السلام عليكن اليوم حبيت نقدملكم خبز الدار بطريقتي الخاصه
صدقوني هاد الخبز خفيف جدا جدا ومايتشبعش يبان مسكوته وزيد يحمر الوجه ويتناسب مع العرضات والعزومات نتمنى تطبقوه وتردولي وانشاء الله نشوف تطبيقاتكم في القريب العاجل
المقادير
في صحن كبير ديري ثلاث بيضات مع نص كاس اينوكس زيت وملعقه كبيره خميره خميره الخبز ومغرف ملح ومغرف كبيره ونصف سكر زيدي فوقهم كاس وثلاث ارباع حليب سائل دافي وربع الكاس ماء زهر يعني زوج كيسان اينوكس بين الحليب وماء الزهر واللي ماتحبش ماء الزهر تعوضو بالحليب يعني زوج كيسان حليب
خلطي الكل مليح مليح بالباتور
وزيدي 1كلغ بالضبط فرينه من دون زياده ولا نقصان وزيدي 1خميره نتاع القاطو ومغرف ثانيه من خميره الخبز
خلطي من غير ماتعجني بملعقه خشبيه رح تتحصلي على عجينه تلصق خليها في نفس الصحن
وغطيه بكيس ثم منشقه
وخلي العجينه تتخمر نصف ساعه في مكان دافيء
ادهني زوج سنيوات نتاع الفرن بالزبده وادهني يدك مليح بالزيت واقسمي العجينه على السنيوات الزوج
زيدي ادهني يدك وحلي العجينه في السنيوه حتى تولي قيسها سقميها مليح راهي تاخد شويه وقت لان العجينه طريه بزاف وايلاستيك
ادهني الوجه بصفار البيض ورشي الجلجلان والسينوج
زيدي خليها تتخمر مره تانيه ربع ساعه في مكان دافء وهدا امر مهم ويعمل فرق ثم انقبي القرصه بفرشيطه ودخليها تطيب
ماتاخدش وقت كثير
ومبعد قدميه
وبالصحه والعافيه
ادعولييييييييييييييييييييييييييييييييي
- أنواع خبز الدار
