بنت النور
غناء: محمد عبده
-=-=-=-=-=-=-=-=-=-=-=-
انا عيوني على سورك يا بنت النور
يا عطر الليل وهمس الليل
انا فيني الاماني سيل
ابي تعذرين احساسي اذا قصرت
وابي تعذرين لو قصرت في حقك
او قصر كلامي وما وصفك شعور
يا بنت النور يا عقد من الوله منثور
* * *
يا دانه بعين بحارك ترى الاحساس ربانك
وانا ربان هالمركب وافني رحلتي عندك وحطيت الامل عندك
بس الموج ما يساعد ولا الاقدار بتساعد
ولا الخطوه قربت مني ولا هدت
احس انها قريبه ويمك تباعد
يا بنت النور يا عقد من الوله منثور
* * *
انا لك يا بريق الماس .. انا الالماس
وانت لمعه الماسه وحساسه
وقلبك موطن الازهار وانا اللي يعشق الازهار
وغيري يقطف احساسه
ولكن ما يهم اللي تولع في غرام الورد
الا ما نسيته ورده سقاها بلهفه انفاسه
انا يا ورده العشاق ونار الحب والاشواق
انا اول من عرف قلبك
واول من سمع نبضك
واول شخص لك اشتاق
يا بنت النور يا عقد من الوله منثور
