تجربتى الحقيقيه مع ليبو 6 بلاك هيرز الترا
السلام عليكم ورحمه الله وبركاته
بصراحه منتدى فتكات من افضل المنتديات بالنسبه لى
واشتركت فيه مخصوص علشان احكى تجربتى مثل بقيه الاخوات
انا اشتريت ليبو 6 بلاك هيرز الترا
ودى اول مره استخدمه بصراحه كنت بستخدم قبل كده حبوب كروماكس + جلوكوفاج 500 مج وكنت متابعه مع دكتور
لكن مكملتش معاه لان بصراحه كان نظامه غبى جدا ومجهد جدا جدا
انتو فهمين طبعا نظام بقا تفاحه فى الفطار ومعرفش ايه فى الغداء ووجع قلب انا باغلي
المهم مكملتش معاه
انا وزنى 77 كيلو وطولى 158
عايزه انزل ل 60 كيلو
قرات فى المنتديات عن
ليبو 6 بلاك هيرز الترا
قولت اجرب زى اللى جربو لكن بحزر شويه
بمعنى مثلا الناس كنت بقول الجرعه فى اليوم 2 حبايه
انا باخد وحده بس قبل الفطار ب 1/2 ساعه
وبعدها ب 1/2 ساعه بفطر مثلا 2 بيضه ومعاهم نصف رغيف
وبعدها ب ساعه بامشى على المشايه الكهربائيه لمده من 30 دقيقه الى 40 دقيقه
وبيكون ظاهر على الشاشه بتاعت المشايه ان المسافه اللى مشيتها 3 كيلو و 800 متر
وعدد حرق السعرات 270 سعر حرارى
انا طبعا شويه اجرى وشويه امد وشويه امشى متنوع يعنى علشان يحصل حرق للسعرات
الكويس فى الليبو انوا بيعطى طاقه للحركه كويسه جدا يعنى بصراحه سعات مش بكون عايزه انزل من على المشايه
لكن علشان الراجل اللى اشتريت منه المشايه كان بيقول افضل شيئ متزوديش عن 30 دقيقه عليها
المهم انا بقالى يومين ونزلت فيهم 2 كيلو ماشاء الله عليااااااااااااااااا يارب
الزم وضرورى جدا جدا تشربى مياه كتير لان بدون مايه مش هتنزلى ولا وزنك هيتحرك من مكانه وممنوع مع الليبو 6 الشاى و القهوه نهائيا
طبعا انا الغداء بتاعى عادى جدا بس مثلا لو فى رز بيكون بزيت الزتون ومش كتير يعنى يا دوب
شوربه خضار مثلا زى ما انا عايزه
ولو فراخ او لحمه مسلوقه بدون دهون بيكون بالمعقول
انا بخلى الغداء على مثلا الساعه 5 او 6
علشان متعشاش ولو اكلت باكل حاجه بسيطه يعنى ممكن طبق شوربه خضار صغير عليه نصف لمونه
قبل ما انام مباشرتا اكل علبه زبادى بدون وش بيقولو بينسف الكرش نسف احلى ابتسامه
وان شاء الله كل يوم هقولكم وصلت لحد فين
