صنع حلويات العيد
كحك العيد بالعجميه
***************
المقادير
كيلو دقيق – 1/2 كيلو سمن
من كوب لكوب ونصف ماء دافىء للعجن
قطعه خميره بيره فى حجم عين الجمل
زره ملح – 2 معلقه ريحه كحك
سمسم – معلقه سكر
الطريقه
ننخل الدقيق في طبق غويط للعجن ..
نعمل حفره في النص نضع فيها السمسم
نقدح السمنه علي النار لغايه ما تتقدح كويس جدا
نحطها علي السمسم ونقلب بملعقه خشب او بالمقصوصه
لماتبرد نبس او نفرك خليط الكعك بين الايدين كويس قوي ..
حتي ينعم ويتشبع بالسمنه
-نخمر الخميره مع ملعقه صغيره سكر في شويه ماء دافئ
بعد ان تعلو وترتفع الخميره .. نعجن بيها الكحك .. ونغطيها لتخمر حوالي ساعه
نشكل الكحك كور صغيره ونحشيها اما بالعجميه اوالملبن اواي نوع مكسرات مفضل
او حتي بدون حشو وننقشها بالمنقاش او القوالب الخاصه بالكحك..
نخبزها ولما تبرد نرش عليها سكر بودره
المقادير
1 و 1/4 كيلو دقيق
3/4 كيلو زبده
1/4 كيلو سكر بودره
4 بيضات كامله + صفار 4 بيضات
فانيليا
ربع معلقه بيكنج بودر
الطريقه
نضرب الزبده كويس جدا لحد ماتنعم
ثم يضاف لها السكرونستمر فى الضرب لحد ماتبيض
يضاف البيض والفانيليا الى الزبده والسكروتدعك جيدا جدا
باستعمال اليد نعجن بالدقيق المضاف له البيكنج بودر
نشكل البيتي فوربالقمع على هيئه وردات مدوره او وردات بالطول
او بالماكينه ويخبز في الحال
-لو اردنا عمل بيتي فور بالكاكاو نضيف للدقيق2 ملعقه كاكاو
و ننقص 2ملعقه دقيق منه
بعد ما يطلع ويبرد نزوقه بافكار كتير زى مثلا نلزق
واحده الشيكولاته مع واحده بيضاء او نلزق كل اتنين ابيض مع
بعض ونزوقهم بالشيكولاته السايحه او نلزق اتنين بالشيكولاته ونزوقهم
بالشيكولاته البيضاء
