اناشيد شهاب الجديدة

كلمات اغنيه على مسرح الدنيا

على مسرح الدنيا كلنا كلنا ممثلين
بنغنى على بعض ودايما فى كدبنا فى كدابنا هايلين

اللى دوره فيها طايش واللى ميت واسمه عايش
واللى مش عارف يعيش
اللى دوره يكون كبير واللى دوره يعيش فقير
واللى دوره ميتحكيش

رفع الستار والجمهور قاعد مستنى مين هيمثل مين هيغنى
اللى دوره يا ناس صغير ومن دوره باشا ومتهنى
ومين بيمثل غصب عنه مين اللى دوره اقوى منى
مين بيقول اهو دور وخلاص
وانا يا ناس واقف مستنى
اااااااااااه

على مسرح الدنيا
اللى واخد دور بطوله مع انه المفروض كومبارس
عمال يمدحلك فى مواهبه يندهلك يديلك درس
واكمنى الدنيا مطعواه ماشى يرازى فى خلق الله
دايما يحسد عيشه غيرو ومفيش حاجه يا ناس عجباه
على مسرح الدنيا

واللى دوره يقول تمام دايما تلاقيه شكله كبير
واللى شاطر فى العلام على المسرح طالع دوبلير
واللى موهوب فى المشاعر واللى مليان بالاحساسيس
دايما بختو وحظو قليل دوره تملى ورا الكواليس
على مسرح الدنيا

واللى عملى صاحب وقريب قدام منك اوفى حبيب
اول مانت بتديلو ضهرك تلاقيه فجاه اتحول ديب
واللى رصيدو فى دنيتو فاضى ومحدش يوم خد بايديه
واللى بقدره وحكمته راضى دنيتو قاسيه وجايه عليه
ااااااااه
على مسرح الدنيا

اللى هقولو هقولهلكم بامانه
الناس راح تفضل تعبانه طول ما شيطان الشر هارينا عمر ما يبقى الخير جوانا
وكان خلاص كله اتبرمج على الظلم وعلى حب الفوضى
كلنا على بعض بنتفرج وبقينا يا حول الله
ااااااااه
على مسرح الدنيا

كلمات اغنيه على قيد الحياه

لو يرجع بيا الزمان واللى راح يرجعلى تانى تانى
واللى ضاع من عمرى كله هبديه واعيشو تانى تانى
كنت هعمل حساب لبكره كنت هبدا من جديد
كنت افكر الف مره قبل ما الاحزان تزيد
والقى نفسى خسرت نفسى القى نفسى خسرت نفسى
والندم مبقاش يفيد

كنت هبقى حد تانى الخير ماليه حد راضى باللى مقسوم بس ليه
واللى ضيعتو بايديا وبرضايا كنت هعرف قيمتو واحافظ عليه
عمرى كنت هعيشو فى النور ويا ناسى مش هخلى عشانى حد فى يوم يقاسى
وادى ضهرى للى خلى قلبى يقوى خلانى اخسر نفسى وابقى عنيد وقاسى

لو يرجع زمان وكل اللى كان
كانت حاجات اتغيرت ولقيت مكانى

كنت هجرى على امى وابكى وابوس ايديها
وابقى عايش عمرى كله بس ليها نفسى ترجع بيا ثانيه وتسامحنى
ياما خليت الدموع تجرى فى عنيها
وانت يابا ياللى كنت خايف عليا شوفت منى كتير وبردو نصحت فيا
كنت اسمع كل كلمه قولتهالى وارمى من قلبى اللى مات كل القسيه

لو يرجع زمان وكل اللى كان
كانت حاجات اتغيرت ولقيت مكانى

كنت هبنى حالى من اول واحاسب للقى نفسى فى دنيا قاسيه مليش حبايب
واللى فكرو هيبقى سدنى وهيساعدنى فجاه القاه بين ايديا ضعيف وشايب
كنت هعمل بيت صغير يبقى ليا القى فيه ايدين تطبطب يوم عليا
كان هيبقى ليا حد عايش عشانه حضن دافى يشيل همومى ولو شويه

لو يرجع زمان وكل اللى كان
كانت حاجات اتغيرت ولقيت مكانى

بس اه ويا ميت خساره على اللى كان عمره ما بيرجع بضهره الزمان
ادى حالى اللى معملتش حسابه سبنى وحدى بين عذاب واربع حيطان
الدموع فى عنيا واللى فى قلبى اااه ايوه ميت بس على قيد الحياه
واللى بكره هسيبو بعدى يبقى زكرى ورقه بيضه اسمها شهاده وفاه

لو يرجع زمان وكل اللى كان
كانت حاجات اتغيرت ولقيت مكانى

كلمات اغنيه اخرتها كده يسيبونى

اخرتها كدا يسبونى كدا بنزف هم ويمشو وعادى قلبى يموت على ايديى قصادى بسهوله كدا
اخرتها كدا يسبونى كدا اللى عشان يبقى فى يوم ليا باسو يا دنيا تراب رجليا يرمونى كدا
اللى عشت العمر ليهم حضن دافى اللى شيلت هموم قلوبهم فوق كتافى
ليه يسيبو فى قلبى همه يدبحوه من غير ما يسمو وفى جراحه اتخلو عنه بسهوله كدا

الا انا قلبى بصم بالعشره على اخلصهم باعو العشره وردو الجميل
خلو اللى ما يشترى يتفرج على دمعى ويقول ويهرج دا جزاء الاصيل
ليه يا زمان خلتنى اطاطى وترفع ليه من قيمه الواطى ودى بردو الاصول
ولا الطيب فى الدنيادى ملهوش عيش ولا مكان كدا فاضى وعذابه يطول

من النهرده القلب الابيض فيا مات وحقى هاخدو يا دنيا منهم من سكات
واللى جرحنى فى قلبى وهده بكره يا دنيا ييجى ههده وهعلم عليه
وهوريه الوش التانى ومهما دموعى هتترجانى هسيبها فى عنيه
مش هرحم ولا حتى هسمى هجرح فيه وانا قلبى مغمى بتمن اللى راح
وهفصلو عذاب على قدو واوصى عليه الهم يشدو يرميه فى الجراح

كلمات اغنيه ازعل على ايه

مع انها ايام وفاتت لكن اثرها لسه فيا
كاتم في قلبي كتير وساكت واما افتكر بصعب عليا
وازعل على ايه في ايه في الدنيا دي يستاهل اني ابكي عليه
طب وازعل ليه دا محدش شاف دمعي في عيني وصعبت عليه

الجرح في قلبنا بيعلم لكن من الجرح بنتعلم
صعب النسيان والظلم كمان والاصعب منه اما نسلم

اللي باعك خساره فيه نزعل عليه
عمر ضاع طب ليه نضيع غيره ليه
واللي جاي ربنا يعوضنا بيه

كلمات اغنيه بقيت على الاخر

تعبت وبقيت على الاخر وحالتى تصعب على الكافر
بقيت فى غربه وقلبى غريب من غير ما اهاجر ولا اسافر
زهقت والحزن ملانى ولامتى هفضل وحدانى
مين اللى دمع علشانى الكل بقى قاسى وقادر

الدمع باين فى عيونى واقرب الناس نسيونى حتى الحبايب ظلمونى
بقى حضنهم بيطلع نار استكترو الفرحه عليا كانى بشحت حنيه
عملت ايه فى الناس ديا بقى حلوهم زى الصبار

بحاول اهرب من الماضى وجرحى صمم مش راضى
الحزن لازقه مبيسبنيش وعمرى هيروح على الفاضى
الهم معشش جوايا وفى لحظه الفرح معايا
انا من الالم قولت كفايه الرحمه سجن المرادى

كلمات اغنيه بص بص فى عنيا واقرا

بص بص فى عنيا واقرا حس حس يابنى انت مره
قلبت حالى وسايبنى الالالى جرا ايه يا غالى متحس بيا اه
هواك تعبنى والشوق غالبنى حرام تسبنى فى الحاله ديا لييه

متبص بصه ولا انت لسه محبتنيش
سايبنى احبك وادوب فى قلبك متسبنى اعيش

عمال تدلع ومولع قلبى بنظراتك
متقولها يا سيدى وتنطقها يا جميل وحياتك
كل حاجه بالخناق والغرام بالاتفاق
قلبى مش صابر عليا اصل حبك يابنى يااااااه

كلمات اغنيه الجواز بقى غالى

بص بقى بقى كدا اصل كدا بقى احسن من كدا
صحصحو معايا من اولها اللى نفسو فى حاجه يعملها
اللى عايز يجوز يلحق يجوز ويعيش
الجواز بقى غالى ويمكن بكره يبقى مفيش
والبنات عماله تحلو والشباب واكلين الجو
ياعم ياللى انت مقضيها لو قدامك بت لاغيها
اجوز وافرح واشغلها

بص بقى بقى كدا اصل كدا بقى احسن من كدا

لو فى عريس هيموت علشانك نفسه يقولك ولا يبوح
امسكى فيه بايديكى وسنانك اوعى يضيع منك ويروح
قولى لابوكى ميعقدهاش لتلاقيه روح ومجاش
كل حاجه ممكن تتقضى كفايه دبله وخاتم فضه
بكره ربك هيعدلها

بص بقى بقى كدا اصل كدا بقى احسن من كدا

البنات احلوت خالص بس ياعينى مفيش عرسان
والجواز دلوقتى قليل والشباب كلها تعبان
اللى تلقى عريس وتسيبو مش هتعرف تانى تجيبو
دا الجواز للواد والبت احلى من القعده على النت
والفيسبوك اللى مشعللها

كلمات اغنيه حد عايز ينجرح

حد عايز ينجرح ويقاسى ويعانى
يروح اوام عن حد حبيبى الجرح مجانى

بياع كبير خاين مضمون مجاريحو اكتر من مليون
احنا افترقنا من الليله كان عامل الليله اوكازيون
فى الغدر طبعا واخد صيت على ايدو ياما وياما بكيت
ويارتنى ما عشقت وحبيت دا اللى امنلو اكيد مجنوووون

عنوانه سهل فى كل مكان وانا قبل ما اسال عن عنوان
لقيت كتير ناس جاملونى الكل طبعا منه اتخان
طب دول ضحايا ودول مجاريح فى كل سكه تلاقى جريح
انا قولت اروح عنده واشوفه اتارينى ماشى فى وش الريح
انسان معندوش قلب مبيعرفش يحب كلامه كدب فى كدب
عايش عشان بيحب يخوووون

كلمات اغنيه هموم الغلابه

جوايا جرح هموم ودموعى جوه عنيا
وعشان اطمن قلبى قولت اما امشى لوحدى شويه
كنت بحاول انسى عذابى واهرب من الدنيا واحبابى
لكن شوفت بعينى حاجات خلتنى اعيد تانى حسابى

شوفت فى ناس تايهين من روحهم فاكرين الكيف هيريحهم
باعو الدنيا بكل ما فيها وقاعدين يشكو وقاعدين يشكو
وقاعدين يشكو لبعض جروهم

ولقتنى من غير ما احس انا رايح ليهم وبكلمهم عايز اخد وادى معاهم واعرف منهم
ايه اللى جرالهم ايه خلاهم كدا تايهين وبروحهم كدا مش حاسين

وياترى هما اللى بيستقوى ولا يا ناس هما المساكين
روحت لواحد فيهم تايهه قلتلو ايه جواك احكيلى
قالى انا بهرب من اللى انا شايفو وفضل ساعه يا ناس يشكيلى
اب وفاتح بيت وعيالو هما حياته وشاغلين بالو
والمطلوب منه يعيشهم بس الغلى كدا شقلب حالو

ولقيت واحد حسيت انه حمله تقيل وبجد حزين قالى لما سالته انا سنى قرب على ال35
عمال يجرى بيا العمر وانا واقف ومحلك سر
خدت شهادتى وعمال اعافر والدنيا دى سقيانى المر

ولفت نظرى واحد قاعد شكله حزين وعنيه فى الارض وحكالى حكايته
وكان خايف يسمعها بجد ياناس حد
اللى بيصرف على البيت اخته علشان باع نخوته وشهامته
غمض عينه على اللى بيحصل ساب كدا اخته تقل كرامته

وعنيا كدا لمحت واحد شايل جواه حمل جبال قلتلو مالك فضفض واحكى
قالى معنديش حاجه تتقال
بعد ما راحت امى الغاليه وسبتنى وغضبانه عليا
مش قادر كدا اسامح نفسى ولا اريح قلبى ولا عنيا

وقبل ما اسيبهم شوفت بعينى شاب صغير كدا مش هامو
عمال يصرف كدا بسهوله ومفيش حاجه بتحرق دمو
امه وابوه سايبينو براحته فاكرين ان المال فيه راحته
عمال على بطال يدولو ولا عارفين بقى فين مصلحته

ومشيت بعد ما شوفت حالتهم لكن كان فى سؤال جوايا
ايه خلانى نتعفرت نهرب وبنكتب لحياتنا نهايه
ملقتش جواب غير اننا مبقاش قلبنا على بعضنا
توهنا فى دنياتنا الكدابه ونسينا ياناس كدا ربنا

كلمات اغنيه ليالى الجرح

ليالى الجرح بتعدى على المجروح سنين ياما
وكل دقيقه بيعيشها تحس كانها ياما
من كتر ماهو بيعانى ووسط جراحه وحدانى
تملى بيدعى من قلبه يااااارب
يارب جراحى تنسانى

دنا اللى فيا لو اتقسم على الدنيا دى يكفيها
منا والجراح اخوات لزم ومفيش دوا يشفيها

من غير كلام ولا شرح ولا حتى دمع وفرح
انا كل ضلع فيه جرح جوايا ومعلم
بكتب دموع بالدم وانام واقوم بالهم
دنا من العذاب والظلم مش قادر اتكلم

موعود باللى يخونونى واللى يبكو عيونى
واللى ملهمش غالى
ناس منى وناس غريبه مش لاقى فى حد طيبه
ولا حد يهمو حالى
مهما ادى ياناس واضحى جزائى يبقى جرحى
ودموع بتهين عنيا
لا صاحب كانلى مخلص ولا قلب حبيب بيخلص
ولا حد يخاف عليا معقوله دا كله بالصدفه جه فى طريقى
طب كنتى سبيلى فرحه يادنيا تبل ريقى

كلمات اغنيه مقطوع من شجره

جوايا شعور فظيع انى انتهيت وبضيع
بين الامل والياس متعلق فى قشايه
بضحك وضحكى دموع وبكايه مش مسموع
وبقول الاه تتحس والنفسيه تعبانه

مقطوع من شجره طول عمرى وشكلى اكبر من عمرى
تعبت كتير وشوفت كتير وفى ناس كتير بيخيب ظنى
وكل ما ابقى اتقدم خطوه امشى فى طريق مليان عتمه
بقابل ناس وافارق ناس والفرقه توجع والصدمه

رحله حياتى كفاح تعبان ونفسى ارتاح
ورضيت بالهم يا دنيا والهم مش راضى
الكل باعنى وخان وبيجو عالغلبان
شايل فى قلبى هموم واضحك واقول عادى

رحله حياتى كفاح تعبان وعايز ارتاح
ورضيت بالهم يا دنيا والهم مش راضى
الكل باعنى وخان وبيجو عالغلبان
شايل فى قلبى هموم واضحك واقول عادى

كلمات اغنيه طول مانا وياك

طول منا وياك مبخافش من الايام ولا بعمل ليها حساب
طول منا وياك حسيت بحلاوه الحب وبغلاوه الاحباب
اوصفلك ايه انا حاسس انى بعيش وياك فى الجنه
وانت اللى معاك احلامى لقتها وقلبى ارتاح واتهنى

طول منا وياك مين دا اللى يفكر بعد ما شافك يبعد عنك ثانيه
وانت اللى فى قربك دوقت وعيشت وشوفت حلاوه الدنيا
هات ايدك خلى القلب يحس باحلى واغلى غرام
سيب نفسك وانسى مشاعرك طول ما عنيك حضناها عنيا
هتلاقى فى قربى حاجات يا حبيبى متتحسش غير فيا
دا الحب مهوش محتاج يا حبيبى لاى وعود وكلام

طول منا وياك دانت اللى هواك خلانى بقيت فى عيون الدنيا حبيبى ملاك
خلتنى احس ان انا عصفور طاير فى السما يا عيونى معاك
متخفش حبيبى وعهد عليا يا عمرى انا مش هنساك
قرب طمنى وخلى عنيا فى حضن عنيك بالشوق ترتاح
بعدك صدقنى مدوقتش هنا ولا حسيت طعم الافراح
وياكى الحزن اختفى ونسينى وسبنى وفاتنى وراح

كلمات اغنيه ذنب ناس

لو تعرف قد ايه سعيد باللى انت فيه
مانت ابن حلال وقلبك يستاهل كل خير
يافرحه قلبى فيك وفى قلبك وفى عنيك
وانا شايف جرحك اكبر من جرحى انا بكتير

مهو ذنب ناس بتخلصو ناس ولا انت جرحك ليا ناسيه
واللى يدوس لازم ينداس واللى عملتو لازم تلاقيه
علشان تدوق ظلمك ليا وتحس بقى نفس الاحساس

عايزنى اقولك ال سماح طب على العذاب ولا الجراح
ولا انت ناسى اللى راح كان تمنه غالى
هو البكى يصحى اللى مات مابلاش نقلب فى اللى فات
لا تقولى كان ولا زكريات انا حقى جانى

كل حق وله اوان اصل الحياه داين تدان
واللى عملتو انت زمان اديك لقيتو
وزى ما على قلبى افتريت من نفس كاسك اتسقيت
ولا انت فاكر انك نجيت وخلاص نسيتو

كلمات اغنيه اللى محدش همه

اللى محدش همو وقدو وفاكر انه كبير
اللى شايف نفسه عليكو وعامل فيها خطير
هتسمع عنه سمع خير هتشوفو شغل على كبير
انا اكبر منه بكتير وفى الحركات يقولى ياعمو
بس سيبونى بس عليه ال عملى ال ابن الايه
يالهوى على اللى هيحصل ليه هحيرو واحرق دمو

هوريه العين الحمره والنجوم فى عز الضهر
هخليه يبصم بالعشره انى صعب عليه مش سهل انا
اسمه هنسهولو فكرو هغيرهولو الزوق هعلمهولو
مهو الكبير كبير قولو

قلبه هولعهولو هيشوفنى يقع من طوله
وهتشوفوه وتقولو الفرق بينا كبير