حلويات بالقطايف بالصور

اول شىء مقادير عجينه القطايف:
2 كوب دقيق ابيض
2 كوب ماء دافىء
2 ملعقه كبيره سكر
نصف ملعقه صغيره خميه فوريه
نصف ملعقه صغيره بيكنج بودر
ذره ملح
مقادير القشطه :
علبه قشطه بوك(170 جرام)
2 كوب لبن حليب بارد
3 ملعقه كبيره نشا
ملعقه صغيره فانيليا(وممكن استبدالها بماء ورد)
وللتزيين:
بندق مجروش
عسل نحل
اولا هنعمل عجينه القطايف
فى بولا هنحط الدقيق والبيكنج بودر وذره الملح
تم تصغير هذه الصوره . اضغط هنا لرؤيه الصوره كامله . الحجم الاصلي للصوره هو 778 * 584. وفى بولا تانيه هنحط الخميره والسكر والمياه مع بعض ونخلطهم ونضيفهم على خليط الدقيق ونخلطهم كويس جدا بالمضرب اليدوى(الويسلك)او الخلاط اليدوى الكهربائى لغايه مانتاكد ان مفيش اى كلاكيع فى العجينه نغطى العجينه ونسيبها تختمر لمده ساعه فى مكان دافى ونبدا نجهز القشطه دى صوره لمكونات القشطه هنحط الفانيليا والنشا على اللبن هنقلبهم كويس جدا قبل مانحطهم على النار لغايه ماالنشا تدوب فى اللبن وهنحطهم على النار ونقلبهم لغايه ماالخليط يتكاثف ولما نطفى النار نحط عليهم علبه القشطه ونقلبهم كويس لغايه ماكل المكونات تتجانس هنحط القشطه فى التلاجه لغايه مانحضر القطايف نرجع تانى لعجينه القطايف بالنسبه لسواء عجينه القطايف طبعا لازم مقلاه غير لاصقه وفيه ناس بيحطو العجينه فى المقلاه بالملعقه وفيه ناس بالقمع البلاستيك بس انا وجدت احسن حاجه واسهلها هو ابريق الشاى هنملا ابريق الشاى بالعجينه ونغطيه طبعا هنسخن المقلاه على النار قبل ماننزل عليها عجينه القطايف طبعا هى مش بتاخد وقت خالص على النار لما تدخل فى السواء هتعمل فقاقيع زى الصوره كده احنا ماشيين صح والعجينه مختمره هنشكل العجينه هنقفلها عادى زى مابنحشيها ونقليها فى الزيت بس الفرق المره دى هنقفلها وهى فاضيه وهنسيب ربعها مفتوح ده شكلهم بعد ماقفلتهم قبل مااحشيهم بالقشطه وده شكل الطبق النهائى بعد ماحشتهم وحطيت عليهم البندق المجروش وعسل النحل يارب موضوعى البسيط ده يكون عجبكم