تورته الكريسماس عايز
1/2 كوب كاكاو خام (50 جم )
1 1/4 كوب ماء (300 مل)
1 1/3 كوب دقيق (175 gm)
2 معلقه صغيره بكينج بودر
1/4 معلقه صغيره ملح
1/3 كوب زيت (80 مل ) — يفضل زيت عباد شمس او ذره
1 كوب سكر (200 جم )
3 بيض حجم كبير
3 باكت فانيليا (او 2 معلقه صغيره فانيليا سائله )
شربات
مقادير الموس لحشو الكيك : (دي وصفه سهله و سريعه للموس عباره عن كريم شانتيه مع جاناش )
2 باكيت كريم شانتيه بودره (دريم ) + 1 كوب ماء مثلج
200 جم شوكولاته مطبخ
1 كوب (240 مل ) كريمه حلويات (جهينه مثلا ) او 3/4 كوب لبن (١٨٠مل ) + 1/4 كوب زبده (50 جم )
مقادير الجاناش لتزيين الكيك :
٤٠٠ جم شوكولاته مطبخ
2 كوب (٤٨٠ مل ) كريمه حلويات (جهينه مثلا ) او 1.5 كوب لبن (360 مل ) + 1/4 كوب زبده (50 جم )
الطريقه :
اولا الكيكه :
– نسخن الفرن على حراره ١٨٠
– نخلط كل المقادير الجافه مع بعض وبعدها نضيف الماء والبيض .. بالمضرب الكهربائي على سرعه متوسطه نضرب المكونات كلها لمده دقيقه ونص (او لحد مانحس ان كل المكونات ممزوجه تماما )
– نجيب صنيه مستديره 23cm وندهنها بسمن او زبده وبعدين نرش دقيق ونوزعه كويس عشان عشان الكيك ميلزقش
– نصب خلطه الكيك في الصنيه ونسويها بمعلقه عشان حجمها يكون متناسق اثناء الطهي
– نحطها في الفرن الساخن ونسبها 25-35 دقيقه (عشان نعرف ان مده الطهي انتهت نجرب نحط خله سنان او سكينه رفيعه في نص الكيك لو طلعت نضيفه يبقى الكيك جاهز )
– بعد انتهاء مده الطهي نطلعها من الفرن ونسبها 5 دقائق
– نقلبها على صنيه مغطاه بورق زبده او فويل او نقلبها على رف تبريد
– نتركها ساعه لحد متبرد تماما
– نغطيها كويس اوي بورق بلاستيك (كلينغ فيلم ) او فويل ونشيلها في الفريزر لمده نص ساعه على الاقل (الغرض من الخطوه دي اننا عشان نقسم الكيكه طبقات للحشو بيكون اسهل كتير و هي مثلجه )
– نعمل الشربات زي الوصفه ونسيبه لبعدين وصفه الشربات في الرابط ده
ثانيا الموس و الجاناش :
نصيحه نعمل الجزء ده اثناء طهي الكيك في الفرن توفيرا للوقت. هنعمل الجاناش كله مره واحده وبعدين لما يبرد ناخد منه 1/3 الكميه للموس والباقي لغطاء الكيك
– نقطع الشكولاته قطع صغيره او ممكن نستعمل الشكولاته القطع الجاهزه للسهوله (chocolate chips ) ونضعها في اناء بيركس او زجاج يتحمل الحراره غويط
– نغلي الكريمه او اللبن مع الزبده على نار متوسطه
– نصب الكريمه المغليه على قطع الشكولاته ونقلبها سريعا حتى تذوب تماما ونسيب الخلطه تبرد شويه (20 دقيقه على الاقل ) – لازم نسيب الجاناش برا التلاجه
– في اناء منفصل نجيب الكريم شانتيه البودر ونخلطه بالماء على سرعه عاليه بالمضرب الكهربائي حتى يكون قوامه كثيف ومتماسك
– نغطي الكريم شانتيه ونضعه في التلاجه لحد متبرد الشكولاته
– بعدما الجاناش مايبرد (عايزين سائل بارد .. لو اتساب كتير ممكن ينشف ) ناخد 1/3 الكميه ونضيفها للكريم شانتيه .. هنقلب ببطء وبمعلقه خشب او بلاستيك
** متستعملوش مضرب البيض في الموس عشان ممكن القوام بتاعه يبوظ
– نقلب الجاناش مع الكريم شانتيه لحد المزج
– كده يبقى الموس جاهز .. نشيله في التلاجه متغطي
ثالثا : تركيب كيك الموس وتزيينه
– نطلع الكيك من الفريزر ونضعها على ورق زبده على الرخامه
– نجيب سكينه مسننه طويله
– لو الكيك عامله قبه من فوق يبقى نسويها بالسكينه .. ناخد بالنا هدفنا نساوي سطح الكيك
تسويه سطح الكيك
تسويه سطح الكيك
– بعد كده نقسم الكيك على 3 طبقات رفيعه وناخد بالنا نقطع برفق
طبقات الكيك الرفيعه
طبقات الكيك الرفيعه
– نجيب طبق التقديم ونحط شويه جاناش صغيرين عشان الكيك ميجريش مع النقل
– نضع الطبقه السفلى من الكيك اولا ونسقيها بشويه شربات
– نحط نص كميه الموس على الطبقه السفلى ونوزعها بشكل متساوي
– نحط فوقها طبقه الكيك المتوسطه
– نسقيها بشربات ونحط باقي الموس متوزع بالتساوي
– نحط الطبقه الفاضله ونسقيها شربات
– لو الموس طالع من الجناب نساويه على الكيك
– نضع الكيك في الفريزر لمده 10 دقائق
– بعد كده نطلع الكيك تاني ونغطيه بالجاناش بالتساوي
