بقسماط سن

بقسماط سن

1 كيلو دقيق
20 جرام ملح
10 جرام خميره
3 بيضه
10 جرام سكر
حوالى نص لتر ماء للعجن
ربع كوب زيت زره او زيت سمسم
طريقه العمل

بنعجن كل المكونات دى مع بعضها عجن كويس جدا لحد ما العجينه تتماسك معايا
وتصبح لينه للفرد وبعدين بفردها بالمردانه او النشابه
وبتركها بعد كده لمده 15 دقيقه عشان العجينه ترتاح شويه
وبعد كده بقطع العجينه لقطع باى حجم اقدر ابرمها والفها الاهم هنا انى ابرم قطع العجينه والف فيها بايدى بحيث انها تكون فى الحجم المطلوب للبقسماط وبقطعها بعد كده بسكينه بحجم البقسماط المطلوب وبرصها فى صاج مدهون زيت بسيط جدا وبخليها بعد كده حوالى 10 دقايق تانى وانا مغطى الصاج ده ثم بدخلها الفرن على درجه حراره 180 لمده ربع ساعه وبعد كده بخرج البقسماط من الفرن وبسيبه بره عشان يقرمش وياخد الهوا اللى هيخلى القرمشه موجوده فيه على فكره ممكن اضيف على وشه قبل دخوله الفرن كمون سليم او شمر او سمسم او شوفان او حبه البركه او شطه بودره حسب الرغبه وبالهنا والشفا

• بقسماط سن