شعر شعبي عتاب عراقي

يعد العتاب لغه الاحباب، ويقال: العتاب صابون القلب، لذلك سنعرض لكم في هذا المقال عده قصائد عراقيه عن العتاب التي نرجوا ان تنال اعجابكم.

شعر شعبي عراقي عن العتاب

• اريد اعلن حداد وللعشك ماعود

واريد انساك ونسه البينك وبيني

وشك دفتر غرامك خاطر انه انساك

ودير الوجه عنك من تلاكيني

ماريدك بعد لو انت روحي اتصير

وماريدك لون من موت تحييني

ملح بعيوني احطن ونسه حتى النوم

اخافن بالمنام طيوفك تجييني

اذا شافتك عيني وفرحت بملكاك

والله اتبره منهه وهاي موعيني

واذا صافحك جفي بحجه الخملان

اكص اثنين اديه يساري ويميني

واذا كالولي حبك يسري بالشريان

ثق بالله اكطع كل شراييني

واذا صاير شمس انه ابقه دوم بليل

وما ريد الضوه وبلظلمه خليني

تذكرمن لكيتك والعطش واليك

وكلتلي امعود اترجاك روييني

عصرت اجفون عيني وشلييت دموع

وشربتك بديه وانت تدرييني

ومن مرني العطش صرت انت جربه ماي

كصدتك معتني ومديت جفيني

وانت بكل وكاحه وكل صلافه عين

درت بجفوفي سم وردت تنهيني

تذب نفطك عليه وانه بيه النار

وتتحمه اعله ناري و ماتطفيني

وصرت محبس بديك وكمت بيه تسوم

ساعه تبيع بيه وساعه تشريني

اظل خصمك وفضحك حتى من اتموت

على كبرك اخطن بايك اسنيني

• من ياهي اعذرك ….وانت ما معذور

سيفك هد علي…….. بساعه الشده

حسبتك تحبني …وجبت بيدي الروح

بعدها ابنص ……اديه وكمت تتعده

ردت مره اجربك…. وانتخيك بيوم

على كلبي انتخيتك ……بلكن اترده

وكح كتلك وكح ….ويريد احب بذات

شجعته ع الي…….. وتوكف بسده

مرات التحبه تشوف….. منه اشكال

وتخلقله الاعذار ….دكول مو قصده

وتصد كل الحجي… والنصح من الناس

وتتحمل ذنوبه……… وكل خطا عنده

لبس يفاجئك يلبس……. جلد ثعبان

ومفصل عليه……… وجايبه بكده

مانادم عليك ……الراح خلي يروح

ولك صارت قديمه …..الماي وتبده

بس نادم علي… شلونه اصدك بيك

ونادم ما اخذت…. العبره من وحده

وهن اهواي صارن.. ماتبت عالصار

يا كلبي شيتوبك…… كافي وتهده

غيمه من الدمع يزرعها ….وسط العين

وانت ورود……. حمره وتزرع بخده

• يمعود تره الكلك بعدني ارتاحلك جذاب يمعود

وجهات النظر تختلف باللحظات

مو لان رمده العين ..لان شوف الكلب ارمد

وعزيز الشمع بس بالليل ومن ينطفي كلهه اضوج

مو حبا ..لان كلشي يصير اسود

يمعود طبع سجين انه طبعي

شما اضعف عليك اشتد

يمعود ..انه ما ناجرك ياباب

الله يساعد النجار بوجه الباب من ينرد

كبل جنت انه دايخ بيك اموت عليك

وتردد عليك وعلي تتردد

هسه ما اجي ..ومن تجي بشارعنه

اذا مفتوح بابي لوحده ينسد

يا بلبل ربه وما غردت فد يوم

وبلبل مشتره وللمشتري غرد

يمعود صحيح انته حلو كلش

حلو تخبل حلو بلاعد

وحلو طبعك ..طبع رطبه تصير احله

شما حر الوكت يشتد

بس انه ضجت منك …لان حبوك مدري شكد

• شما اقرب عليك ..

اتزيد حسراتك …

اذا خايف احرجك ..

گلي ليش اتخاف … ؟

ماريد انه اصبح ..

سبب ماساتك ..

احسب للطريق ، وشوف دربك زين ..

بس انه اعتقد ..

حاسب حساباتك ..

مرات اني اشوفك ..

قمه بالاشواگ ..

ومرات احس گلبك ..

عكس نظراتك ..!!

اشوفك ترف ، واطمع ع الترافه البيك

اجيك .. وتنگلب قاسي بعلاقاتك

ي ( حبيبي) بالكرم ..

واكثر بعد للناس ..

بس وياي .. تبخل

ليش ساعاتك

تلعب على اجروحي ..

وتضحك ومرتاح ..

وانا ابطيبه گلب ..

احمل جراحاتك ..

واضح ويه غيري ..

وغامض انت وياي ..

اتمنى اني غيري .. واحوي ضحكاتك

بس راح اني اعوفك ..

وانشغل بالروح ..

وما تلگي من يمسح غيري دمعاتك

• اصبر الروح بيش و انت بيه الروح

و اذا تطلعاظلن بس جسد خالي

لكيتك من جنت ما لاكي كل الناس

انت اول محب و انت صرت تالي

يلكلك محبه و انت احن مخلوق

معقوله الحمامه اتصير كتالي

صح ماكو بجمالكاني ادري بهاي

وروجه رقتك ما كظها اي جالي

حرام اعليك تزعل ونته الصوج

اجيك انه اعتذر و بلا ذنب خالي

تزعل ليش

غالي و كلشي عندي و ما اهدكدووم غالي

وهسه حبك جيف صرت غالي

احسك تختلف عن كل الناس

بعيوني اشوفك علنجم عالي

واشوفن دمعتك ما جنها تنزل ماي

ذهب تنزل دمعتك تجدحاتلالي

الك بستان عمري بكل ثمن مزروع

راضي بكلشي منك كلشي يحلالي

اجيك ومن ارد فارغ ارد للغير

وعنب بس اعله مودك تارس اسلالي

يمك انسه روحي و مناكون وياك

وعلى فنجان شفتك تركع ادلالي

الواشي بلا بخت مرني و زعلك

اموت انه ولا يوم اجرحنك و زعلك

حلو كلك على بعضك و زعلك

بحلاتك فدوه بس ارضىعليه

• اجمل شعر