شهيوات حلويات رمضان بالصور

المقادير

كيلو دقيق الفورص
ملح
بيضه
كيسين من خمارات الحلوى
غ 250 الزبده دايبه و بارده
زهر للعجن
نشا او مازينا للتوراق

طريقه تحضيرشهيوات رمضان : الحنيفيات بالعسل مقرمشينو لذاذ بالصوراولا كتبسسوا الدقيق بالزبده و تضيفوا باقي المقادير
و لازم تحصلوا على عجينه قاصحه
عجنوها مزيان
و تشكلوا منها عصيات و تخليوها ترتاح انا خليتها نصف ساعه
طلقوها بالمدلك شويه مع رشه مايزينا
و دوزوها فماكينه السباكيتي رقم 4 ثم رقم 7 ثم رقم 9
لازم تكون رقييييييقه
رشوها مزيان بالمايزينا و لويوها
كملوا العمل لكل العجينه و متنساوش تغطيوها ببلاستيكه باش متنشفشي معاكم من بعد قطعوا العجين مائل فحال الا غتعملوا الفقاس

و كل قطعه عاود رققوها بالمدلك
كملوا كل اعجين مع مراعاه دائما انكم تغطيوه

و قليوه فزيت سخونه لكن الحراره قليله و هادا السر باش تطيب معاكم كل الوريقات و تقرررمش