شعر شعبي عراقي عن الفراق
شعر شعبي عراقي عن الفراق
هذه اشعار تحكي عن الفراق نوردها لك
گالو ما تجي وگالو عليك بعيد
ودرب كلش طويل البينك وبيني
شح مني الدمع گد ما بچيت اعليك
واعاتب بالگمر هلبت يواسيني
ظلم كلش ظلم تحيا وتموت بشوگ
وچا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تاذيني وتبچيني
صفه رسمك حلم عذب حنايا الروح
ومثل طيفك ابد ما شايف بعيني
نهر طولك عذب صافي ويرد الروح
وانه الميت عطش وبگطره ترويني
اكتبلك شعر واسطرلك الابيات
وانته بلا بخت بالفرگه تچويني
قيس بعام واحد وتيبس من الشوگ
وانه سنين مرت ما غفت عيني
گلي شلون رايك والعمر محسوب
وچلمات الشماته تگول ناسيني
طلابه وي العشگ وايامي كلهن ليل
وشمس حبك ظلم من ما تضويني
كافي من العتب راح اختم الابيات
واحچيلك سطر بي كل عناويني
مثلك ما شفت ولا رايد ولا ريد
واحبك موت عنوان لدواويني
ري العمر مشوار تكضي ايامه وتعدي
ولو ادري الوكت دولاب ياخذبينه ويودي
جا ماشمت الشمات بيه ولا خنت ودي
ولاخليت دمعي يسيل تيزاب وحرك خدي
مو انته الكلت اعوفك واخلف بوعدي
اشو نص الدرب يفلان وتبريت من عندي
لحيمي ودج عليه الريش وجناحك كوه بجبدي
كل هذه التعب والطيب ضيعته وصرت ضدي
صدك ينسى الفكر والضيم من يستغنى لمجدي
بعد ورده شبابي تفوح ماطاحت بمرض معدي
بعد حملي عدل مامال ليش تعوفني لوحدي
تدريني خشب وبنار بفركاك رماد وابدي
كل جرح يالم يطيب بس جرحك جرح يضل يدي
بعد شتريد من عندي شضحيلك بعد شفدي
ولو ادري النهايه بهاي ماجنت بهواك ابدي
تعال لخاطر الله وخليني ارتاح
من زمان ما شافتك عيني
ولك هم تشتاقلي بالغربه مرات
لو ناسي الذي بينك وبيني
لو تدري الدمع ما فارق العين
ولا قلبي بغيابك مل ونيني
مشتاق اني الك ….. مشتاق اني الك
ولك قلبي محتام
هاي الارض ما توسع حنيني
يا همي وعذابي وحركت الروح
كضيت ويا الحزن اجمل سنيني
هم عود اني اشوفك واكعد وياك
وك ابوس تراب جدمك منتجيني
- شعر شعبي على الفراك
- شعر شعبس حزين على فراق وغياب البنت
