افكار لزفات العروس

افكار لزفات العروس

الفكره الاولى ( فكره الفراشات)

الكوشه عباره عن حديقه فيها فراشات معلقه في الجدار وازهار كثيره
وكرسي العروس على شكل مرجيحه ثابته وعليها ورود وعلى يمين العروسه كرسيين
صغار وعلى اليسار نفس الحكايه ..
اما الزفه يدخلون اربع بنات صغار عمرهم سبع سنوات لابسين اجنحه فراشات وماسكين
عصيان على شكل قلوب ولهم زفه خاصه عباره عن صوت ماء وعصافير ويمشون الى ان يجلسوا على الكراسي الصغيره الي جنب الكوشه وبعدين تكون عند الكوشه بنت لابسه جناح
فراشه ابيض لان الاي قبل لابسين اجنحه ملونه اما الفراشه البيضاء ماسكه صندوق على شكل فراشه وداخل الصندوق مسكه العروسه وبعدين تمشي على الجسر الى ان تصل الى بدايه الجسر بعدين تدخل العروسه من البوابه وتمشي الى بدايه الجسر ثم تفتح الصندوق وتاخذ مسكتها وتلف الفراشه البيضاء ومعها الصندوق فيه ورد وتنثر الورد على الجسر والعروسه تمشي وراها الى ان تصل الى الكوشه .

الفكره الثانيه (زفه الرعد)

بالنسبه للطريقه الزفه بالبدايه ممكن تخلون الزفه تبدا قبل دخله العروس بصوت رياح قويه وعواصف وبرق ورعد …ثم دقات ساعه….ثم صوت خطوات واضحه وعاليه جدا …ثم صوت فتحه الباب …وهنا يفتح الباب لللعروسه كي تدخل في زفات بالبدايه يحبون يحطون شعر وهذي اول ماتدخل العروس من الباب وتظل واقفه الين مايخلص الشعر ….ثم تبداء زفتها ..في فكره شفتها تكرررت مرتين ..وهي يوضع كوب عصير طوله متر او متر ونص ويكون ملين عصير معين ويكون في مصاصا اول مايدخل
العريس والعروسه يشرب هو ثم تشرب هي بعده من نفس المصاصه ((حركه جديده))…ممكن العروس واثناء مشيتها يجي طفله صغير وشايل معه سله مليانه ورد ويرمي العريس والعروس الورد منها على الحضور …..طبعا لازم قبل دخول العروس تترسون لهم الممر ورد تغطون فيه الارضيه او الممر اللي بتمشي فيه العروس وممكن انك تجيبن ((مادري ايش اسمها))((اللي يرتكز عليها الرسام ويرسم فوقها تجيبن مثلها بس تكون حلوه او تودينها لاحد يشتغل عليها بالوان تتناسق مع الوان الكوشه وتجيبين دفتر فخم وهذا عشان صاحبات العروسه وقرايبها يكتبون لها كلمه وتضعينها عن باب دخول القاعه واذا جت العروسه تحطينها بالكوشه عشان اول ماتطلع الكوشه هي وعريسها يكتبون كلمه الختام لهذي الليله وممكن تجيبين واحده ثانيه قبالها وتحطين عليها صوره مكبره للعروسه مع العريس يوم ملكتها ((خطوبتها او صوره حلوه لها مكبره ))

الفكره الثالثه( زفه العصافير )

كان ديكور الكوشه عباره عن قفص ومزين بعدد كبير من العصافير الملونه ( طبعا زينه ) .. و بجوانب الكوشه في قفصين بعد,,بس فيهم عصافير حقيقيه…
و الزفه هي .. ان تدخل العروس على موسيقى فيها اصوات العصافير و موج البحر..
في البدايه اثنين من الاطفال يكونون شايلين اقفاص فيها عصافير بعد..يمشوون جدام العروس.
و العرووس باقتها اتكون فيها عصافير او حمام ابيض..المهم مش حقيقي طبعا..المهم..
لما توصل العروس مع الاطفال فوق الممر..تبع الكوشه..يفتحون الاطفال الاقفاص و يخلون العصافييير تطير امام الجمهوووووور…
طبعا الاضواء تكوون ملونه على الوان العصاافير..
و مكياج العرووس يكون بعد ملون كانه قوس قزح..و وااااايد رووووووووووووووعه..و تم تنفيذها بعد..

الفكره الرابعه ( فكره الورود)

العروس تطلع من البلكون وبيدها سله ورد على انغام اغنيه اميره الورد لمحمد عبده ( متوفره بدون موسيقى وباسم العروسين ) والعروس ترش الورد وهي في البلكون وتنزل من الدرج وترش الورد بعدين يجي بنت صغيره تسلمها مسكه الورد .. ويمكن الفكره السابقه تكون بدل الزهور تكون زهور على شكل قلوب والكوشه كذلك وجميع الترتيبات وورد وزهور على شكل قلوب

الفكره الخامسه (زفه اللؤلؤ والمحار)

زفه اللؤلؤء والمحار: وتكون القاعه كلها ملونه بلونين الازرق والابيض بحيث طاولات المعازيم بالازرق والكراسى بالابيض وتكون الحوائط التى ببدايه القاعه مرسوم عليها رسوم بحريه او تلزق عليها اشكال بحريه وتكون حبال نازله من السقف ومثبت عليها للؤلؤء ومحار وخيوط زرقاء متشابكه نازله من السقف ويكون الممر مغطى بشباك بحر الى نهايه الكوشه وتكون الكوشه على شكل بحري جدا وتكون الكراسى على شكل محارتين مفتوحتين وتكون كيك المعاريس على كبيره جدا وفوقها محارات صغار وتكون بين المعازيم للؤللؤء متناثر كثيرا هذا بالنسبه لفاعه الاحتفال وبالنسبه للعرووسه تدخل قبل العروس وصيفات العروس لابسين ابيض ويكون موديلهم لبس حوريه البحر ويكون عددهم 6 وويكون 3 على اليمين و 3على اليسار ويكون كل وحده فيهم شايله صندوق داخله لولؤ صناعى اللى يكون رخيص جدا عرفتوه وويمشون وينثرون اللؤللؤء على المعازيم وبعدين تدخل العروس

الفكره السادسه (زفه اسطوريه )

ممكن العروسه تدخل قاعه الفرح في هودج يحمله اربع نساء كانها ملكه من ملكات الف ليله وليله الفكره دى اكثر من رائعه و انا شاهدتها فى الحقيقه (انا عن نفسى هاعمل الفكره هذى حق اختى اذا تزوجت وبعدين ترتدي اخوات او وصيفات العروسه زي موحد يكون مثل ملابس الجواري في العصور القديمه .

– اثناء تقطيع تورته الفرح يمسك كل من العريس و العروسه حمامه بيضاء و يطيروهم . تصلح هذه الفكره للافراح اللى يكونون بالهوا الطلق وتدخل العروس على اغنيه امل حجازى (انا ملكه زمانى ) او اغنيه اصاله (من الف ليله وليله ) علشان يكون الجووووووووووو ملكى وتفرش الارضيات بسجاد الاحمر الرسمى وتكون شكل الكووووشه على شكل قلعه صغيره

– و لاكمال الجو الاسطوري تكون دعوه الفرح مصنوعه من ورق البردي ( او الجلد ان توفر) و تكون صيغه الدعوه كانها فرمان ملكي .

لن ينسى ابدا ضيوفكم هذا الفرح الاسطوري

زفه حوريه البحر..

الفكره تم تنفيذها بعرس ربيعتى الى حضرته الاسبوع الى الطاف…. ببدا اولا بالقاعه بشكل عام وبعدين الكوشه واخيرا الزفه او الحركه..
القاعه:
الطاولات كانت مرتبه بشكل منسق وجميل لون الشراشف كان ازرق وعلى كل طاوله وفى المنتصف , كوب على شكل فاز..كبير..وطويل… تقريبا (40سم)(مخروطى)وبداخله ماى وسمكه ذهبيه..

الكوشه:

الكوشه كانت على شكل احجار بحريه والمرجان والطحالب البحريه..وعلى السقف كانوا معلقين اسماك حوالى(15 سمكه على مسافات متباعده.. الكرسى وهذا كان احلى شى.. لانه الكرسى كان مصمم بشكل حلو بحيث اسفل الكرسى مصمم على شكل حوض سمك.. على فكره ترى الاسماك الى فالحوض حقيقيه ..وطبعا الاسماك المعلقه لزينه..عن تصدقون بعد انها حقيقيه

واخيرا :الفكره او الحركه الى نزلت فيها العروسه….
قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويله… وكانت الفساتين بالون الابيض… ونزلوا من نفس المكان الى راح تنزل منه العروسه مع اصوات البحر ….. وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادرى اذا الصوره واضحه بس علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه… وبعدها تصعد بنت خامسه بيدها صدفه كبير..بداخلها مسكه العروس…
والحين تطلع العروسه مع قصيده بسمها واسم المعرس… وتمشى وبيدها نجمه … تمشى لين ما توصل عند البيت الى حامله الصدفه الكبيره تسلم عليها(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشه….

الف ليله وليله

الزفه عباره عن مؤثر صوتي حوار يدور بين الجاريه التي تنقل للامير اخبار المدينه حيث تقول له ..

بلغني ايها الملك السعيد
ذو العقل الرشيد
انه كان في قديم الزمان
وسالف العصر والاوان
بنت بارعه بالجمال
يعجز عن وصفها القيل والقال
ولم يوجد لها في هذا الزمان مثال
ذات طرف كحيل
وخصر نحيل
ان اقبلت فتنت
وان ادبرت قتلت
تاخذ القلب والناظر
كما قال فيها الشاعر

طبعا هنا لابد من وجود شاعر يصف هذي البنت اللي روت اوصافها الجاريه للملك ..

كان ياماكان عفوا ماهي اسطوره ………….ولكن قصه من واقع لكم اليوم بحكيها
كان فيه بنت ايه بالحلا وسوره………………..وجمال الكون ياعالم كله بين اديها
اذا اقبلت تنحني لها الروس معذوره……………مثل الاميره بعرسها الكل يحييها
هذي ( ) اللي للقمر صوره……………………..وربي بهذي الدنيا مافيه زين يضاهيها
شعرها الاسود مثل الليل بغروره……………….ورموشها سهام مسلوله تصيب اللي طمع فيها

و طبعا عذي اضافات عالزفه عشان اتكون احلا..

من ناحيه دخلت العروس يكونون واقفين بنتين على جوانب المدخل ومعهم نفس المراوح او المهفات الكبيره زي حقت الجاريات ويبدون يهفون على خفيف على العروس ويمشون معها لين يوصلون الكوشه …طبعا هذا الشي ينطبق على اللبس وعلى كل حاجه حتى الكوشه نفسها يكون الديكور مطابق للزفه…راح يطلع شكلها حلو بالمره

فكره زفه الاخبار

وتسمى بدخله الاخبار وهي عباره عن صوت موجه الاخبار ثم صوت فتاه تقول خبر عاجل لقد وردنا هذا الخبر العاجل من مراسلنا بالصاله الفلانيه ولمزيد من التفاصيل معنا مراسلنا
ويتكلم الرجل هنا ويقول لقد تم وصل العروس فلانه في صاله الافراح الفلانيه هذه الساعه حيث هناك تقام الاحتفلات والافراح بمناسبه زواج فلانه وفلان ..

هذه الزفه من تصميم تسجيلات الرياض

1) مقدمه رياح ورعد
2) مقدمه الف ليله وليله
3) صوت شهرزاد بتقول للوالي حكايه الاميره اللى ناويه تتزوج
4) صوت سوق ومنادي من بعيد ينادي بالناس بان اليوم سوف يكون خطبه الاميره وسوف تكون من نصيب افضل شخص يتقدم
5) صوت الحلبه والفرسان يتقدمون
6) يتقدم قريبها في البدايه ويذكر ابيات شعريه في طلب الاميره ولكنها ترفضه باغنيه
7)يتقدم الغني ويذكر ابيات شعريه وايضا ترفضه
يتقدم الفتى الوسيم المغتر بجماله وايضا ترفضه
9) يتقدم القوي والمفتول بعضلاته وترفضه
10) اخيرا يتقدم الحبيب والشاعر ويفوز بقلب الاميره
11) ويلتقي العرسان في نهايه الصاله امام الناس
12) تبدا الزفه ويبدا الغلب معايا تسليط الكشاف وتشغيل مكينه الدخان ومكينه الورق والفلاشات

• اجمل درج مزين للعروس
• صوار عن قفصين البيضى العروس