وتعتمد كروت الزفاف على 3 اشياء : اللون والتصميم والفكره.
اجمل لحظه في حياه اي بنت هي لحظه الاعلان عن ميعاد فرحها وخطوبتها، واكيد اي بنت بتكون فرحانه جدا وهي بتقدم دعوه الفرح لاصدقائها واقاربها…
وطبعا كلنا عارفين كروت الدعوه الكرتون المنتشره باشكالها الجميله وتصميماتها الكثيره لكن الجديد اللي معايا النهارده واللي قررت اقدمه في الموضوع ده انى اقدم كارت دعوه الفرح باستايل جديد جدا جدا..
لماذا خامه الستان بالذات؟
كل الناس متعوده على شكل الكارت الكرتون، فالجديد تقديم حاجه جديده جدا ومختلفه واهم حاجه التجديد فيها هي “الخامه ” و اقرب شيء للفرح هو “الستان” واكثر لون مستخدم في كروت الفرح الستان هو “الاوف وايت” او “الروز”..
اما التصميم الخارجي فالعروسه بتختار وتقترح التصميم ويتم تجميله في الاخر ويمكن تجميله بالاكسسوار والورود، وممكن وضع ورده او شريطه و(الدرابيه ) على الحرف عشان الشيكولاته
لماذا لايكون الستان الابيض؟
ان اللون الابيض في الستان بالذات لازم يكون غالي جدا والا هيظهر شكله مش حلو ويقلل من قيمته.
ولماذا الدانتيل بشكل ثابت مع كل ستان؟
الدانتيل انسب حاجه لشياكه الستان، وهو اهم حاجه تميز قطعه الستان والناس بتعرف بسرعه الدانتيل الغالي من الرخيص.
اما الستان في مصر فاسعاره معروفه ومناسبه ، وبجانب الدانتيل يتم عمل البرودريه وهو نوع من انواع التطريز اليدوي، واصبح له ماكينه خاصه وعباره عن خيوط والوان ورسومات متداخله مع بعضها، وفي صوره ثانيه يتم الاستغناء عن الدانتيل ووضع الدراي فلاور ودرابيه ذهبي.
وهل يوجد صعوبه في كتابه محتويات الكارت على القماش الستان؟
طبعا فيه صعوبه ؛ لان مش اي قماش يقبل ويناسب كتابه “السلك سكرين” لان فيه قماش كان رائع لكن خامته لا تقبل كتابه “السلك سكرين”؛ لانه ممكن يظهر مش شيك او يشرب اللون، وبالتالي يفقد شكله، ولان التصميم بيكون “هاند ميد” فمن اللازم الاعتناء بالتفاصيل
ايه هو السلك سكرين؟
هو نوع من انواع الطباعه اليدويه الخاصه بالاقمشه ومن ادق انواع الطباعه القديمه وتعطي قيمه ورقي.
وايه نوعيه الخطوط التي تمشي مع القماش الستان؟
تترك الحريه للعروسه ؛ لان فيه بنات بتفهم يعني ايه “هاند ميد” يعني فيه مثلا بنت تقول عاوزه الكلام يتكتب على يد خطاط وده بيكون غالي شويه وبياخد وقت، وفيه بنت تقول عاوزه خط زي الرقعه او النسخ واحيانا فيه بنات تجيب خط معين يتم تنفيذه اما “السلك سكرين” بالذات عاوز خطوط شيك عشان يظهر جمال الكارت..
معنى كده ان العروسه بتهتم بالكارت الستان زي اهتمامها بالكوشه والماكياج؟
العروسه تعتبر الكارت هو عنوان للفرح كله؛ فمن خلال الكارت نعرف ذوق العريس والعروسه ومستواهم الاجتماعي وشكل الفرح هيكون عامل ازاي ومن اصول الايتيكيت والذوق اننا ندعو الناس على الفرح عن طريق الكارت وخصوصا المعازيم الVIP، وعلى فكره فيه ناس ما بتروحش الفرح الا لو اخذت الكارت من العروسين.
يعني لازم العروسه تسلم الكارت بنفسها وتسلمه للمعازيم قبل الفرح؟
الفرحه هي التي تجعل العريس والعروسه يقدموا الكارت بانفسهم وبيكونوا حريصين على كده ولكن ممكن الام او الاب يرسلوا الكارت الى الشخصيات الVIP ويسلم قبل الفرح بحوالي 17 او 18 يوم.
هل فيه صعوبه في توصيل الكارت الستان عن طريق البريد؟
في حاله ارساله بالبريد يتم عمل غلاف كرتون شيك عشان يوصل في البريد اما في حاله تسليمه باليدفيتم عمل كارت صغير جدا على طرف الستان يكتب عليه فلان وحرمه وفلان وحرمه.
وايه اللي يميز الكارت الستان عن الكارتون؟
ان الكارت الستان بيعيش ويستمر مده اطول ولا يتعرض للبلل ولا يوضع في الادراج وممكن الكارت المفرش الموجود في الصوره مثلا يتعمل له (فريم) والعروسه تضعه في الصالون او غرفه المعيشه والاشكال التانيه ممكن توضع على تابلوه او تستخدميه كاكسسوار او ديكور في المنزل.
ممكن نحميه بوضعه في الظرف الخاص به وهو عباره عن تول او ستان او اورجانزا وممكن نجيب فوطه بيضاء ونضع عليها شامبو او اي مواد تنظيف ونمسح قطعه الستان بالدانتيل كلها بالاضافه الى ان “السلك سكرين” عمره ما يختفي او يبهت او يغير لونه.
استايل الكروت في الدول العربيه والاوربيه ؟
بالنسبه لاوربا مثلا يوجد عرب عايشين في لندن ومصريين عايشين في كندا و الدول الاوربيه بتعشق وتنبهر ب “الهاند ميد”، وكل الكروت في اوربا عباره عن “كارتون” ولكن غايه في الدقه والشياكه ، وعندهم عاده حلوه جدا انهم يكونوا حريصين ان الاب والام يدعوا المعازيم يعني يكتبوا السفير الفلاني وحرمه والدكتور فلان وحرمه يدعوان….
على عكس الدول العربيه الكروت عندهم من اساسيات الفرح والام هي التي تدعو الناس يعني يكتبوا السيده فلانه والسيده فلانه تدعوان …………… ولا يكتب اسم الاب هذه عادات وتقاليد عندهم ويهتموا ويفتخروا بكل شيء مبتكر وغير مالوف.
- دعوات افراح
- الاب ديكور افراح
- كروت افراح هاند ميد
- كروت دعوة هاند ميد
- نتائج هاند ميد 2019
