اتنين الرحمه ماتت فيهم ساما شر الدنيا مليهم
شافو طفله صغيره فى الشارع ماشيه حليت فى عنيهم
خدوا منها اعز ما تملك ولا رحموا برائه ولا طفوله
اهلها قلبوا الدنيا عليها لما لقوها لقوها مقتوله
احنا فين احنا فين يابنى ادمين
احنا فقدنا ادميتنا ولا بقينا فى غابه عايشين
ناس بتموت فى الروح بطلع على باب المستشفى بتردع
بتدعى تصرخ وتقول فين الرحمه يقولوا موجوده للى بيدفع
للدرجادى القرش قتلنا موت احساسنا ببعضينا
وبقينا نتاجر فى الامنا استرها يارب والطف بينا
احنا فين احنا فين يابنى ادمين
احنا فقدنا ادميتنا ولا بقينا فى غابه عايشين
قولوا على الدنيا خلاص يلا السلامه
انزلوا شارع الحياه بعنيكوا شوفوا علامات يوم القيامه
