اقوال جميله عن القهوه
يقول الامير راكان بن فلاح ال حثلين
يامحلا الفنجال مع سيحه البال
في مجلسا مافيه نفسا ثقيله
هذا ولدعم وهذا ولد خال
وهذا رفيقا مالقينا مثيله
ويقول الشاعر محمد بن عبدالعزيز القحطاني وهو يوصي ابنه
يابو محمد شب واقضب مكاني
في غيبتي قهو الرجال المشاكيل
وفل الحجاج لكل من جاك عاني
وابدا التحيه قبل سوق الفناجيل
ويقول شاعر من قبيله مطير واسمه شليويح وهو يوصي ابنه نمر
امل الوجار وخلو الباب مفتوح
خوف المسير يستحي ماينادي
يانمر مافي صكه الباب مصلوح
ولاهي لهلكم يامظنه فؤادي
======================
ويقول خلف بن هذال شاعر عتيبه
سوولي الكيف وارهو لي من الدله
البن الاشقر يداوي الراس فنجاله
كيف لنا نحرقه بالنار وانزله
واليا انقطع لو ورى صنعاء عنيناله
==========================
ويقول الشاعر ابن خشم الذيب العجمي
اشرب الفنجال واكب البياله
طيبا واحب سلم الطيبيني
الولد ان طاب طيبه من خواله
وان تردا فاعرف انهم خايبيني
====================
ويقول الشاعر دغيم الظلماوي من قبيله شمر
ياكليب شب النار ياكليب شبه
عليك شبه والحطب لك ايجابي
وعلي انا ياكليب هيله وحبه
وعليك تقليط الدلال النجابي
=================
ويقول الامير راكان بن فلاح ال حثلين اثناء اسره
في تركيا (يصف حالته)
يابوهلا صرنا سوات الدراويش
والكل منا خبزته في يمينه
لا عاد به دله ولا عاد به عيش
ولا عاد به فطحه خروفا سمينه
===========
ويقول الشاعر الامير محمد بن احمد السديري
يابجاد شب النار وادن الدلالي
واحمس لنا يابجاد ما يقعد الراس
============
ويقول احد الشعراء
الدله اللي ماتبهر من الهيل
مثل العجوز اللي خبيثا نسمها
- اقوال عن القهوة
