اكلات مصرية خفيفة وسريعة

2 كوب سمن
نصف كوب زيت
2 معلقه كبيره سمسم محمص خفيف
2 معلقه شاي خميره جافه
1 معلقه شاي سكر سنترفيش
1 كوب ماء دافيء
2 معلقه شاي ريحه كحك او معلقه شاي شمر محمص و مطحون + معلقه شاي يانسون محمص و مطحون
ربع معلقه شاي ملح

للحشو: ( يمكن عملها ساده بدون حشو )
نص كيلو عجوه ، معلقه كبيره سمنه ، 2 معلقه كبيره سمسم محمص ، 1 معلقه صغيره قرفه

الطريقه :
-نفصص العجوه و نفرمها ناعم و نعجنها بالسمنه و السمسم و القرفه
-نحط الخميره مع السكر و ندوبها في الماء الدافيء و نسيبها شويه لحد ما تخمر
-ننخل الدقيق مع الملح و نحطه في طبق العجين و نخلط معاه السمسم و ريحه الكحك او الشمر و اليانسون
-نسخن السمنه كويس و نصبها فوق الدقيق و نقلب بالمعلقه لحد ما يبرد
-نضيف الزيت و نبس العجينه كويس ( نفركها باليد )
-نضيف الخميره و نعجن العجينه كويس اوي لحد ما تبقى العجينه ناعمه
-نغطي العجينه و نخليها في مكان دافيء لحد ما تخمر
-ناخد قطعه من العجين في حجم قبضه اليد و نفردها على شكل مستطيل و نحشيها بالعجوه و بعدين نقفل العجين على العجوه و نضغط على العجين و نقطعه بالسكينه على شكل صوابع او نشكله باي شكل تاني و نرصه في الصواني و ندهن الوش بسمنه سايحه و نخلي المنين يخمر تاني
-ندخل الصواني فرن متوسط الحراره لحد ما يستوي
و بالهنا و الشفا