شتاوات على العزيز
نبدابغناوى العلم
عندى عين فارضه عالعقل يخطر عزيز الاوقات كلها
العين فى غياب غلاك الحزن هو لباسها
عزيز غاب غيبه عمر امفيت حلم ما عاد ننظره
الله لايجيب نهار اعزاز فيه يبقوا لغيرنا
عزيز قبل مالى دار خلاها خلا يا نويرتى
خلانى غلا عزيز اطرش كفيف فى دار خاليه
حسايف العين اكبار تنظر عزيز فى ايدين غيرنا
خلوك فى مصافق ريح اعزاز قرطسوا بيت الغلا
بكيت يا عزيز عليك رقيت عزم قسمى قيسنى
الصبر ما يجيب عزيز امغير عذر داروه العرب
القسم مرتين اظلمك ودر عزيز وحذاك نزله
اغفيت ما لقيت اعزاز اوعيت جرتى باكيلهم
عطاك يا عزيز الله مسيطر علينا بالغلا
النوم والعزيز بعيد حرام عليك يا عين ترقدى
وهذه شتاوى ع العزيز
غيبه ناس اعزاز اتعذب = اللى ما ضاق يقول امكذب
راجع يالعزيز ضميرك = راك وراك امبكى غيرك
دار عزيز عليها حالف = غير الحى عليش يوالف
بعقالك يا عقلى خلك = لين يجيك عزيز يحلك
عزيز نسانا دار عويل = يقمط ويدودش ويشيل
انريدوها لكن هيهات = عزيز يجى يسهر ويبات
عزيز امخليلى لوهام = جدب لو تمطر ميه عام
حصله فيه عزيز احصلنا = لاهان ولا فيه اوصلنا
جنين غلاى اللى ناسيه = لقيت عزيز يربى فيه
عزيز دوانا بين ايديه = ان متنا محسوبين عليه
وهذه غناوه وشتاوه
الغناوه تقول العين مو فراق عزيز الصاعب انها ما ودعت
والشتاوه تقول اللى صعبت ساعه فرقاه = عزيز مشى ما ودعناه
- شتاوات بنات
- شتاوي ليبيه علي الحبيب
- شتاوي ع غيبة عزيز
- شتاوه ليبيه طخيت عزيز
- شتاوات للبنات
- شتاوات علي الحبيب
- شتاوات عالنوم 2021
- شتاوات ع النوم
- خلاني فراق عزيز أطرش كفيف في دار خاليا
- ﻋﺰﻳﺰ ﻏﺎﺏ ﻏﻴﺒﺔ ﻋﻤﺮ ﺍﻣﻔﻴﺖ ﺣﻠﻢ ﻣﺎ ﻋﺎﺩ ﻧﻨﻈﺮﻩ
