ناقد ادبى وكاتب مصرى و استاذ فى الادب والنقد الحديث فى كليه الاداب فى جامعه المنوفيه. حصل على ماجيستير فى الادب من جامعه الزقازيق بتفوق سنه 1990 و على الدكتوريه فى الادب من جامعه عين شمس سنه 1994 مع مرتبه الشرف الاولى. محمد فكرى الجزار ليه مؤلفات و مقالات وبحوث كتيره ، من كتبه ” لسانيات الاختلاف ” و ” معجم الواد .. النزعه الذكوريه في المعجم العربي “.اعارته وزاره التعليم العالى فى مصر لجامعه الباحه فى السعوديه لتدريس الاداب و العلوم الانسانيه لكن اتقبض عليه فى 5 يوليه 2024 و اتحبس فى السعوديه و اتسحب منه باسبوره المصرى للتحقيق معاه بعد سقوط ابن وكيل الكليه السعوديه فى امتحان الماده اللى كان بيدرسها له الجزار. الاستاذ المصرى اتوجهت ليه تهمه التحريض على الثوره و انه حلقه وصل ما بين ثوره 2024 فى مصر و عدد من الشباب فى السعوديه.
بيقول الجزار فى حديث مع اليوم السابع انهم اخدو صوره من صفحته على الفيس بوك عنوانها ” الملثم البدوى ” و عملو صفحه شكلها على ملف ” وودر ” و نسبو له كلام بيهين الشعب السعودى و حطو تعليقات للزوار و شهد على الصوره اربعه من الجامعه السعوديه عشان حط الموضوع فى اطار سياسى. الجزار فى نهايه حديثه نصح النقاد بالذات بانهم مايروحوش يشتغلو فى السعوديه.
الجمعيه المصريه للنقد الادبى طلعت بيان ناشدت فيه السلطات والجامعه السعوديه بعدم خلط القضايا السياسيه و اتهام الاساتذه بالتحريض على الثوره وطالبت بوقف التحقيقات معاه و السماح ليه بالرجوع لبلده مصر ، و اكدت الجمعيه على قيمه الحريه الاكاديميه و ضروره معامله الجزار باحترام او انهاء عقده و طالبت القوى المدنيعه بالدفاع عن الحريات الاكاديميه و عدم خلطها بالسياسه.
المتضامنيين مع الدكتور الجزار عملو صفحه على الفيس بوك اسمها ” معا لتحرير محمد فكري الجزار “.
فى 12 يوليه 2024 نظم عدد من الادباء و النقاد والمثقفين والاكاديميين المصريين وقفه احتجاج قدام القنصليه السعوديه فى حى جاردن سيتى فى القاهره للمطالبه بالافراج عن الدكتور الجزار. السلطات المصريه اللى اعارت الاستاذ المصرى ما خرجش عنها تصريح لكن حسب كلام الدكتور الجزار على اليوم السابع ان اتصل بيه مسئول من السفاره المصريه فى جده و قاله : ” بلاش اخبار الوقفات الاحتجاجيه امام السفاره السعوديه ” ، وكان معترضا على نشر اخبار حول القضيه بجريده “اليوم السابع”، فرد عليه الجزار ” انا محتجز و عايز ارجع لبلدى ” فرد عليه: ” هنحاول نحل الامور ” ، فقال له الجزار : ” مادمت قد اخطات من وجهه نظرهم فى تاديه واجبى كمدرس فى الجامعه ، فلماذا لا ينهون تعاقدى معهم ويرجعونى بلدى؟! “.
مؤلفاته:
- لسانيات الاختلاف – الهيئه العامه لقصور الثقافه – القاهره – 1995
- فقه الاختلاف مقدمه تاسيسيه في نظريه الادب – الهيئه العامه لقصور الثقافه – القاهره – 1999
- العنوان وسيميوطيقا الاتصال الادبي – الهيئه العامه للكتاب – القاهره – 1998
- الخطاب الشعري عند محمود درويش – دار ايتراك – القاهره – 2002
- معجم الواد .. النزعه الذكوريه في المعجم العربي – دار ايتراك – القاهره – 2002
- سيميوطيقا التشبيه – دار ايتراك – القاهره – 2007
- استراتيجيات الشعريه العربيه – دار ارابيسك – القاهره – 2009
- الخطاب الغائب ، في نقد النظريه السرديه – دار ارابيسك – القاهره – 2009
