انا كنت مريت بفتره نفسيه زفت بسبب حدث شخصي
ريجيمات كيماوي و حاجات كتير
وشعري كان بدا يقع بعنف
و زي معظمنا كانت مشكلتي ان شعري خف اوي و ممكن احس بفراغات
عملت الخطه السريعه اللي في الموضوع اللي فات
و كان الحمد لله بيطول و يتقل
لكن اكتشفت شويه حاجات ساعدت جدا جدا الحمد لله في انه يطول اسرع لدرجه -ماشاء الله لا قوه الا بالله – بلاحظ كل اسبوع او اسبوعين انه طول زياده و بسرعه و الفراغات اللهم لك الحمد ملت و بقيت حاسه بالشعر الصغنن بصوابعي
الحمد لله رب العالمين
فهقول للفتوكات انا بالظبط عملت ايه
من فتره كنت عملت موضوع عن سورسير
لوسيون بالتوم ياباني
و قولتلكم بعد فتره من تحربته عمل ايه
دا شكل المستحضر
مميزاته :
1- ريحته مش توم فهتستغني عن ماسك التوم نهائي اللي بتعمليه لشعرك
بدلكي بيه فروه راسك مرتين في اليوم لمده 3 اسابيع
و هتحسي بالفرق انا مجربه و فعلا اثر جدا جدا على فروه راسي و بينمل فروه الراس شويه
تمنه تقريبا 169 بس حقيقي يستاهل !
و مكتوب عليه 3 اسابيع و هتحسي بالفرق دا حقيقي و لما خلصت الازازه مش محتاجه تاني الحمد لله لان الاماكن الفاضيه ملت
———-
المستحضر التاني
Tress
بخاخ زيتي
اياكي تحطيه على شعرك و تسيبيه
الزيوت لما بتتساب الشعر بيقع لانها بتقفل مسام الشعره
مرتين في الاسبوع حمام زيت بس فيه
طريقته : ترشي على فروه راسك كميه كبيره و تدلكي بيه لغايه ما فروه راسك تسخن و بعدين فوطه سخنه مبلوله و تسيبيه لمده ساعه
و اغسلي شعرك
سعره 40 جنيه تقريبا
———–
الحاجه التالته
بانتوجاااااااااااااااااااااااااااااار
الدوا دا ساحر بينبت الشعر و يطوله بطريقه مش طبيعيه كلنا عارفينه طبعا
تاخدي 3 اقراص يوميا و التزمي بالجرعه
في كل البروتينات اللي شعرك محتاجها عشان يطول
و لازم تاخدي اي فيتامين بيحتوي ع الزينك انا بستخدم سنترم اللي عايشه عليه تقريبا عشان الدايت
السنتوم و البانتوجار الاتنين بيمثلوا الجزئ الغذائي اللي شعرك محتاجه فاعملي ريجيم براحتك طالما خدتي الدوايين دول
يا رب اكون افدتكم
و دي خلاصه تجاربي في شعري
و الحمد لله رب العالمين تحسن بحمد ربنا عليه
- انبات الشعر في اسبوع
- لانبات الشعر في اسبوع
- لوسيون لانبات الشعر
