رجعوني عينيك كلمات
رجعوني عنيك لايامي اللي راحوا
علموني اندم على الماضي وجراحه
اللي شفته قبل ما تشوفك عينيا
عمر ضايع يحسبوه ازاي عليا
انت عمري اللي ابتدى بنورك صباحه
قد ايه من عمري قبلك راح وعدى يا حبيبي
قد ايه من عمري راح
ولا شاف القلب قبلك فرحه واحده
ولا داق في الدنيا غير طعم الجراح
ابتديت دلوقتي بس احب عمري
ابتديت دلوقتي اخاف لا العمر يجري
كل فرحه اشتاقها من قبلك خيالي
التقاها في نور عنيك قلبي وفكري
يا حياه قلبي يا اغلى من حياتي
ليه مقابلتش هواك يا حبيبي بدري
اللي شفته قبل ما تشوفك عينيا
عمر ضايع يحسبوه ازاي عليا
انت عمري اللي ابتدى بنورك صباحه
الليالي الحلوه والشوق والمحبه
من زمان والقلب شايلهم عشانك
دوق معايا الحب دوق حبه بحبه
من حنان قلبي اللي طال شوقه لحنانك
هات عنيك تسرح في دنيتهم عينيا
هات ايديك ترتاح للمستهم ايديا
يا حبيبي تعالى وكفايه اللي فاتنا
هو اللي فاتنا يا حبيب الروح شويه
اللي شفته قبل ما تشوفك عينيا
عمر ضايع يحسبوه ازاي عليا
انت عمري اللي ابتدى بنورك صباحه
يا اغلى من ايامي يا احلى من احلامي
خدني لحنانك خدني عن الوجود وابعدني
بعيد بعيد انا وانت بعيد بعيد وحدينا
ع الحب تصحى ايامنا ع الشوق تنام ليالينا
صالحت بيك ايامي سامحت بيك الزمن
نسيتني بيك الامي ونسيت معاك الشجن
رجعوني عنيك لايامي اللي راحوا
علموني اندم على الماضي وجراحه
اللي شفته قبل ما تشوفك عينيا
عمر ضايع يحسبوه ازاي عليا
انت عمري اللي ابتدى بنورك صباحه
