الماتيريال صعب تلاقيها فى اى مكتبه صغيره بتاعه ادوات مدرسيه
ياعنى هاتلاقى الماتيريال فى مكتبه زى مثلا سمير وعلى
فى مكتبه كمان اسمها كاميرا 9 فى الدقى
دى هاتلاقى كل حاجه فيها ان شاء الله
قبل ما نجيب الماتيريال لازم نعرف الديزاين اللى هانشتغل فيه
لو ده مثلا اللى هانعمله
يبقى الماتيريال اللى محتاجنها
فرخ ناصبيان كبير للفريم
فوم جليتر اصفر وابيض
وفرو ابيض
وصمغ بقى او مسدس شمع او دابل فيس
طيب ازاى هانعمله بقى
الناصبيان ده شكله
حاجه كده زى الكرتون المقوى تقيل اوى
هانجيب القطر بتاعنا والقلم والسطره ونرسم شكل الفريم عشان نفرغه من النص
وبعدين نقطع بالقطر
الخطوه التانيه بقى نجيب الفوم الجليتر
ده شكله
ده برده نجيب منه الفرخ الكبير
عشان هو فيه احجام
وبرده نرسم ع ضهره مش الحته اللى فيها جليتر لا ع الفوم نفسه
نرسم برده بالقلم والمسطره الفريم نفس حجم الفريم اللى عملناه فى الناصبيان
وبعدين نقص بالقطر
ونلزق بقى بالشمع او الصمغ او الاوهو اى ماده بتلزق
كده يعتبر خلصنا الفريم
طيب الكماليات بقى اللى هى الاسامى والدبل وتاريخ الفرح والقلوب وكده
برده نفس الكلام هانكتب الاسام ع الفوم الجليتر ونقص ونلزق ع الفريم
بصوا اشكال اهه قلوب
والخطوه النهائيه بتاعه الفرو
هاتجيبى الفرو الابيض ده وتلزقيه ورا الفريم نفسه عشان يبقى طالع كده من فتحه الفريم
بس كده هو ده شغل الفريم
سهل وبسيط ومش مكلف خالص
وهاتنبسطى اوى لما تكونى عامله حاجه بايديكى انتى لخطوبتك او زواجك
