ليله العمر او ليله الزفاف هى ليله تحلم بها كل فتاه وتحلم ان تصبح جميله وملكه فى هذا اليوم وتخطف الانظار بجمالها وانقتها فى هذا اليوم ويشغل بالها كيف يمكن ان تجهز نفسها فى تلك الليله وقبلها بفتره لذلك عملك لكل عروسه ملف يصبح مرجع ومساعد لها ويمدها بالافكار والنصائح لتجهير العروسه فى ليله العمر خدى بالك لازم تكونى مظبطه شقتك قبلها بالكتير اسبوعين وتسيبى الحجات النهائيه للاى حد تانى وتفرغى انتى لنفسك علشان ما تبقيش شايله هم انك نسيتى حاجه رتبى نفسك قبل الفرح بفتره لان راحه البال مهمه قوى لنفسيتك وبشرتك قبل الفرح علشان بشرتك تبقى حلوه لازم توقفى نهائى الشاى والقهوه والبيبسي وتشربى يوميا الصبح عصاااااااااير ولبن قبل النوم اول حاجه لازم تهتمى بيها يا عروسه جسمك يعنى لو جسمك مليان حبه حاولى تخسى ودا رجيم سريع لو كنتى عايزه تمشى على نظام رجيم كويس يخسسك قبل الفرح ممكن تتبعى رجيم الموز ودا رجيم يابانى مشهور وطريقته كالاتى تناول الموز كفطور صباحي: يمكن تناول حتى اربع حبات من الموز و يمكن استبدال الموز بفاكهه اخرى حسب الرغبه يمكن تناول وجبه خفيفه في حال الشعور بالجوع بعد الفطور مثل حبوب الشوفان تناول الغداء بشكل طبيعي و لكن يمنع تناول الحلويات مع الوجبه في جميع الوجبات تناول طعامك ببطء و امضغه جيدا و استمتع بمذاقه و انته عندما عندما تشعر باول درجات الشبع الشراب الوحيد المسموح به مع الوجبه هو الماء و كذلك في جميع الاوقات من اليوم و يجب شربه على دفعات الاشربه بين الوجبات كالقهوه و الشاي و الصودا الدايت مسموحه باعتدال و لا يفضل استهلاك كميات كبيره من الحليب يمكن تناول وجبه خفيفه كعشاء و لكن لا يسمح بتناول العشاء بعد الثامنه مساء لا يفضل تناول الشيبس و الدونت و الايس كريم كوجبات خفيفه و يمكن تناول الشوكولاته للتحليه التوجه للنوم مبكرا و اجعل موعد النوم بعد اربع ساعات من موعد اخر وجبه تناولتها ركز على المشي يوميا مع بعض التمارين الخفيفه و لا تجهد نفسك بالتمرين الرياضي ان كان ذلك يتعب لوعندك مناطق غامقه فى جسمك لازم تفتحيها وتبداى بوضع الخلطه اللى هقولك عليها دى متجربه ونتيجتها مضمونه لتفتيح المناطق الغامه خلطه الجليسوليد بالليمون خلطه لبياض الاماكن الحساسه وتحت الابط (( توضع العلبه بعد الخلط فالتلاجه وتستخدم عند الحاجه))) المقادير:: علبه جليسوليد الاحمر فنجال زيت زيتون نصف علبه فكس (العلبه الصغيره) علبه فازلين صغيره ليمونه معصوره صابون دوف مبشور يوضع فى كوب ماء ((يغلي علي النار الي ان يذوب الصابون ويتبخر الماء الا قليلا)) بعد ذلك نضع الخلطه فالخلاط للمزج او يقلب جيدا بشوكه للمزج ويدهن الجسم كله قبل النوم وفالصباح تستحمي كويس وشوفى النتيجه ولا اروع… بالنسبه للعروسه ممكن تبدائى فى الخلطه دى قبلها بشهر علشان تضمنى النتيجه لانك فى وقت لا يسمح بتضييعه يفضل استخدامها يوميا …وان لم يكن ….يبقى 3 مرات فالاسبوع.. قبل فرحك يا عروسه باسبوعين هتعملى الماسك دا علشان تفتحى بشرتك ماسك العروسه: يروق البشره وينورها ويعالج بهتانها ……. شبيه بماسك الشوفان المكونات معلقه دقيق .((ممكن تستبدليه بالشوفان المطحون)) معلقه نشا معلقه كبيره زبادى. معلقه لبن. نص معلقه خميره فوريه علشان بتجلى الجلد وبتغذيه لانها غنيه بفيتامين B12 واى بكتيريا ممكن تسبب فظهور حبوب بتقضى عليها خلال الفتره اللى بتهتمى بيها عشان تتفادى اى ظهور حبوب قبل فرحك معلقه عسل نحل. معلقه ماء ورد. معلقه صغيره ليمون. معلقه صغيره زيت لوز مر. والحجات دى هتجبيها من عند العطار يخلطوا ويتركوا لدقائق لوحدهم ولو المزيج طرى جدا حطى عليهم نشا وليس دقيق لحد مايبقى متجانس وتقدرى تفرديه ع وشك…… ثم تعملى حمام بخار كويس للبشره مده 10 دقايق وتنشفى وشك وتضعى هذا الماسك لمده 20 الى 30 دقيقه … اغسلى بعدها وشك بماء فاتر بتعملى الماسك دا فالاسبوع 3 مرات فى الاسبوعين دول قولنا هتتفرغى لنفسك يعنى هتعملى الماسكات اللى بقولك عليها وكمان تحاولى تعملى باديكير برده يوميا لرجلك وايدك طبعا وسيبي ضوافرك تطلع وظبتيها. طريقه عمل الباديكير فى البيت الطريقه الصحيحه لعمل الباديكير اولا :_ هتجيبى طبق فى مايه سخنه الدرجه اللى تتحمليها وتدوبى فيها شويه ملح وبعد ما يدوب تحطى شويه شامبو او شاور مش مشكله وتحطى رجلك فيها لغايه ما تطرى كده وتلاقيها باشت عشان تقدرى تشيلى الجلد بسهوله وتنزعيه تماما وتبقى رجلك ناعمه خالص ثانيا :_ هتجيبى مبرد الرجلين اللى فى الصوره ده اسمه مبرد القدمين ولا تقولولى بقى حجر ولا مقشره ولا الكلام ده تجيبى الحجم الكبير زى اللى الصوره وفى الغالب مش غالى ممكن تلاقيه فى محلات 2,5 او فى الصيدليات الكبيره المهم هتجيبى المبرد ده وتشتغلى دعك فى قدم رجليكى لما تقولى يا بس وانتى هتلاقى الجلد بيطلع معاكى اييييييييه والاخوات اللى بيستخدموا الموس فى رجليهم عايزه اقولكم انه اكبر كارثه الموس ده وهو فعلا اللى بيدمر الرجلين مع تقدم السن وهو اللى بيخلى الرجل تصل لهذه الحال المؤسفه ف الصوره. فاى واحده بتستخدم الموس توقفه فورا وتبدا واحده واحده بالمبرد ده ومع الوقت هتلاقى رجليها بقيت عاديه جدا ومهما قعدتى فتره متعمليهاش عمرها ما هتوصل للحاله دى ابدا ثالثا :_ لما تخلصى دعك رجليكى بقى هتنزلى رجلك فى الميه تانى وتشطفيها من الجلد وبعدين تطلعى رجلك اليمين مثلا الاول وتنشفيها نص تنشيفه بالفوطه وتجيبى اى كريم جليسوليد الاحمر مثلا وتحطى على وش رجلك وتاخدى منه وتوزعيه على اظافرك وهتجيبى المبرد بقى بتاع الاظافر العادى اللى هو ده. وهتجيبى بسن المبرد تفرقى بين الجلد والظافر من الجوانب والمنتصف بحيث ان الجلد الزائد يخرج عن الظافر لكى تتخلصى منه تماما وبعدين هتجيبى قصافه الجلد اللى هى دى ف الصوره. ودى لما تيجى تشتريها هتنقى اللى سنها رفيع عشان تكون سهله فى ايدك وتشيل الجلد بسهوله هتبداى تشيلى الجلد بدايه من الجوانب بطريقه دائريه بمعنى من الداخل للخارج. وكده كده مش هتكون صعبه لانى الجلد بعيد عن الظافر هيطلع بسهوله جدا وبعد ما تخلصى هتبردى ظوافرك زى ما تحبى وبعدين هتجيبى فرشه القدمين وبالراحه كده هتحطيها فى الميه وتمشيها على ظوافرك رايح جاى كده وبعدين تنشفى مكان ظوافرك بس وتدعكى رجلك بالكريم وخلاص طريقه عمل كريم سنفره لجسمك عشان يشيل الجلد الميت من الجسم ويديكي ريحه حلوه (ممكن يتعمل بعد الحمام المغربى…لان الحمام المغربى طبعا ريحته مش حلوه ) وممكن يتعمل لوحده.. المكونات وطريقه الاستخدام ______ 1-لوشن خفيف (ايفازلين ) او اى لوشن تفضليه 2-معلقه زيت اللافندر. 3-معلقه زيت الياسمين او اى زيت عطرى تانى بتحبى ريحته 4-معلقه زيت عنب …او عصير 10حبات عنب. 5-معلقه زيت لوز حلو ومعلقه زيت سمسم. 6-ليمونه كامله او…..( نص ليمونه لو بشرتك حساسه.) 7-معلقتين ملح او ….(معلقتين سكر او 3 معالق قهوه لو بشرتك حساسه.) اخلطيهم على بعضهم …وسيبيه على جمب ….. وخدى دش سخن محترم الاول … وماتنشفيش جسمك هاتى الخلطه ادعكى بيها جسمك كله وافضلى ادعكى بايدك كده وسييها على جسمك ربع ساعه ..وبعدين تحت الدش هاتى الليفه (انا بحب الليفه المغربيه) واستحمي بيها يعنى ادعكى بيها جسمك وانتى تحت الدش . تجهيزات قبل الفرح بيوم بكره فرحك يبقى النهارده بالليل لازم الاتى بالليل عشان جسمك يهدى الصبح: سويت كامل . ودى طريقه لعمل سويت يقلل من نمو الشعر ل6 شهور وحتى سنه كامله ومع الاستمرار سيمنع طلوع الشعر نهائى ولو عايزه تخخفى الالم ممكن تستخدمى كريم مخدر اسمو emla بتشتريه من الصيدليه وهو تقريبا ب 10 ج بس بيعمل نتيجه كويسه تحطيه وتستنى ربع ساعه او لغايه لما تحسى ان المنطقه بدا مفعول التخدير يظهر ابدائى شغلك بقى ضع على السويت العادى نص ليمونه فاسوخ مغربى اسود(شبه العجوه) نص معلقه صغيره مستكه مطحونه 3 معالق شبه مطحونه فوائده: الفسوخ مع اختلاطه بالمستكه ومزجه بالحلاوه عند القيام بنزع الشعر.. الجلد يمتص فوائد الفسوخ والمستكه الذى يعمل بطبعه بتاخير نمو الشعر هتشعرى بان شعرك فعلا اتااخر فالطلوع اول مره تعملى بيه هتلاقى شعرك اللى كان بيطلع بعد اسبوعين ولا تلات اسابيع بقى يطلع بعد شهر والمره اللى بعدها شعرك هيطلع بعد شهر ونص واللى بعدها بعد شهرين وفكل مره هيتاخر طلوع الشعر وهيخف..والشبه بتجلى الجلد وتفتح ولو مش عندك فاسوخ اعملى الحلاوه العاديه اللى انتى متعوده عليها طريقه عمل الحمام المغربى قبل القيام بعمل حمام مغربى قومى بوضع خلطه بياض الجسم قبلها بيوم عباره عن:( علبه جليسلويد+علبه فكس+علبه صغيره فازلين+صابون دوف مبشور+ليمونه كامله) ¸طريقه الحمام المغربي\ *تسخين الحمام بترك الماء الساخن يملا البانيو مع اغلاق كل منافذ الهواء (الباب و النوافذ)، المهم هو ان يملا الحمام بالبخار. *اجلسي في البانيو المليء بالماء الساخن او السونا (حسب تحمل بشرتك) لمده 15 دقائق. بعد ذلك اجلسي على كرسي، لان المرحله التاليه تلزم ان تخرجي من الماء. *في اناء اخلطي الصابون المغربي (وهو على شكل كريم متماسك ولونه اسود) مع عصير الليمون الحامض (ولا تنسي وجهك وركزي على المناطق الدهنيه في بشرتك). يتم ترك الصابون على الجسم حوالي 10 دقائق. اما بالنسبه للوجه فاشطفه في الحال لكي لا تؤذي العين ويتم تكرار وضعه على الوجه مره اخرى (لان الوجه يكون دهنيا اكثر من باقي الجسم). * اشطفي جسمك بالماء الساخن جيدا وقومي بفرك الجسم بالليفه المغربيه
