انواع متعدده لحشوه السمبوسه
حشوه سمبوسه اللحم
نص كيلو لحم مفروم
5 بصلات كبيره مفرومه
رشه كمون ناعم
رشه كزبره ناعمه
فلفل اسود وملح
ملعقه اكل كزبره خضراء مفرومه
حطي اللحم على النار في مقلاه واسعه وخليه على نار قويه لحد ما ينزل مايه ويتبخر قبل لا ينشف حطي البصل والبهارات
خففي النار وخليه مغطي يتسبك 10 دق
قبل لا تطفين عليه حطي الكزبره عشان ريحتها وارفعيها
واذا حابه تحطي معاهاجزر ميشور وبطاطس مقلي وبيضه مسلوقه ومبشوره تطلع حلوه
حشوه سمبوسه الدجاج
دجاجه مسلوقه مفتته
3 بصلات مفرومه
ذره
جزر مبشور
ملح وفلفل وبهارات
3 ملاعق جبن سائل
حمري البصل والثوم بشويه زيت حتى يذبل اضيفي الدجاج والبهارات وخليها على نار هاديه
بعدين اضيفي لها الجزر والذره وخليها لحد مايذبل الجزر واخلطيها مع الجبنه
واحشي فيها السمبوسه
حشوه سمبوسه البيتزا
كوب جبن مزارولا مبشوره
جبن كرفت مبشوره
كوب زيتون اخضر الشرايح بس نقطعه صغار
بصله متوسطه مفرومه ناعم
حبه فلفل اخضر مفرومه ناعم
علبه مشروم مفرومه
رشه زعتر
تخلط مع بعض
وتحشى بالعجينه
حشوه سمبوسه الخضار بالبقدونس
كيس كيلو خضار مشكله (جزر- بزاليا-بطاطس-ذره)
3بصلات مفرومه معاها
بقدونس مفروم
ملعقه مشكله من البهارات
اسلقي الخضار نص استوى
احمسي البصل والبهارات والبقدونس
اضيفي الخضار وقلبيها مع بعض
اتركيها لحد ماتبرد وبعدين احشي السمبوسه
سمبوسه مع صلصه الصويا
كوبين ملفوف مقطع شرائح رفيعه
كوب جزر مقطع شرائح رفيعه
حبه فلفل اخضر+حبه فلفل احمر+حبه فلفل اصفر مقطعه شرائح
حبتين بصل شرائح
نص فنجال شاي صلصه صويا
حمري البصل الى ان يذبل شوي اضيفي باقي الخضار وقلبيها على النار وحركيها شوي
غطيها بس خمس دقايق عشان لا تذبل واكشفيها وقلبيها لحد ما تنشف اضيفي الصويا وبس تشربها سكري عليها
حشوه سمبوسه الجبن
علبه كبيره جبن كرفت مبشوره
كيس جبن مازارولا
نص كوب بصل اخضر مفروم ناعم
تخلط وتحشى
حشوه سمبوسه بالبطاطا
2بطاطس مقطع مكعبات
جبن كرافت مبشور
بقدونس مقطع صغار
شوي وفلفل اسود
يقلى البطاطس في الزيت وتخلط جميع المقادير مع بعض وتحشى بها السمبوسه وتقلى في الزيت
اتمنى تعجبكم الحشوه وتتمتعون بمذاق طيب وبالهنا والعافيه
