الغيره نصف الحب
_ طبعا ليها اكتر من شكل وبتختلف الاطراف هتكلم النهارده عن غيره غريبه شويه ولكنها واقعيه
” غيره البنت على صاحبتها او الولد على صاحبه ”
_ البنوته تحب صاحبتها اوى للدرجه اللى تخليها مش عاوزاها تقرب من واحده غيرها مش عاوزاها تكون قريبه من حد الا هى
_ ده بيكون ليه اكتر من سبب منهم مثلا ” طبع عند البنت دى انها غيوره اوى لحد التملك وده بتمارسه مع كل اللى بتحبهم اوى ،، افتقاد للبنت لحب وحنان من الاهل فعوضت كله ف صاحبتها فبقت بتمثلها جزء مهم ف حياتها فبناءا عليه مش عارفه تشوفها قريبه من حد تانى غيرها ،، او لانها صاحبتها الوحيده فمش مستعده تلاقيها بعيده لانها بالنسبالها كل اصحابها ”
_ النوع ده من الغيره بيتعب الطرفين جدا لان البنت اللى بتغير دى هتتعب كل ما تشوفها قريبه من حد تانى وهتزعل اوى وفيما بعد لما هتتخطب او تتجوز هتبتدى تغير على اللى معاها بالشكل ده حتى ممكن تغير من اخواته ده بالاضافه انها هتاثر على الطرف التانى لانها هتحس بانها مقيده او مخنوقه وبالذات ان البنات حياتها مش ثابته لكن متغيره يعنى معرضه انها تحب وتتخطب وتتجوز وده هياخد المساحه الاكبر ف حياتها وطبيعي هتقصر مع صاحبتها ومش هتكون قاصده ولكن هتكون ظروف الحياه
_ لازم يبقي في تدريب للنفس على تفادى الوقوع ف حاجه زى دى اللى يحب حد لازم يحب ان علاقته تبقي كويسه بالكل لازم العقل يشتغل و يدرك ان في فرق بين الغيره الحلوه اللى هى تعبير عن الحب وبين الغيره المرضيه اللى بتاذى الطرفين :))
