تحميل شعر عن مصر mp3
بحبك يا مصر
بحبك يا مصر وبعشق ترابك
والف المداين وارجع لبابك
واحس بكياني وكرامتي فرحابك
يقولوا فقيره
يقولوا اسيره
بشوفك اميره
واحبك يا مصر
بحبك ملايه ومنديل بقويا
مقالب من اختي وغتاته من اخويا
ودعوه من امي تنسيني همي
وحكمه من ابويا
واحبك صبيه على البحر جايه
في ساعه عصارى
ونسمه قبالها تطير في شالها
تبين جمالها وترجع تداري
واحبك مراكب تعدي اللي راكب
لبر الامان
يدوب جوا نيلك ويعطش يجيلك
يقول لك كمان
واقابلك ببوسه في زفه عروسه
ولمه في بيتنا
مع ولاد حارتنا
تدق المزاهر ترد المزامر
تزغرد جارتنا نهلل نغني
وحلم التمني ينور ليليتنا
واحبك زياره لبيت عم سيد
ده اصله فقير مش حيقدر يعيد
نعيد عليه نفرح عنيه
ويدعيلنا دعوه بمليون جنيه
في ارضك يحس الغريب
انه مصري واحنا الاجانب
ويلقى الرعايه
ويلقى الحمايه على كل جانب
ويمشي فربوعك
ويشبع بجوعك ويعمل مصايب
ويرحل وينسى جميلك
ويقسى ويطلع يعايب
ويرجع تسامحي
يا ساكنه فملامحي يا ست الحبايب
ولادك بنوكي بروحهم فدوكي
ويشهد عليهم ترابك في سينا
ومنهم باعوكي
عشان الشيروكي وفيلا فمارينا
يعيشوا في خيرك
ويدوه لغيرك ولاد الذينا
ولو جار زمانهم يعودوا لمكانهم
يلاقوا السكينه
وتنسي جحودهم
وتبكي عليهم عنيك الحزينه
في ارضك سرحت وفشلت
ونجحت وعشت ببساطه
صاحبت الحمام
ونمت فسلام ولو عالبلاطه
تغير في شكلي همومي
ومشاكلي لكن روحي لا
اعبر بغنوه واقول نكته حلوه
لكن ياس لا
ما طيقش الغتاته
وقلبي المسالم ما يعرف شماته
واقول بالتلاته
بحبك بحبك بحبك يامصر
- بحبك يا مصر وبعشق ترابك والف المداين وارجع لبابك تحميل
- تحميل شعر بحبك يامصر شعر
- تحميل شعر حب شعر مصر
