اعشاش الشعريه بالدجاج والكريمه
سويت امس اعشاش الشعيريه بالدجاج والكريمه هذا الطبق اولادي مره يحبوه
وعلى فكره سهل وسريع ولذيذ لكن الشرح هنا مطول السالفه وهي قصيره
تقدري تقدميه كطبق رئيسي او كطبق جانبي …..
:وندخل على المقادير
بصله متوسطه مفرومه *فلفل رومي مقطع مكعبات صغيره (انا حطيت ملون وهذا اختياري )*حزمه بقدونس صغيره مفرومه *2صدر دجاج مقطع مكعبات صغيره *1 م ك بهار *ملح على حسب الرغبه *علبه صغيره كريمه الخفق * 1 جبن تشدر مبشور (كرفت)* 2كيس شعيريه *
ونبدا بالطريقه :
1.نقلي البصل في شويه زيت الى ان يصفر لونه ويذبل …..
2.نضيف على البصل الدجاج ونقلبه الى ان يستوي وتنشف مويته …..
3.اذا نشفت مويه الدجاج نضيف الفلفل الرومي والبهار والملح ونقلبه تقلبتين ونطفي النار ……
4.بعدها نضيف ربع كميه البقدونس المفروم ونتركها على جنب …
نسلق الشعيريه في مويه حاره وشويه زيت وملح ونتركها 5د فقط مو اكثر لاننا ما نبغاها تتفكك ونطلعها بالملعقه (اللي مثل الصفايه )ونرصها في الصينيه ..
معليش انا هل الخطوات ما صورتها بس انشاء الله الشرح يكون واضح.
5.نبدا نحط الحشو في وسط كل عش (ملعقه كبيره وشويه تقريبا)ونتركها على جنب الى ان نجهز الكريمه ….
6.نجي لتجهيز الكريمه :
نضيف الكريمه في القدر ونحط عليها الجبنه المبشوره (انا استخدمت نصف العلبه الوسط من الكريمه )ونحطها على النار …
ونضيف عليها شويه فلفل اسود واول ما تبدا تغلي نرفعها من على النار (لان ما نبغى الجبن يذوب )
نبدا نصب بالملعقه فوق كل عش من اعشاش الشعيريه وحاولي وانت تصبي الكريمه تحطي فوق كل وحده من الجبن المبشور على الوجه ولازم تتاكدي انك غطيتي الاطراف بالكريمه عشان لمن تدخل الفرن ما تنشف الاطراف وتقسى …
وهنا بعد ما صبيت عليها الكريمه
نغطيها بالقصدير وندخلها الفرن 10د بس (اذا حابه انك تحمري الجبن شويه شيلي عنها القصدير وشغلي عليها من فوق (هل الخطوه ما سويتها اكتفيت بتسخينها فقط بدون تحمير للجبن )
وهذا شكلها بعد ما طلعتها من الفرن
وللتقديم زينتها بباقي البقدونس المفروم ….
وهنا زوووووووووووم اكثر ….
*****وهنا اول حبه للى تحبه :30:*****
اتمنى ان تنال على رضاكم
ودمتم في حفظ الرحمن
